ମରଣଯନ୍ତା ପାଲଟିଲାଣି ବ୍ରହ୍ମପୁର ରାସ୍ତା

ନନ୍ଦିଘୋଷ ବ୍ୟୁରୋ :ଟିଏକ ନଜର ପକାନ୍ତୁ । ବ୍ରହ୍ମପୁର ବିକାଶର ନୂଆ ଚିତ୍ର । ପାର୍ବଣରେ ରାସ୍ତାରେ ଚାଲିଛି ଜୀବନ ମରଣର ଖେଳ । ରାସ୍ତାସାରା ଖାଲଖମା । କେଉଁଠି ପିଚୁ ଉଠିଲାଣି ତ କେଉଁଠି ଗାତରେ ପଡ଼ି ଖଣ୍ଡିଖାବରା ହେଉଛନ୍ତି ଯାତ୍ରୀ । ବୁଦ୍ଧିଜୀବୀଙ୍କ ଅଭିଯୋଗ, ରାସ୍ତା ମରାମତି ନାଁରେ ପ୍ରତିବର୍ଷ ଚାଲିଛି ଦୁର୍ନୀତିର ପୁରୁଣା ଖେଳ ? ଏବେ ପାର୍ବଣ ନାଁରେ ଖର୍ଚ୍ଚ ହେବ ଲକ୍ଷାଧିକ ଟଙ୍କା । ପ୍ରତିବର୍ଷ ଏପରି ପ୍ୟାଚ ପଡୁଛି, ହେଲେ ପାର୍ବଣ ସରିରେ ଯଥା ପୂର୍ବମ ତଥା ପରମ । ଲୋକେ ଟ୍ରାଫିକ୍ ନିୟମ ଭାଙ୍ଗିଲେ ତୁରନ୍ତ ଜରିମାନା ଆଦାୟ ହେଉଛି । ହେଲେ ପ୍ରଶାସନ ଭୁଲ କଲେ ତା ଠାରୁ ତଣ୍ଡ କିଏ ଆଦାୟ କରିବେ ବୋଲି ଲୋକେ ପ୍ରଶ୍ନ କରିଛନ୍ତି । ଖରାପ ରାସ୍ତା ଯୋଗୁଁ ଦୁର୍ଘଟଣା ଘଟୁଛି, ଗାଡ଼ି ଭାଙ୍ଗୁଛି ।  ସହରର ଗାନ୍ଧୀ ନଗର, ଆସିକା ରୋଡ, ସୁବାରାଓ ଛକ, ଅନ୍ନପୂର୍ଣ୍ଣା ମାର୍କେଟ ପ୍ରମୁଖ ମୁଖ୍ୟ ରାସ୍ତାର ଅବସ୍ଥା ଶୋଚନୀୟ ହୋଇଛି ।

ମହାନଗର ନିଗମର ୪୨ ୱାର୍ଡରେ ଏପରି ସ୍ଥିତି ଥିଲେ ସୁଦ୍ଧା ମେୟର ଓ ପ୍ରଶାସନର ନଜର ପଡୁ ନଥିବା ଅଭିଯୋଗ କରିଛନ୍ତି ଲୋକେ । ସବୁ କାମର ସମୀକ୍ଷା କରୁଥିବା ବ୍ରହ୍ମପୁର ବିଧାୟକଙର୍କ ବି ଏଥିପ୍ରତି ନଜର ନାହିଁ । ପ୍ରତି କଥାରେ ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ଚିଠି ଲେଖୁଥିବା ସାଂସଦ ମଧ୍ୟ ନୀରବ । ଯାହାକୁ ନେଇ ସହରବାସୀ ଓ ବିଭିନ୍ନ ରାଜନୈତିକ ଦଳ ଅସନ୍ତୋଷ ପ୍ରକାଶ କରିଛନ୍ତି ।