Diljit Dosanjh's Delhi Concert Denied Permission: ଦିଲଜିତ୍ଙ୍କ କନ୍ସର୍ଟକୁ ପୋଲିସର ନା! ଦିଲ୍ଲୀ ଶୋ’କୁ ନେଇ ବଢ଼ିଲା ଅନିଶ୍ଚିତତା
ସଙ୍ଗୀତର ମଞ୍ଚ ପ୍ରସ୍ତୁତ, ପ୍ରିୟ ଗାୟକଙ୍କୁ ସାମ୍ନାରେ ଦେଖିବାକୁ ଫ୍ୟାନ୍ଙ୍କ ଅପେକ୍ଷା... ହେଲେ ଶୋ’ ପୂର୍ବରୁ ଲାଗିଲା ବଡ଼ ଝଟକା। ଲୋକପ୍ରିୟ ପଞ୍ଜାବୀ ଗାୟକ ଦିଲଜିତ୍ ଦୋସାଞ୍ଝଙ୍କ ଦିଲ୍ଲୀ କନ୍ସର୍ଟକୁ ଅନୁମତି ଦେଇନାହିଁ ଦିଲ୍ଲୀ ପୋଲିସ। ଅକ୍ଟୋବର ୩୦ ତାରିଖରେ ଦିଲ୍ଲୀର ଜବାହରଲାଲ ନେହେରୁ ଷ୍ଟାଡିୟମ୍ରେ ହେବାକୁ ଥିବା ଏହି କାର୍ଯ୍ୟକ୍ରମକୁ ସୁରକ୍ଷା ଚିନ୍ତା ଯୋଗୁଁ ଅନୁମତି ମିଳିନାହିଁ।
ରିପୋର୍ଟ ଅନୁସାରେ, ଟିକେଟ୍ ବିକ୍ରି କରୁଥିବା ପ୍ଲାଟ୍ଫର୍ମ ବୁକ୍ମାଇଶୋ’କୁ ପଠାଯାଇଥିବା ଚିଠିରେ ଦିଲ୍ଲୀ ପୋଲିସ ଏହି ନିଷ୍ପତ୍ତି ବିଷୟରେ ଜଣାଇଛି। ଚିଠିରେ ନିର୍ଦ୍ଦିଷ୍ଟ ଧମକ ସମ୍ପର୍କିତ ସୂଚନା, ପାର୍ବଣ ଋତୁରେ ସୁରକ୍ଷା ବ୍ୟବସ୍ଥା ଏବଂ ଆଇନଶୃଙ୍ଖଳା ରକ୍ଷା ନେଇ ପୋଲିସର ଦାୟିତ୍ୱକୁ ଉଲ୍ଲେଖ କରାଯାଇଛି।
ଦିଲଜିତ୍ଙ୍କ ‘ଅରା ଇଣ୍ଡିଆ ଟୁର୍’ ଦିଲ୍ଲୀରୁ ଆରମ୍ଭ ହେବାର ଯୋଜନା ଥିଲା। ତାଙ୍କ ଟିମ୍ ମଧ୍ୟ ସୋସିଆଲ ମିଡିଆରେ କନ୍ସର୍ଟର ପ୍ରଚାର କରୁଥିଲା। ହେଲେ ପୋଲିସର ଅନୁମତି ନମିଳିବା ପରେ ଏବେ ଏହି ଶୋ’ ହେବ କି ନାହିଁ, ତାକୁ ନେଇ ଅନିଶ୍ଚିତତା ବଢ଼ିଛି।
ଏପଟେ ଟିକେଟ୍ କିଣିଥିବା ପ୍ରଶଂସକଙ୍କ ମନରେ ମଧ୍ୟ ଉଠିଛି ଅନେକ ପ୍ରଶ୍ନ। କନ୍ସର୍ଟ ବାତିଲ ହେବ ନା ସ୍ଥାନ କିମ୍ବା ତାରିଖ ବଦଳିବ? ଟିକେଟ୍ ଟଙ୍କା ଫେରସ୍ତ ନେଇ କ’ଣ ବ୍ୟବସ୍ଥା ରହିବ? ଏସବୁ ନେଇ ଆନୁଷ୍ଠାନିକ ସୂଚନାକୁ ଅପେକ୍ଷା କରାଯାଇଛି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।
