10 Minute Roti Recipe: ଫିଙ୍ଗିବା ବଦଳରେ ବଳକା ରୁଟିରେ ବନାନ୍ତୁ କ୍ରିସ୍ପି ଅପ୍ପେ, ଖାଇଲେ ସମସ୍ତେ କହିବେ ଆହାଃ

ରାତିର ବଳକା ରୁଟି ଫିଙ୍ଗି ଦଉଛନ୍ତି କି? ବଳକା ରୁଟିରେ କଣ କଲେ ତାହା ସ୍ୱାଦିଷ୍ଟ ଲାଗିବ କଣ ଆପଣ ଜାଣିଛନ୍ତି? ରେସିପି ଜାଣିଲେ ଆପଣ ବି କରିବେ ଟ୍ରାଏ। ମାତ୍ର ୧୦ ମିନିଟ୍‌ରେ ବନାନ୍ତୁ ଅପ୍ପେ ରୁଟି। ଏତେ ଟେଷ୍ଟି ଯେ ସମସ୍ତେ ପଚାରିବେ ରେସିପି।

ରାତିରେ ରୁଟି ଖାଇବା ପରେ ପ୍ରାୟତଃ ରୁଟି ବଳକା ରହିଯାଏ। କେହି କେହି ରୁଟିକୁ ଅନିଚ୍ଛାରେ ଖାଇଥାଆନ୍ତି ତ କେହେ କେହି ଫିଙ୍ଗି ଦିଅନ୍ତି। ଆମେ ଜାଣି ନଥାଉ କି ସେହି ବଳକା ରୁଟିରେ କଣ କରିବା, ଯାହାକୁ ଫିଙ୍ଗିବା ପରିବର୍ତ୍ତେ ଖାଇ ହେବ। ତଥାପି ବଳକା ରୁଟିରେ ଅନେକ ସ୍ୱାଦିଷ୍ଟ ଏବଂ ସ୍ୱାସ୍ଥକର ଖାଦ୍ୟ ପ୍ରସ୍ତୁତ କରିହେବ। ଯାହାକୁ ବନେଇବା ସହଜ ସହିତ ସ୍ୱଳ୍ପ ସମୟରେ ପ୍ରସ୍ତୁତ ହୋଇପାରିବ। ଏପରି ଏକ ଖାଦ୍ୟ ହେଉଛି ଅପେ ରୁଟି। ଏହି ରେସିପି ଉପରୁ ଯେତିକି କ୍ରିସ୍ପି ଭିତରୁ ସେତିକି ନରମ। 

ଅପ୍ପେ ରୁଟି ପାଇଁ ଆବଶ୍ୟକୀୟ ସାମଗ୍ରୀ-

୨ଟି ବାସି ରୁଟି
୧ଟି ସିଝା ଆଳୁ
୧ଟି ପିଆଜ
କଞ୍ଚା ଲଙ୍କା
ଗାଜର
ହଳଦୀ ଗୁଣ୍ଡ
ଲଙ୍କା ଗୁଣ୍ଡ
ତେଲ
ଧନିଆ ପତ୍ର
ସ୍ୱାଦ ଆନୁସାରେ ଲୁଣ
୧-୨ ଚାମଚ ଦହି କିମ୍ବା ପାଣି

ପ୍ରସ୍ତୁତ ପ୍ରଣାଳୀ-

ଅପ୍ପେ ରୁଟି ତିଆରି କରିବା ପାଇଁ, ପ୍ରଥମେ ବାସି ରୋଟିଗୁଡ଼ିକୁ ଛୋଟ ଛୋଟ ଖଣ୍ଡ କରନ୍ତୁ। ଏବେ, ସେଗୁଡ଼ିକୁ ଏକ ଗ୍ରାଇଣ୍ଡରେ ପକାଇ ଭାବରେ ଗ୍ରାଇଣ୍ଡିଂ କରନ୍ତୁ। ବେଶୀ ନୁହେଁ ଟିକେ ଖଦଡା ଖଦଡା ରଖନ୍ତୁ। ସେଗୁଡିକୁ ବଡ ପାତ୍ରରେ କାଢି ନିଅନ୍ତୁ। ଏହା ପରେ, ସିଝା ଆଳୁ, ସୂକ୍ଷ୍ମ କଟା ପିଆଜ, କଟା ଗାଜର, ଏବଂ କଞ୍ଚା ଲଙ୍କା ପକାଇ ଭଲ ଭାବରେ ମିଶାନ୍ତୁ। ସେଥିରେ ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଲୁଣ, ଏବଂ କଟା ଧନିଆ ପତ୍ର ପକାନ୍ତୁ। ଯଦି ମିଶ୍ରଣଟି ଅତ୍ୟଧିକ ଶୁଖିଲା ମନେହୁଏ, ତେବେ 1-2 ଚାମଚ ପାଣି କିମ୍ବା ଦହି ମିଶାନ୍ତୁ ଏବଂ ଭଲ ଭାବରେ ଗୋଳେଇ ଦିଅନ୍ତୁ।

ଏବେ ଆପଣଙ୍କ ହାତରେ କିଛି ତେଲ ଲଗାନ୍ତୁ ଏବଂ ଏହି ମିଶ୍ରଣରୁ ଛୋଟ ଲେମ୍ବୁ ଆକାରର ବଲ ତିଆରି କରନ୍ତୁ। ଚୁଲିରେ ଏକ ଆପେ ପ୍ୟାନ୍ ଗରମ କରନ୍ତୁ ଏବଂ ପ୍ରତ୍ୟେକ ପାତ୍ରରେ 2-3 ବୁନ୍ଦା ତେଲ ପକାନ୍ତୁ। ତାପରେ, ପ୍ରସ୍ତୁତ ବଲଗୁଡ଼ିକୁ ପ୍ୟାନ୍ ରେ ରଖନ୍ତୁ, ଘୋଡାଇ ଦିଅନ୍ତୁ ଏବଂ କମ୍ ଆଞ୍ଚରେ 2-3 ମିନିଟ୍ ପର୍ଯ୍ୟନ୍ତ ରାନ୍ଧନ୍ତୁ। ବଲ ଟିକେ ହାଲକା ଲାଲ୍ ରଙ୍ଗ ହେଲେ ସେଗୁଡ଼ିକୁ ଓଲଟାଇ ଦିଅନ୍ତୁ। ଆବଶ୍ୟକ ହେଲେ ଟିକେ ଅଧିକ ତେଲ ମିଶାନ୍ତୁ ଏବଂ ଅନ୍ୟ ପାର୍ଶ୍ୱ ଲାଲ୍ ରଙ୍ଗ ହେବା ପର୍ଯ୍ୟନ୍ତ ରାନ୍ଧନ୍ତୁ।

ଏବେ ଆପଣଙ୍କର ଗରମ ଅପ୍ପେ ରୋଟି ପ୍ରସ୍ତୁତ ହୋଇଯିବ। ଏହାକୁ ଧନିଆ ଚଟଣି, ନଡ଼ିଆ ଚଟଣି, କିମ୍ବା ଟମାଟୋ ଚଟଣି ସହିତ ଖାଆନ୍ତୁ ।