Bangladesh Shocked China: ଚୀନ୍‌କୁ ବାଂଲାଦେଶର ବଡ଼ ଝଟକା! ଭାରତକୁ ଘେରିବା ପାଇଁ ଡ୍ରାଗନ୍‌ର ରଣନୀତି ଫେଲ୍?

ନୂଆଦିଲ୍ଲୀ: ଭାରତକୁ ଚାରିପଟୁ ଘେରିବାକୁ ଚୀନ୍‌ର ଯୋଜନାକୁ ଲାଗିପାରେ ବଡ଼ ଝଟକା!

ଭାରତ ମହାସାଗର ଅଞ୍ଚଳରେ ନିଜର ପ୍ରଭାବ ବଢ଼ାଇବା ସହ ବାଣିଜ୍ୟିକ ବନ୍ଦର ଜରିଆରେ ରଣନୈତିକ ଶକ୍ତି ବିସ୍ତାର କରିବାକୁ ଚୀନ୍ ଚେଷ୍ଟା କରୁଥିବା ବେଳେ ବାଂଲାଦେଶର ବନ୍ଦର ବିକାଶ ପ୍ରକଳ୍ପକୁ ନେଇ ନୂଆ ସମୀକରଣ ସାମ୍ନାକୁ ଆସିଛି।

ବନ୍ଦର ଆଧୁନିକୀକରଣ ପାଇଁ ଅନ୍ୟ ଦେଶର କମ୍ପାନିଗୁଡ଼ିକୁ ଦାୟିତ୍ୱ ଦିଆଯିବା ଚୀନ୍‌ର ରଣନୀତିକୁ ପ୍ରଭାବିତ କରିପାରେ।

ଚୀନ୍‌ର ଏହି ରଣନୀତିକୁ 'ଷ୍ଟ୍ରିଙ୍ଗ୍ ଅଫ୍ ପର୍ଲସ୍ କୁହାଯାଏ।

ଏହା ଜରିଆରେ ଭାରତ ମହାସାଗର ଅଞ୍ଚଳର ବିଭିନ୍ନ ସ୍ଥାନରେ ବନ୍ଦର ଓ ରଣନୈତିକ ଭିତ୍ତିଭୂମି ଉପରେ ପ୍ରଭାବ ବଢ଼ାଇବା ଚୀନ୍‌ର ଉଦ୍ଦେଶ୍ୟ ବୋଲି ବିଶ୍ଳେଷଣ କରାଯାଏ।

Advertisment Umar Khalid: ଜେଏନ୍‌ୟୁ କାନ୍ଥରେ ଉମର ଖାଲିଦଙ୍କ ସମର୍ଥନରେ ନାରା ଚଟ୍ଟୋଗ୍ରାମ ବନ୍ଦରରେ ଚୀନ୍‌କୁ ଝଟକା!

ରିପୋର୍ଟ ଅନୁସାରେ, ବାଂଲାଦେଶର ଚଟ୍ଟୋଗ୍ରାମ ବନ୍ଦରର ଲାଲଦିଆ କଣ୍ଟେନର ଟର୍ମିନାଲ ବିକାଶ ପାଇଁ ଡେନମାର୍କର ମାର୍ସ୍କ ଗ୍ରୁପ୍ ସହ ୩୦ ବର୍ଷିଆ ଚୁକ୍ତି ହୋଇଛି।

ସରକାରୀ-ଘରୋଇ ଭାଗିଦାରି (ପିପିପି) ମଡେଲ୍‌ରେ ଏହି ଟର୍ମିନାଲର ଡିଜାଇନ୍, ଅର୍ଥ ବିନିଯୋଗ, ନିର୍ମାଣ ଓ ପରିଚାଳନା କରାଯିବ।

ସେହିପରି ଜାପାନର ଆନ୍ତର୍ଜାତୀୟ ସହଯୋଗ ସଂସ୍ଥା (ଜାଇକା)ର ଋଣ ସହାୟତାରେ ମାତାରବାରୀ ବନ୍ଦର ବିକାଶ କାର୍ଯ୍ୟ ମଧ୍ୟ ଆଗକୁ ବଢ଼ୁଛି।

ଏହାଦ୍ୱାରା ବାଂଲାଦେଶ ନିଜ ବନ୍ଦର ବିକାଶ ପାଇଁ କେବଳ ଚୀନ୍ ଉପରେ ନିର୍ଭର ନକରି ଅନ୍ୟ ଦେଶର ସହଯୋଗ ନେଉଥିବା ସଙ୍କେତ ମିଳୁଛି।

ମୋଙ୍ଗଲା ବନ୍ଦରର କ୍ଷମତା ବଢ଼ାଇବା ପାଇଁ ଚୀନ୍‌ର ସହାୟତାରେ ଆଧୁନିକ କଣ୍ଟେନର ଜେଟି ନିର୍ମାଣ ଯୋଜନା ରହିଛି।

ତେବେ ଚଟ୍ଟୋଗ୍ରାମ ଓ ମାତାରବାରୀ ପ୍ରକଳ୍ପରେ ଅନ୍ୟ ଦେଶର ଭାଗିଦାରି ଚୀନ୍‌ର ପ୍ରଭାବ ବିସ୍ତାରକୁ ସୀମିତ କରିପାରେ।

ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ସରକାର ମଧ୍ୟ ସୋନାଦିଆରେ ଚୀନ୍ ସହାୟତାରେ ଗଭୀର ସମୁଦ୍ର ବନ୍ଦର ନିର୍ମାଣକୁ ଅନୁମତି ଦେଇନଥିଲା।

ବାଂଲାଦେଶ ଚୀନ୍‌ର ଆର୍ଥିକ ନିବେଶକୁ ଗ୍ରହଣ କରିବା ସହ ନିଜର ରଣନୈତିକ ସ୍ୱାର୍ଥକୁ ସୁରକ୍ଷିତ ରଖିବାକୁ ଚାହୁଁଥିବା ଚର୍ଚ୍ଚା ହେଉଛି।

ଏଭଳି ସ୍ଥିତିରେ ଭାରତ ମହାସାଗରରେ ଚୀନ୍‌ର ପ୍ରଭାବ କେତେ ବଢ଼ିବ, ତାହା ଆଗାମୀ ଦିନରେ ଗୁରୁତ୍ୱପୂର୍ଣ୍ଣ ହେବ।