Australia: ଅଷ୍ଟ୍ରେଲିଆ କ୍ରିକେଟ୍ ଦଳର ପରାମର୍ଶଦାତା କୋଚ୍ ଭାବେ ନିଯୁକ୍ତ ହେଲେ ମାଇକେଲ୍ ହସି

ସିଡନୀ: ଅଷ୍ଟ୍ରେଲିଆ ର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ତଥା 'ମିଷ୍ଟର କ୍ରିକେଟ୍' ଭାବେ ପରିଚିତ ମାଇକେଲ୍ ହସି ଅଷ୍ଟ୍ରେଲିଆ ଜାତୀୟ କ୍ରିକେଟ୍ ଦଳର ପ୍ରମୁଖ କୋଚିଂ କ୍ୟାମ୍ପରେ ସାମିଲ ହୋଇଛନ୍ତି।

କ୍ରିକେଟ୍ ଅଷ୍ଟ୍ରେଲିଆ ପକ୍ଷରୁ ତାଙ୍କୁ ଆଗାମୀ ୨୦୨୭ ଏକଦିବସୀୟ ବିଶ୍ୱକପ୍ (ODI World Cup) ଏବଂ ବହୁ ପ୍ରତୀକ୍ଷିତ ଆଶେସ୍ (The Ashes) ସିରିଜ୍ ପାଇଁ ଦଳର ପରାମର୍ଶଦାତା ଭାବେ ନିଯୁକ୍ତି ଦିଆଯାଇଛି | Advertisment ଏହାସହ ସେ ୨୦୨୮ ଲସ୍ ଆଞ୍ଜେଲ୍ସ ଅଲିମ୍ପିକ୍ସ ଏବଂ ଅଷ୍ଟ୍ରେଲିଆ-ନ୍ୟୁଜିଲ୍ୟାଣ୍ଡ ମିଳିତ ଭାବେ ଆୟୋଜନ କରିବାକୁ ଥିବା ଟି-୨୦ ବିଶ୍ୱକପ୍ ପାଇଁ ଟି-୨୦ ପରାମର୍ଶଦାତା ଭାବେ ମଧ୍ୟ ଦାୟିତ୍ୱ ତୁଲାଇବେ।

ରିପୋର୍ଟ ମୁତାବକ, ଇଂଲଣ୍ଡ ଟେଷ୍ଟ ଦଳର କୋଚ୍ ଷ୍ଟିଫେନ୍ ପ୍ଲେମିଂଙ୍କ ଅନୁରୋଧ କ୍ରମେ ମାଇକେଲ୍ ହସିଙ୍କୁ ଇଂଲଣ୍ଡ କୋଚିଂ ଟିମରେ ଯୋଗଦେବାକୁ ଅଫର୍ ମିଳିଥିଲା।

କିନ୍ତୁ ସେହି ପ୍ରସ୍ତାବକୁ ଏଡ଼ାଇ ହସି ନିଜ ଦେଶ ଅଷ୍ଟ୍ରେଲିଆ ସହିତ କାମ କରିବାକୁ ପସନ୍ଦ କରିଛନ୍ତି।

ଆହୁରି ପଢନ୍ତୁ: Judgement: କେପିସିସିର ସମସ୍ତ କର୍ମକର୍ତ୍ତାଙ୍କୁ ସୁପ୍ରିମକୋର୍ଟଙ୍କ ଅଦାଲତ ଅବମାନନା ନୋଟିସ୍‌ ଆଗାମୀ କାର୍ଯ୍ୟସୂଚୀ ହସିଙ୍କ ଏହି ନୂତନ କାର୍ଯ୍ୟଭାର ଇଂଲଣ୍ଡ ବିପକ୍ଷ ଆଗାମୀ ଟି-୨୦ ସିରିଜ୍‌ରୁ ଆରମ୍ଭ ହେବ।

ଏହାପରେ ସେ ପର୍ଥରେ ନ୍ୟୁଜିଲ୍ୟାଣ୍ଡ ବିପକ୍ଷ ଟେଷ୍ଟ ସିରିଜ୍ ପାଇଁ ଦଳର ବ୍ୟାଟ୍ସମାନମାନଙ୍କୁ ପ୍ରସ୍ତୁତ କରିବାରେ ସହଯୋଗ କରିବେ।

ଅଷ୍ଟ୍ରେଲିଆର ମୁଖ୍ୟ ପ୍ରଶିକ୍ଷକ ଆଣ୍ଡ୍ରୁ ମ୍ୟାକ୍‌ଡୋନାଲ୍ଡ ଏହି ନିଯୁକ୍ତିକୁ ସ୍ୱାଗତ କରି କହିଛନ୍ତି ଯେ, ବିଭିନ୍ନ ଫର୍ମାଟ୍ ଏବଂ ଦେଶରେ ଜଣେ ଖେଳାଳି ଓ କୋଚ୍ ଭାବେ ହସିଙ୍କର ଦୀର୍ଘଦିନର ଅଭିଜ୍ଞତା ଦଳ ପାଇଁ ଅତ୍ୟନ୍ତ ଲାଭଦାୟକ ସାବ୍ୟସ୍ତ ହେବ।