Bulldozer Rolls Into Salu’s House: ପେସାଦାର ଅପରାଧୀ ସାଲୁ ଘର ଉପରେ ଗଡ଼ିଲା ବୁଲଡୋଜର୍, ପୋଲିସର ବଡ଼ ଆକ୍ସନ୍
ଭୁବନେଶ୍ୱରରେ ପେସାଦାର ଅପରାଧୀ ବିରୋଧରେ ପୋଲିସର ବଡ଼ ଆକ୍ସନ୍। ଏକାଧିକ ଅପରାଧିକ ମାମଲାରେ ସମ୍ପୃକ୍ତି ଅଭିଯୋଗ ଥିବା ଦେବାଶିଷ ନାୟକ ଓରଫ୍ ସାଲୁ ଘର ଉପରେ ବୁଲଡୋଜର୍ ଚଢ଼ାଯାଇ ଉଚ୍ଛେଦ କରାଯାଇଛି।
ଭୁବନେଶ୍ୱରର ଶୈଳଶ୍ରୀ ବିହାର ଏଫ୍ଆର୍ କଲୋନୀରେ ଥିବା ସାଲୁର ଘରକୁ ଚନ୍ଦ୍ରଶେଖରପୁର ପୋଲିସ୍ ଭାଙ୍ଗିଛି। ବିଏମ୍ସି ଓ କମିଶନରେଟ୍ ପୋଲିସର ମିଳିତ ଉଦ୍ୟମରେ ଏହି ଉଚ୍ଛେଦ କାର୍ଯ୍ୟ କରାଯାଇଛି।
ପୋଲିସର ସୂଚନା ଅନୁସାରେ, ଦେବାଶିଷ ନାୟକ ଓରଫ୍ ସାଲୁ ନାଁରେ ୧୦ରୁ ଅଧିକ ହଣାକଟା ସମେତ ଅନେକ ଅପରାଧିକ ମାମଲା ରହିଛି। ଏକାଧିକ ଅପରାଧିକ ଘଟଣାରେ ତାଙ୍କ ସମ୍ପୃକ୍ତି ଅଭିଯୋଗକୁ ନେଇ ପୋଲିସ ପକ୍ଷରୁ ଏହି କାର୍ଯ୍ୟାନୁଷ୍ଠାନ ନିଆଯାଇଛି।
ଶୈଳଶ୍ରୀ ବିହାର ଅଞ୍ଚଳରେ ଥିବା ତାର ଘର ଉଚ୍ଛେଦ ପାଇଁ ବିଏମ୍ସି ଓ କମିଶନରେଟ୍ ପୋଲିସ୍ର ଟିମ୍ ମିଳିତ ଭାବେ ପହଞ୍ଚିଥିଲେ। ପରେ ବୁଲଡୋଜର୍ ସହାୟତାରେ ଘର ଭଙ୍ଗାଯାଇଥିଲା।
ଅପରାଧିକ କାର୍ଯ୍ୟକଳାପ ବିରୋଧରେ କମିଶନରେଟ୍ ପୋଲିସର ଏହି ଆକ୍ସନ୍କୁ ନେଇ ଏବେ ଚର୍ଚ୍ଚା ଜୋର ଧରିଛି। ସାଲୁ ବିରୋଧରେ ଥିବା ମାମଲା ଓ ଅଭିଯୋଗଗୁଡ଼ିକୁ ନେଇ ପୋଲିସର ତଦନ୍ତ ଜାରି ରହିଛି।
ପେସାଦାର ଅପରାଧୀ ‘ସାଲୁ’ ଘର ଉପରେ ବୁଲଡୋଜର୍
ଭୁବନେଶ୍ୱର ଶୈଳଶ୍ରୀ ବିହାର FR କଲୋନୀ ଘର ଭାଙ୍ଗିଲା ଚନ୍ଦ୍ରଶେଖରପୁର ପୋଲିସ୍
ଏକାଧିକ ଅପରାଧରେ ସମ୍ପୃକ୍ତି ଅଭିଯୋଗରେ ପୋଲିସର ଆକ୍ସନ୍
ବିଏମସି ଓ କମିଶନରେଟ୍ ପୋଲିସର ମିଳିତ ଉଦ୍ୟମରେ ଘର ଉଚ୍ଛେଦ
ସାଲୁ ନାଁରେ ହଣାକଟା ସମେତ ୧୦ରୁ ଅଧିକ ଅପରାଧିକ ମାମଲା ରହିଛି
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।
