Chanakya Niti: ଭୁଲ୍ରେ ବି କାହା ସହ ଶେୟାର କରନ୍ତୁନି ଏହି ୫ ଗୁପ୍ତ କଥା, ହୋଇପାରେ ବଡ଼ କ୍ଷତି
ଆଚାର୍ଯ୍ୟ ଚାଣକ୍ୟ ପ୍ରାଚୀନ ଭାରତର ଜଣେ ମହାନ ଦାର୍ଶନିକ, ଅର୍ଥନୀତିଜ୍ଞ, ଶିକ୍ଷକ ତଥା ମହାନ ରାଜନୀତିଜ୍ଞ ଥିଲେ। ସମାଜର କଲ୍ୟାଣ ଏବଂ ସଫଳ ଜୀବନଯାପନ ପାଇଁ ସେ ଅନେକ ନୀତିଶିକ୍ଷା ରଚନା କରିଛନ୍ତି।
ଚାଣକ୍ୟ ତାଙ୍କ ନୀତିଶାସ୍ତ୍ରରେ ଦର୍ଶାଇଛନ୍ତି, ସମସ୍ତଙ୍କ ସହ ସବୁକିଛି ଶେୟାର କରିବା ଉଚିତ ନୁହେଁ। କେତେକ ସମୟରେ ନିଜର ବ୍ୟକ୍ତିଗତ ଜୀବନ, ପରିବାର କିମ୍ବା ଆର୍ଥିକ ସ୍ଥିତି ବିଷୟରେ ଅନ୍ୟମାନଙ୍କୁ କହିବା ଦ୍ୱାରା ବଡ଼ ସମସ୍ୟା ସୃଷ୍ଟି ହୋଇଥାଏ।
ଚାଣକ୍ୟଙ୍କ ଅନୁସାରେ ଜଣେ ବୁଦ୍ଧିମାନ ବ୍ୟକ୍ତି ଜାଣନ୍ତି କ’ଣ କହିବାକୁ ହେବ, କେବେ କହିବାକୁ ହେବ ଏବଂ କାହା ଆଗରେ କହିବାକୁ ହେବ। ଅତ୍ୟଧିକ ନିଜ ଗୁପ୍ତ କଥା ପ୍ରକାଶ କରିବା ଦ୍ୱାରା ଲୋକେ ତାହାକୁ ଆପଣଙ୍କ ଦୁର୍ବଳତା ଭାବେ ନେଇପାରନ୍ତି। ଆସନ୍ତୁ ଜାଣିବା କେଉଁ କଥା ଗୁପ୍ତ ରଖିବା ଆବଶ୍ୟକ…
ନିଜର ଔଷଧ କିମ୍ବା ଡାକ୍ତରୀ ଚିକିତ୍ସା:
ଚାଣକ୍ୟ ନୀତି ଅନୁସାରେ, ନିଜେ ବ୍ୟବହାର କରୁଥିବା ବିଶେଷ ଔଷଧ କିମ୍ବା ଗୁପ୍ତ ଚିକିତ୍ସା ପଦ୍ଧତି ବିଷୟରେ ଅନାବଶ୍ୟକ ଭାବେ ଅନ୍ୟମାନଙ୍କୁ ପରାମର୍ଶ ଦେବା କିମ୍ବା ପ୍ରଚାର କରିବା ଉଚିତ ନୁହେଁ।
ଧାର୍ମିକ କାର୍ଯ୍ୟ, ପୂଜା ଏବଂ ଦାନ:
ନିଜର ଧାର୍ମିକ କାର୍ଯ୍ୟକଳାପ, ପୂଜାର୍ଚ୍ଚନା, ଜପ କିମ୍ବା ଦାନ-ପୁଣ୍ୟ ବିଷୟରେ ଅନ୍ୟମାନଙ୍କ ସମ୍ମୁଖରେ ବାରମ୍ବାର ପ୍ରଶଂସା କିମ୍ବା ଉଲ୍ଲେଖ କରିବା ଉଚିତ ନୁହେଁ। ଏହା ଦ୍ୱାରା ଶୁଭଫଳ ନଷ୍ଟ ହୋଇଥାଏ।
ପାରିବାରିକ କଳହ ଓ ବ୍ୟକ୍ତିଗତ ମାମଲା:
ଘରୋଇ ବିବାଦ, ପରିବାରର ଗୁପ୍ତ କଥା କିମ୍ବା ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଥିବା ବ୍ୟକ୍ତିଗତ ମତଭେଦକୁ ବାହାର ଲୋକଙ୍କ ଆଗରେ ଶେୟାର କରିବାରୁ ନିବୃତ୍ତ ରହିବା ଉଚିତ। ଅନ୍ୟମାନେ ଏହାର ଅନୁଚିତ ଫାଇଦା ଉଠାଇପାରନ୍ତି।
ନିଜର ଅପମାନ ଓ ଦୁଃଖର ଅଭିଜ୍ଞତା:
ଜୀବନରେ ଘଟିଥିବା କୌଣସି ଅପ୍ରୀତିକର ଘଟଣା, ନିଜର ଆର୍ଥିକ କ୍ଷତି କିମ୍ବା କାହା ଦ୍ୱାରା ହୋଇଥିବା ଅପମାନ ବିଷୟରେ ସମସ୍ତଙ୍କୁ କହିବା ଆବଶ୍ୟକ ନୁହେଁ। ଏହା ଦ୍ୱାରା ସମାଜରେ ନିଜର ସମ୍ମାନ ହ୍ରାସ ପାଏ ଏବଂ ଲୋକେ ପଛରେ ମଜାକ ଉଡ଼ାନ୍ତି।
ଭବିଷ୍ୟତର ଯୋଜନା ଓ ଆର୍ଥିକ ସ୍ଥିତି:
ନିଜର ଆଗାମୀ ଲକ୍ଷ୍ୟ, ନୂଆ ବ୍ୟବସାୟିକ ଯୋଜନା କିମ୍ବା ଆର୍ଥିକ ସଞ୍ଚୟ ବିଷୟରେ କାମ ସମ୍ପୂର୍ଣ୍ଣ ହେବା ପୂର୍ବରୁ କାହାକୁ କହିବା ଉଚିତ ନୁହେଁ। ଏହା ଦ୍ୱାରା କାର୍ଯ୍ୟରେ ବାଧା ସୃଷ୍ଟି ହେବାର ସମ୍ଭାବନା ଥାଏ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
