Extramarital Affair Murder: ଚିକେନ୍ ତରକାରୀରେ ବିଷ ମିଶାଇ ସ୍ୱାମୀଙ୍କୁ ହତ୍ୟା ! ପ୍ରେମିକ ସହ ମିଶି ସ୍ତ୍ରୀ ରଚିଥିଲା ଷଡ଼ଯନ୍ତ୍ର

ସ୍ବାମୀକୁ ମୂଷା ଔଷଧ ଦେଇ ମାରିଦେଲା ସ୍ତ୍ରୀ !

ଚିକେନ୍ ତରକାରୀରେ ମିଶାଇ ଥିଲା ବିଷ !

ପ୍ରେମିକ ସହ ମିଶି ଦଶହରାରେ ସ୍ବାମୀକୁ ହତ୍ୟା !

ପରକୀୟାପ୍ରୀତିର କରୁଣ ପରୀଣତି ।

ପ୍ରଥମେ ଚିକେନ ତରକାରୀରେ ବିଷ ଦେଲା ।

ସ୍ବାମୀ ଛଟପଟ ହେବାରୁ କୁରାଢ଼ିରେ ମୁଣ୍ଡକୁ ଛେଚି ମାରିଦେଲା ସ୍ତ୍ରୀ ।

ଅନୁଗୋଳ ଜିଲ୍ଲା ବାଗଡ଼ିଆ ଥାନା କଣଲୋଇ ଗାଁରୁ ଏଭଳି ଏକ ଅଭିଯୋଗ ଆସିଛି ।

ଦିଲ୍ଲୀପ ସେଠୀ ହତ୍ୟା ମାମଲାରେ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆଣିଛି ପୋଲିସ ।

ଏହି ଘଟଣାରେ ମୃତକଙ୍କ ସ୍ତ୍ରୀ ସୌଦାମିନୀ ସେଠୀ ଏବଂ ତାଙ୍କ ପ୍ରେମିକ ନୂଆଗାଁ ବଡ଼ସାହିର ଖଗେଶ୍ୱର ସାହୁଙ୍କୁ ଗିରଫ କରାଯାଇଛି ।

ଉଭୟ କୋର୍ଟ ଚାଲାଣ ହୋଇଛନ୍ତି ।

ହତ୍ୟାକାଣ୍ଡର ମାତ୍ର ୪୮ ଘଣ୍ଟା ମଧ୍ୟରେ ପୋଲିସ ପର୍ଦ୍ଦାଫାଶ କରିଛି ।

ପୋଲିସର ତଦନ୍ତ ଅନୁଯାୟୀ, ସୌଦାମିନୀ ଓ ଖଗେଶ୍ବରଙ୍କ ମଧ୍ୟରେ ପ୍ରେମ ସଂପର୍କ ଥିଲା ।

ଏହାକୁ ଦିଲ୍ଲୀପ ବିରୋଧ କରୁଥିବାରୁ ଉଭୟ ତାଙ୍କୁ ରାସ୍ତାରୁ ହଟାଇବାକୁ ଯୋଜନା କରିଥିଲେ ।

ଦଶହରା ରାତିରେ ଗାଁ ଉତ୍ସବମୁଖର ଥିବା ସମୟରେ ଚିକେନ ତରକାରୀରେ ବିଷ ମିଶାଇ ଦିଲ୍ଲୀପଙ୍କୁ ଖାଇବାକୁ ଦିଆଯାଇଥିଲା ।

ସେ ଅଚେତ ହେବା ପରେ ଗଳା ଚିପିବା ସହ କୁରାଢ଼ିରେ ମୁଣ୍ଡକୁ ଆଘାତ କରି ତାଙ୍କୁ ହତ୍ୟା କରାଯାଇଥିବା ପୋଲିସ କହିଛି ।

ମୃତକଙ୍କ ମା' ସୌରୀ ସେଠୀଙ୍କ ଅଭିଯୋଗ ପରେ ପୋଲିସ ଓ ଅନୁଗୋଳ ସାଇଣ୍ଟିଫିକ୍ ଟିମ୍ ତଦନ୍ତ କରିଥିଲେ ।

ଘଟଣାସ୍ଥଳରୁ ହତ୍ୟାରେ ବ୍ୟବହୃତ କୁରାଢ଼ି, ରକ୍ତଲଗା ପୋଷାକ ଓ ଗଳା ଚିପିବାରେ ବ୍ୟବହୃତ କପଡ଼ା ଜବତ ହୋଇଛି ।

Advertisment ଏହି ମାମଲାରେ ପୋଲିସ ତଦନ୍ତ ଜାରି ରଖିଥିବା ବେଳେ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଲାଗିରହିଛି ।