Fake Medicine: ନକଲି ଔଷଧ ବିକ୍ରି: ଦୁଇ ଭାରତୀୟ ନାଗରିକଙ୍କ ବିରୋଧରେ ଗମ୍ଭୀର ଅଭିଯୋଗ

"ୱାସିଂଟନ: ଫ୍ଲୋରିଡାର ଏକ ଆମେରିକୀୟ ଫେଡେରାଲ୍ କୋର୍ଟରେ ନକଲି ପ୍ରେସକ୍ରିପସନ୍ ଔଷଧର ଅନ୍ତର୍ଜାତୀୟ ବଣ୍ଟନ ରାକେଟ ସହିତ ଜଡିତ ଷଡ଼ଯନ୍ତ୍ର ଏବଂ ଚାଲାଣ ଅଭିଯୋଗରେ ଦୁଇ ଭାରତୀୟ ନାଗରିକଙ୍କ ବିରୋଧରେ ଗମ୍ଭୀର ଅଭିଯୋଗ ଅଣାଯାଇଛି।

ଫ୍ଲୋରିଡାର ମଧ୍ୟ ଜିଲ୍ଲାର ଏକ ଫେଡେରାଲ୍ ଗ୍ରାଣ୍ଡ ଜୁରି ଦ୍ୱାରା ଆଗତ ଅଭିଯୋଗ ଅନୁଯାୟୀ, ସ୍ୱପନଦୀପ ରାୟ, ଭିକି ରାମଞ୍ଚା ଏବଂ ସେମାନଙ୍କ ସହଯୋଗୀମାନେ ଆମେରିକାର ବିତରକମାନଙ୍କୁ କମ୍ ମୂଲ୍ୟରେ ନକଲି ଓଜେମ୍ପିକ ବିକ୍ରି କରିଥିଲେ।Advertisment ୭୧ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ହୋଇପାରେ ସ୍ୱପନଦୀପ ରାୟଙ୍କୁ ଇଟାଲୀରୁ ଆମେରିକାକୁ ପ୍ରତ୍ୟର୍ପଣ କରାଯାଇଥିଲା ଏବଂ ମଙ୍ଗଳବାର ଫ୍ଲୋରିଡାର ଟାମ୍ପାରେ କୋର୍ଟରେ ହାଜର କରାଯାଇଥିଲା।ଆଇନ ଅନୁଯାୟୀ, ଦୋଷୀ ସାବ୍ୟସ୍ତ ହେଲେ, ଉଭୟଙ୍କୁ ୭୧ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ହୋଇପାରେ।

କୋର୍ଟର ଦାଖଲ କରାଯାଇଥିବା ତଥ୍ୟ ଅନୁଯାୟୀ ଜୁଲାଇ ୨୦୨୩ରୁ ଏପ୍ରିଲ ୨୦୨୪ ପର୍ଯ୍ୟନ୍ତ ଉଭୟ ଅଭିଯୁକ୍ତ ଚୀନ୍‌ର ଏକ ଅନଧିକୃତ ଉତ୍ସରୁ ମଧୁମେହ ଏବଂ ଓଜନ ହ୍ରାସ ଔଷଧ ନକଲି ଓଜେମ୍ପିକ ଆଣି ଆମେରିକାରେ ବିକ୍ରି କରୁଥିଲେ।

ଗ୍ରାହକମାନଙ୍କୁ ନିର୍ମାତାଙ୍କ ଦ୍ୱାରା ଅନୁମୋଦିତ ପ୍ରକୃତ ଓଜେମ୍ପିକ କିଣୁଛନ୍ତି ବୋଲି ବିଶ୍ୱାସ ଦିଆଯିବା ପାଇଁ ନକଲି ଓଜେମ୍ପିକର ନକଲି ପ୍ୟାକେଜିଂରେ ପ୍ୟାକେଜ୍ ଇନସର୍ଟ, ପେନ୍ ଲେବଲ୍ ଏବଂ ଛୁଞ୍ଚି ଆଦି ରଖା ଯାଇଥିଲା।

ଡିସେମ୍ବର ୨୦୨୩ରେ ଏଫଡିଏ ନକଲି ଓଜେମ୍ପିକର କିଛି ଔଷଧ ଜବତ କରିବା ଏବଂ ଉତ୍ପାଦଗୁଡ଼ିକ ବିଷୟରେ ଏକ ସାର୍ବଜନୀନ ଚେତାବନୀ ଜାରି କରିବା ପରେ ମଧ୍ୟ ରାକେଟ୍ ଦ୍ବାରା କାରବାର ଜାରି ରହିଥିଲା।

ଅଭିଯୁକ୍ତଙ୍କ ବିରୋଧରେ ଆମେରିକାକୁ ଚୋରା ଚାଲାଣ ଏବଂ ଠକେଇ କରିବା ଷଡ଼ଯନ୍ତ୍ରର ଗୋଟିଏ ଅଭିଯୋଗ, ଚୋରା ଚାଲାଣର ତିନୋଟି ଅଭିଯୋଗ ଏବଂ ବିକ୍ରୟ ପାଇଁ ନକଲି ଔଷଧ ମହଜୁଦ୍ ରଖିବାର ଦୁଇଟି ଅଭିଯୋଗ ଅଣାଯାଇଛି ବୋଲି ନ୍ୟାୟ ବିଭାଗ ଏକ ବିବୃତିରେ କହିଛି।

Raid and Action: ଗୁଜରାଟରେ ୫ପାକିସ୍ତାନୀ ଗିରଫ!

୩୦୦୦ କୋଟି ମୂଲ୍ୟର ଡ୍ରଗ୍ସ  ଜବତ ନକଲି ଔଷଧ ଆମର ଔଷଧ ଯୋଗାଣର ନିର୍ଭରଯୋଗ୍ୟତା ଉପରେ ବିଶ୍ବାସ କରୁଥିବା ସମସ୍ତ ଆମେରିକୀୟଙ୍କ ସ୍ୱାସ୍ଥ୍ୟ ଏବଂ ସୁରକ୍ଷାକୁ ବିପଦରେ ପକାଉଛି ବୋଲି ନ୍ୟାୟ ବିଭାଗର ଅପରାଧ ବିଭାଗର ସହାୟକ ଆଟର୍ଣ୍ଣି ଜେନେରାଲ ଏ.

ଟାଇସନ ଡୁଭା କହିଛନ୍ତି।

ଅଭିଯୁକ୍ତମାନେ ଟଙ୍କା ରୋଜଗାର କରିବା ପାଇଁ ଜନସ୍ୱାସ୍ଥ୍ୟ ଉପରେ ପ୍ରଶ୍ନ ଚିହ୍ନ ଲଗାଇଛନ୍ତି।

ନକଲି ଔଷଧ ଦେଇ ଆମେରିକୀୟ ଗ୍ରାହକମାନଙ୍କୁ ଠକିବାକୁ ଚେଷ୍ଟା କରୁଥିବା ଯେକୌଣସି ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରାଯିବ ବୋଲି ସେ କହିଛନ୍ତି।

"