ଆବାସ ଯୋଜନା କାହା ପାଇଁ ? ପ୍ରକୃତ ହିତାଧିକାରୀଙ୍କୁ ମିଳୁନି ଘର

ନନ୍ଦିଘୋଷ ବ୍ୟୁରୋ : ଆବାସ ଯୋଜନା କାହା ପାଇଁ ? ପ୍ରକୃତ ହିତାଧିକାରୀଙ୍କୁ ମିଳୁନି ଘର । ଭଙ୍ଗା କୁଡ଼ିଆରେ ବିତୁଛି ୧୦ ପ୍ରାଣୀଙ୍କ ଜୀବନ । ଗୁହାରି ଶୁଣୁନି ପ୍ରଶାସନ ।… ଦୁଃଖରେ ଘଷିପୁରା ବ୍ଲକ ପୁରୁଣାବାନ୍ଧଗୋଡା ପଞ୍ଚାୟତ କିର୍ତ୍ତନପାଟିଆ ଆଦିବାସୀ ବସ୍ତିର ମାତାଜୀ ମୁଣ୍ତାଙ୍କ ପରିବାର । ଅର୍ଥ ଅଭାବରୁ କରିପାରୁନାହାନ୍ତି ପକ୍କା ଘର ଖଣ୍ଡେ । ଗତ ଲଘୁଚାପ ଜନିତ ଲଗାଣ ବର୍ଷାରେ ଚାଳ ଘରର ଅବସ୍ଥା ବେହାଲ ହୋଇଯାଇଛି । କବାଟ ନଥିବାରୁ ଜଙ୍ଗଲୀ ଜନ୍ତୁ ତଥା ସରିସୃପଙ୍କ ଭୟ ରହୁଛି । ତାହାରି ଭିତରେ ଭାଗ୍ୟକୁ ଆଦରି କାଳ କାଟୁଛନ୍ତି ୧୦ ପ୍ରାଣୀ କୁଟୁମ୍ବ ।…

ଘର ଖଣ୍ଡେ ପାଇଁ ସରପଞ୍ଚଙ୍କ ନିକଟରେ ବାରମ୍ବାର ଗୁହାରି କରିଥିଲେ ବି ଫଳ ଶୂନ । ଖାଲି ସେତିକି ନୁହେଁ ମାତାଜୀଙ୍କ ସ୍ଵାମୀ ଘନ ମୁଣ୍ଡା ବାର୍ଦ୍ଧକ୍ୟ ଭତ୍ତା ପାଇଁ ଯୋଗ୍ୟ ହୋଇଥିଲେ ସୁଦ୍ଧା ଆବଶ୍ୟକ ଡକୁମେଣ୍ଟ ଏଥିରେ ବାଧକ ସାଜିଛି । ଅନ୍ୟପଟେ ତ୍ଵରିତ ପଦେକ୍ଷପ ନେଇ ସମ୍ପୃକ୍ତ ପରିବାରକୁ ଘର ଯୋଗାଇ ଦେବାକୁ ପ୍ରତିଶୃତି ଦେଇଛନ୍ତି ଘଷିପୁରା ବିଡିଓ ।…

ତେବେ ଏତେ ଗୁହାରୀ ପରେ ମାତାଜୀ ମୁଣ୍ଡାଙ୍କୁ ଘର ମିଳିବ ତ ? ୧୦ ପ୍ରାଣୀ କୁଟୁମ୍ବ ପକ୍କା ଛାତ ତଳେ ସୁରକ୍ଷିତ ରହିବାକୁ ସରକାର ସାହା ହେବେ ତ ? ନା ପ୍ରଶାସନର ପ୍ରତିଶ୍ରୁତି ପାଣିରଗାର ପାଲଟୁଛି । ତାହା ଉପରେ ରହିବ ନଜର ।