Elections: ଆମେରିକାବାସୀ ଯୁଦ୍ଧ ବିରୋଧରେ ଭୋଟ୍ ଦେଇଛନ୍ତି: ମହମ୍ମଦ ବାଘେର ଗାଲିବାଫ୍

ତେହେରାନ୍/ୱାଶିଂଟନ୍: ଆମେରିକାର ମିଡଟର୍ମ ନିର୍ବାଚନ ରେ ଶାସକ ରିପବ୍ଲିକାନ୍ ପାର୍ଟିକୁ ଧୂଳିସାତ୍ କରି ବିରୋଧୀ ଡେମୋକ୍ରାଟିକ୍ ପାର୍ଟି କଂଗ୍ରେସର ଉଭୟ ସଦନରେ ବିଶାଳ ବିଜୟ ହାସଲ କରିବା ପରେ, ଏହା ଉପରେ ଇରାନ ପକ୍ଷରୁ କଡ଼ା ପ୍ରତିକ୍ରିୟା ପ୍ରକାଶ ପାଇଛି।

ଆମେରିକା ସହ ଆଲୋଚନା ପାଇଁ ଇରାନର ମୁଖ୍ୟ ମଧ୍ୟସ୍ଥ ତଥା ବରିଷ୍ଠ ନେତା ମହମ୍ମଦ ବାଘେର ଗାଲିବାଫ୍ ବୁଧବାର କହିଛନ୍ତି ଯେ, ଆମେରିକା ର ଜନସାଧାରଣ ନିର୍ବାଚନ ମାଧ୍ୟମରେ "ଯୁଦ୍ଧକୁ ନା" ବୋଲି ସ୍ପଷ୍ଟ ଜନାଦେଶ ଦେଇଛନ୍ତି।

Advertisment ବାର୍ତ୍ତାକୁ ସମର୍ଥନ ସୋସିଆଲ ମିଡିଆ '' ଏକ୍ସ '' ରେ ଏକ ପୋଷ୍ଟ କରି ଗାଲିବାଫ୍ ଲେଖିଛନ୍ତି, ବିବେକ ହେଉ କିମ୍ବା ବୃଦ୍ଧିପାଉଥିବା ନିତ୍ୟବ୍ୟବହାର୍ଯ୍ୟ ସାମଗ୍ରୀର ମୂଲ୍ୟ, ଆମେରିକାବାସୀ ଯୁଦ୍ଧ ବିରୋଧରେ ନିଜର ମତ ଦେଇଛନ୍ତି ଏବଂ ଆମେ ଏହି ବାର୍ତ୍ତାକୁ ସମର୍ଥନ କରୁଛୁ।

ଏହା ସହିତ ସେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଙ୍କ ପ୍ରଶାସନକୁ ଚେତାବନୀ ଦେଇ କହିଛନ୍ତି ଯେ, ଯଦି ଆମେରିକା ସରକାର ନିଜ ଜନସାଧାରଣଙ୍କ ଇଚ୍ଛାକୁ ବିଶ୍ୱସ୍ତରୀୟ ଷଡ଼ଯନ୍ତ୍ରକାରୀଙ୍କ ସ୍ୱାର୍ଥ ପାଇଁ ବଳି ଦିଅନ୍ତି, ତେବେ ଇରାନର "ନାଁ" ସେମାନଙ୍କ ପାଇଁ ଏକ ଭୟଙ୍କର ସ୍ୱପ୍ନ ପାଲଟିବ।

ସୂଚନାଯୋଗ୍ୟ ଯେ, ଗତ ଫେବୃଆରୀ ମାସରୁ ଆମେରିକା-ଇସ୍ରାଏଲ୍ ଏବଂ ଇରାନ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧ ଯୋଗୁଁ ବିଶ୍ୱ ବଜାରରେ ତୈଳ ଦର ଅତ୍ୟାଧିକ ବୃଦ୍ଧି ପାଇଛି, ଯାହା ଆମେରିକାରେ ଦ୍ରବ୍ୟମୂଲ୍ୟ ବୃଦ୍ଧି ଓ ସାଧାରଣ ନାଗରିକଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି କରିଥିଲା।

ତେବେ ଏକ ସାକ୍ଷାତକାରରେ ନିଜ ଦଳର ଏହି ଶୋଚନୀୟ ପରାଜୟ ପଛରେ ଇରାନ ଯୁଦ୍ଧ ଅନ୍ୟତମ ପ୍ରମୁଖ କାରଣ ଥିଲା ବୋଲି ରାଷ୍ଟ୍ରପତି ଟ୍ରମ୍ପ ନିଜେ ସ୍ୱୀକାର କରିଛନ୍ତି।