Head in Fridge, Fingers Cut Off: ସ୍ତ୍ରୀକୁ ହତ୍ୟା ପରେ ଫ୍ରିଜ୍‌ରେ ରଖିଥିଲା ମୁଣ୍ଡ, ଦୁର୍ଗନ୍ଧ ଖୋଲିଲା ରହସ୍ୟ

ସ୍ତ୍ରୀକୁ ବିଭତ୍ସ ହତ୍ୟା କଲା ସ୍ୱାମୀ। ଅତ୍ୟନ୍ତ ନିର୍ମମ ଭାବେ ହତ୍ୟା କରିବା ପରେ ସ୍ତ୍ରୀର ଆଙ୍ଗୁଠିକୁ ଖଣ୍ଡ ଖଣ୍ଡ କରିଦେବା ସହ ଶରୀରରୁ ମୁଣ୍ଡକୁ ଅଲଗା କରି କଟାମୁଣ୍ଡକୁ ଫ୍ରିଜରେ ରଖିଥିଲା। ହେଲେ ଘର ଭିତରୁ ଦୁର୍ଗନ୍ଧ ବାହାରିବାରୁ ଧରା ପକାଇଦେଲେ ପଡୋଶୀ। ଏଭଳି ବିଭତ୍ସ ହତ୍ୟାକାଣ୍ଡ ଘଟିଛି ଆସାମରେ। 

ରାଜଧାନୀ ଗୌହାଟୀର ବଶିଷ୍ଠପୁର ଅଞ୍ଚଳରେ ଥିବା ଏକ ଫ୍ଲାଟରୁ ଦୁର୍ଗନ୍ଧ ବାହାରିବା ପରେ ସ୍ଥାନୀୟ ପଡୋଶୀ ପୋଲିସକୁ ଖବର ଦେଇଥିଲେ। ପୋଲିସ କବାଟ ଭାଙ୍ଗି ଘଟଣାସ୍ଥଳରେ ପହଞ୍ଚି ଦେଖେ ତ ଘର ଭିତରେ ଏକ ମୁଣ୍ଡବିହୀନ ମୃତଦେହ ପଡିଛି। ଆଙ୍ଗୁଠି ମଧ୍ୟ କଟାଯାଇଛି। ଏପରିକି ଶରୀର ପଚିଯିବାକୁ ଆରମ୍ଭ କରିଛି। ଅଧିକ ଖୋଳତାଡ ପରେ ଫ୍ରିଜ ଭିତରେ କଟାମୁଣ୍ଡ ମିଳିଥିଲା। 

ସ୍ଥାନୀୟ ପଡୋଶୀ କହିଛନ୍ତି ଯେ, ଗତ ଦୁଇ ଦିନ ଧରି ଦମ୍ପତ୍ତିଙ୍କ ଦେଖା ସାକ୍ଷାତ ମିଳିନଥିଲା। ସେମାନେ ଶେଷ ଥର ପାଇଁ ସ୍ୱାମୀକୁ ଶୁକ୍ରବାର ଦେଖିଥିଲେ ଓ ସେମାନଙ୍କ ମୋବାଇଲ ସ୍ୱିଚ୍ ଅଫ ଅଛି। ପୋଲିସ କହିଛି ଯେ, ମୃତ ମହିଳା ଜଣକ ହେଉଛନ୍ତି ରିୟା ତାଲୁକଦାର ଗୋସ୍ୱାମୀ। ଗତ ୬ ମାସ ତଳେ ରାମାନୁଜନ ଗୋସ୍ୱାମୀଙ୍କ ସହ ତାଙ୍କର ବିବାହ ହୋଇଥିଲା। ସେମାନେ ଏକାଠି ଉକ୍ତ ଫ୍ଲାଟରେ ରହୁଥିଲେ। 

କିନ୍ତୁ କେଉଁ କାରଣ ପାଇଁ ରାମାନୁଜନ ରିୟାଙ୍କୁ ହତ୍ୟା କରିଛି ତାହା ଜଣାପଡିନାହିଁ। ଦୁର୍ଗନ୍ଧ ହେବାରୁ ସ୍ଥାନୀୟ ପଡୋଶୀ ପୋଲିସକୁ ଖବର ଦେଇଥିଲେ। ଘଟଣା ପରେ ସେ ଫେରାର ଥିଲା। ରବିବାର ରାତିରେ ଥାନାରେ ଆତ୍ମସମର୍ପଣ କରିଥିଲା। ଏହା ପରେ ପୋଲିସ ତାକୁ ଗିରଫ କରିଛି। ମୃତଦେହକୁ ଜବତ କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି। ହତ୍ୟାକାଣ୍ଡରେ ବ୍ୟବହୃତ ହୋଇଥିବା ଅସ୍ତ୍ର ଜବତ କରାଯାଇଛି। ଅଧିକ ଛାନଭିନ ଜାରି ରହିଛି।