Flydubai: ଭାରତୀୟ କ୍ୟାପ୍ଟେନ ସ୍ମିତ୍‌ ମାଚ୍ଛରଙ୍କୁ ଜଘନ୍ୟ ଆକ୍ରମଣ

"ଦୁବାଇ: ଦୁବାଇରୁ ତେଲ୍ ଅଭିଭ୍ ଅଭିମୁଖେ ଯାଉଥିବା ଫ୍ଲାଏଦୁବାଇ ବିମାନ "ଏଫ୍‌ଜେଡ୍ ୧୦୭୩"ର କକ୍‌ପିଟ୍ ଭିତରେ ଆତଙ୍କବାଦୀ ଆକ୍ରମଣ କରିଥିବା ସହ-ପାଇଲଟ୍ ହମାମ୍‌ ଅଲ୍-ହାମାମି ବିରୋଧରେ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ସର୍ବାଧିକ କଠୋର ଆଭିମୁଖ୍ୟ ଗ୍ରହଣ କରିଛି।

ଇସ୍ରାଏଲ୍ ଗଣମାଧ୍ୟମ "ୱାଇନେଟ୍" ରିପୋର୍ଟ ଅନୁଯାୟୀ, ଆକ୍ରମଣକାରୀ ସହ-ପାଇଲଟ୍‌କୁ ମୃତ୍ୟୁଦଣ୍ଡ ଦେବା ପାଇଁ ୟୁଏଇ ପ୍ରୟାସ କରୁଥିବା ବେଳେ ଏହି ପ୍ରକ୍ରିୟାରେ ଅନେକ ଇସ୍ରାଏଲ୍ ଅଧିକାରୀ ମଧ୍ୟ ୟୁଏଇକୁ ତଦନ୍ତରେ ସହାୟତା କରୁଛନ୍ତି।Advertisment ଗତ ସେପ୍ଟେମ୍ବର ୩୦ ତାରିଖରେ ୧୭୦ରୁ ଅଧିକ ଯାତ୍ରୀଙ୍କୁ ନେଇ ଯାଉଥିବା ଏହି ବିମାନର ଓମାନୀ ନାଗରିକ ସହ-ପାଇଲଟ୍ ହମାମ୍‌, ଭାରତୀୟ କ୍ୟାପ୍ଟେନ ସ୍ମିତ୍‌ ମାଚ୍ଛରଙ୍କୁ କକପିଟ୍‌ର ଜରୁରିକାଳୀନ କ୍ରାସ୍ କୁରାଢ଼ୀ ସାହାଯ୍ୟରେ ଜଘନ୍ୟ ଆକ୍ରମଣ କରି ବିମାନକୁ କ୍ରାସ୍ କରିବାକୁ ଚେଷ୍ଟା କରିଥିଲେ।

ମାତ୍ର ଯାତ୍ରୀ ଏବଂ କ୍ରୁ ସଦସ୍ୟଙ୍କ ହସ୍ତକ୍ଷେପ ଯୋଗୁଁ ବିମାନଟି ସାଉଦି ଆରବର ତାବୁକଠାରେ ଜରୁରୀକାଳୀନ ସୁରକ୍ଷିତ ଅବତରଣ କରିଥିଲା।

ଆତଙ୍କୀ ସହ-ପାଇଲଟ୍ ପାଇଁ ମୃତ୍ୟୁଦଣ୍ଡ ଚାହୁଛି ୟୁଏଇ ଏହି ଘଟଣା ଏବେ ବେସରକାରୀ ବିମାନ ଚଳାଚଳ ସଂସ୍ଥାଗୁଡ଼ିକର ସୁରକ୍ଷା ଓ ପାଇଲଟ୍ ଯାଞ୍ଚ ପ୍ରକ୍ରିୟା ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିଛି।

ଫ୍ଲାଏଦୁବାଇରେ ଯୋଗ ଦେଇବା ପୂର୍ବରୁ ହମାମ "ଓମାନ ଏୟାର" ) କମ୍ପାନିରେ କାର୍ଯ୍ୟ କରୁଥିଲା।

ସେଠାରେ କାର୍ଯ୍ୟ କରୁଥିବା ସମୟରେ କର୍ତ୍ତୃପକ୍ଷ ଜାଣିବାକୁ ପାଇଥିଲେ ଯେ ସେ ବାରମ୍ବାର ଉଗ୍ରବାଦୀ ୱେବସାଇଟ୍ ବ୍ରାଉଜ୍ କରୁଥିଲା ଏବଂ ସେଥିପାଇଁ ଓମାନ ଏୟାର ତାକୁ ବିମାନ ଉଡ଼ାଇବାରୁ ସମ୍ପୂର୍ଣ୍ଣ ରୂପେ ନିଷିଦ୍ଧ କରି ଦେଇଥିଲା।

ପରେ ତାକୁ କେବଳ ଡେସ୍କ ଚାକିରି ଦିଆଯାଇଥିଲା।

ମାତ୍ର ଏଭଳି ପୃଷ୍ଠଭୂମି ଥାଇ ମଧ୍ୟ ସେ ୨୦୨୫ରେ "ରୟାଲ ଏୟାର ମରୋକ"ରେ ଚାକିରି ପାଇଁ ଚେଷ୍ଟା କରିଥିଲା ଏବଂ ସେ ଶେଷରେ ଚଳିତ ବର୍ଷ ଫେବୃଆରି ମାସରେ ଫ୍ଲାଏଦୁବାଇରେ ଜଣେ ସହ-ପାଇଲଟ୍ ଭାବେ ନିଯୁକ୍ତି ପାଇବାରେ ସଫଳ ହୋଇଥିଲା।

Arrested: ବେଙ୍ଗାଲୁରୁରେ ଜିମ୍‌ ଟ୍ରେନରଙ୍କୁ ନିର୍ମମ ହତ୍ୟା: ବନ୍ଧୁମାନେ ନେଲେ ଜୀବନ, ୪ ଅଭିଯୁକ୍ତ ଗିରଫ "