Accident: ଜାତୀୟ ରାଜପଥରେ ଛାତିଥରା ଦୁର୍ଘଟଣା; ଗୋଟିଏ ପରିବାରର ୫ ଜଣଙ୍କ ମୃତ୍ୟୁ

Oct 18, 2026 - 17:01

Accident: ଜାତୀୟ ରାଜପଥରେ ଛାତିଥରା ଦୁର୍ଘଟଣା; ଗୋଟିଏ ପରିବାରର ୫ ଜଣଙ୍କ ମୃତ୍ୟୁ

ବୀଡ଼: ମହାରାଷ୍ଟ୍ରର ବୀଡ ଜିଲ୍ଲାର ମାଜଲଗାଓ ତାଲୁକାରେ ଖାମଗାଓ-ପଢ଼ରପୁର ଜାତୀୟ ରାଜପଥର ଶିନ୍ଦେୱାଡି ଫାଟା ନିକଟରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ତୁଲଜାପୁର ଦର୍ଶନ ପାଇଁ ଯାଉଥିବା ମାଜଲଗାଓର ଏକ ପରିବାରର ଗାଡ଼ି ଅବିନାଶ ଦାଦା ବସୋଡେ ପେଟ୍ରୋଲ ପମ୍ପ ସାମ୍ନାରେ ଦୁର୍ଘଟଣାଗ୍ରସ୍ତ ହୋଇଛି।

ଏହି ଘଟଣା ସମୟରେ ଘଟଣାସ୍ଥଳରେ ଉପସ୍ଥିତ ଲୋକେ ପ୍ରାରମ୍ଭିକ ସୂଚନା ଦେଇଛନ୍ତି ଯେ, ଦୁର୍ଘଟଣାରେ ଗଜାନନ ନାମଦାସ ସମେତ ୫ଜଣ ଲୋକଙ୍କର ମୃତ୍ୟୁ ଘଟିଛି। ଦୁର୍ଘଟଣା ‌ପରେ ସ୍ଥାନୀୟ ଲୋକେ ରାସ୍ତା ଅବରୋଧ କରିଛନ୍ତି। ଅନ୍ୟପଟରେ ଦୁର୍ଘଟଣାର କାରଣ, ମୃତକଙ୍କ ସଂଖ୍ୟା ଏବଂ ପ୍ରଶାସନର କାର୍ଯ୍ୟାନୁଷ୍ଠାନ ସଂପର୍କରେ ସୂଚନା ମିଳିପାରି ନାହିଁ।

Accident: ଦୁର୍ଘଟଣା କେବଳ କୋଲକାତାରେ ନୁହେଁ...ମଧ୍ୟପ୍ରଦେଶ ଆଉ ଉତ୍ତରପ୍ରଦେଶରେ ମଧ୍ୟ, ୩୫ ଜଣଙ୍କର ମୃତ୍ୟୁ

ଦୁର୍ଘଟଣା ସଂପର୍କରେ ସୂଚନା ମିଳିବା ପରେ ପୁଲିସ ପହଞ୍ଚିଛି। ଏହି ଦୁର୍ଘଟଣା ନେଇ ସମଗ୍ର ଅଞ୍ଚଳରେ ଶୋକର ଛାୟା ଖେଳି ଯାଇଛି। ପୁଲିସ ମାମଲାର ତଦନ୍ତ କରୁଛି। ସ୍ଥାନୀୟ ଲୋକେ ଅଭିଯୋଗ କରିଛନ୍ତି ଯେ, ଖାମଗାଓ-ପଢ଼ରପୁର ଜାତୀୟ ରାଜପଥର ମାଜଲଗାଓ-ତେଲଗାଓ-ଧାରୁର ରାସ୍ତାର ନିର୍ମାଣ କାର୍ଯ୍ୟ ନିମ୍ନମାନର ଯୋଗୁଁ ପୂର୍ବରୁ ମଧ୍ୟ ଏଠାରେ ଦୁର୍ଘଟଣା ଘଟିଛି।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ SAMBAD - ସମ୍ବାଦ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି SAMBAD - ସମ୍ବାଦ ଦେଖନ୍ତୁ।