Horse Gram Dal Benefits: ଶରୀରରେ ପ୍ରୋଟିନର ଅଭାବ ଦୂର କରେ କୋଳଥ ଡାଲି, ଡାଏଟ୍‌ରେ ସାମିଲ କଲେ ମିଳିବ ୫ଟି ଲାଭ

କୋଳଥ ଡାଲିକୁ ପୋଷକ ତତ୍ତ୍ୱର ଭଣ୍ଡାର ବୋଲି କୁହାଯାଏ। ଆୟୁର୍ବେଦ ଅନୁସାରେ, ଏହି କୋଲଥ ଡାଲି ଶରୀରରେ କଫ ଓ ବାତ ଦୋଷକୁ କମାଇବା ସହ ସହଜରେ ହଜମ ହୋଇଥାଏ। ସର୍ଟିଫାଏଡ୍ ଆୟୁର୍ବେଦିକ ଡାକ୍ତର ଡା. ରୂପାଲି ଜୈନ ବେଦାରକରଙ୍କ କହିବା ଅନୁସାରେ, ଯେଉଁମାନେ ଶରୀରରେ ପ୍ରୋଟିନ୍‌ର ଅଭାବରେ ପୀଡ଼ିତ, ସେମାନଙ୍କ ପାଇଁ କୁଳଥି ଡାଲି ଅତ୍ୟନ୍ତ ଉପକାରୀ।

ଆପଣ ଯଦି ଶାକାହାରୀ ଏବଂ ପ୍ରୋଟିନ୍‌ରେ ଭରପୁର ଖାଦ୍ୟ ଖୋଜୁଛନ୍ତି, ତେବେ କୋଳଥ ଡାଲିକୁ ନିଶ୍ଚୟ ନିଜ ଦୈନନ୍ଦିନ ଖାଦ୍ୟ ତାଲିକାରେ ସାମିଲ କରନ୍ତୁ। ଏଥିରେ କେବଳ ପ୍ରୋଟିନ୍‌ ନୁହେଁ, ବରଂ ଫାଇବର, ଆଇରନ୍, କ୍ୟାଲସିୟମ୍ ଓ ଆଣ୍ଟିଅକ୍ସିଡେଣ୍ଟ୍‌ସ ମଧ୍ୟ ପ୍ରଚୁର ପରିମାଣରେ ରହିଛି। ତେବେ କୋଳଥ ଡାଲିକୁ ଡାଏଟ୍‌ରେ ସାମିଲ କଲେ କେଉଁ କେଉଁ ସ୍ୱାସ୍ଥ୍ୟ ଲାଭ ମିଳିପାରେ ଆସନ୍ତୁ ଜାଣିବା?

କୋଳଥ ଡାଲିର ୫ଟି ବଡ଼ ସ୍ୱାସ୍ଥ୍ୟ ଲାଭ

କିଡନି ଷ୍ଟୋନ୍‌ରେ ଉପକାରୀ

ଯଦି ଆପଣ କିଡନି ଷ୍ଟୋନ୍‌ ସମସ୍ୟାରେ ପୀଡ଼ିତ, ତେବେ କୋଲଥ ଡାଲି ଲାଭଦାୟକ ହୋଇପାରେ। ଏଥିରେ ଥିବା ଗୁଣ ପଥରକୁ ଭାଙ୍ଗିବାରେ ସହାୟକ ବୋଲି ମନାଯାଏ। ଏହା ପରିସ୍ରାର ପରିମାଣ ବଢ଼ାଇ ଶରୀରରୁ ଷ୍ଟୋନ୍‌ ବାହାର କରିବାରେ ସହଯୋଗ କରିପାରେ।

ଓଜନ କମାଇବାରେ ସହାୟକ

କୋଳଥ ଡାଲିରେ ପ୍ରଚୁର ପ୍ରୋଟିନ୍‌ ଓ ଫାଇବର ଥିବାରୁ ଏହା ଦୀର୍ଘ ସମୟ ପର୍ଯ୍ୟନ୍ତ ପେଟ ଭରିଥିବା ଅନୁଭବ କରାଏ, ଯାହା ଓଜନ କମାଇବାରେ ସହାୟକ ହୋଇପାରେ। ଏହା ମାଂସପେଶୀକୁ ମଜବୁତ କରିବାରେ ମଧ୍ୟ ସାହାଯ୍ୟ କରେ ଏବଂ ଏଥିରେ କ୍ୟାଲୋରି ମାତ୍ରା ଖୁବ କମ୍ ଥାଏ।

ସର୍ଦ୍ଦି ଓ କଫରୁ ଆରାମ ଦିଏ

ବାରମ୍ବାର ସର୍ଦ୍ଦି, ନାକରେ ଅଧିକ କଫ, ଶ୍ୱାସ ନେବାରେ ଅସୁବିଧା କିମ୍ବା ସାଇନସ୍‌ ସମସ୍ୟା ଥିଲେ କୋଳଥ ଡାଲି ଉପକାରୀ ହୋଇପାରେ। ଏହାକୁ କାଢ଼ା ଆକାରରେ ମଧ୍ୟ ସେବନ କରାଯାଇପାରେ।

ହଜମ କ୍ଷମତାକୁ ସୁଦୃଢ଼ କରେ

ଯେଉଁମାନଙ୍କର ଖାଦ୍ୟ ଭଲଭାବେ ହଜମ ହୁଏ ନାହିଁ, ପେଟରେ ଗ୍ୟାସ୍‌ ହୁଏ କିମ୍ବା ବାରମ୍ବାର ଡକାର ଆସେ, ସେମାନେ କୋଳଥ ଡାଲିକୁ ନିଜ ଡାଏଟ୍‌ରେ ସାମିଲ କରିପାରନ୍ତି। ଫାଇବରରେ ଭରପୂର ହେବାରୁ ଏହା ପାଚନତନ୍ତ୍ରକୁ ସୁସ୍ଥ ରଖିବାରେ ସହାୟକ।

ଗଣ୍ଠି ଯନ୍ତ୍ରଣା କମାଇବାରେ ସହାୟକ

କୋଳଥ ଡାଲିରେ ଥିବା କ୍ୟାଲସିୟମ୍‌ ଓ ଫସଫରସ୍‌ ହାଡ଼କୁ ମଜବୁତ କରିବାରେ ସହାୟକ। ଏଥିସହ ଏଥିରେ ଥିବା ଆଣ୍ଟିଅକ୍ସିଡେଣ୍ଟ ଓ ଆଣ୍ଟି-ଇନ୍‌ଫ୍ଲାମେଟୋରି ଗୁଣ ଶରୀରର ସୁଜନ ଏବଂ ଗଣ୍ଠି ଯନ୍ତ୍ରଣା କମାଇବାରେ ଉପକାରୀ ହୋଇପାରେ।

ସ୍ପଷ୍ଟୀକରଣ: ଏହି ସୂଚନା ଗବେଷଣା ଅଧ୍ୟୟନ ଓ ବିଶେଷଜ୍ଞଙ୍କ ମତାମତ ଉପରେ ଆଧାରିତ। ଏହା କୌଣସି ଚିକିତ୍ସା ପରାମର୍ଶର ବିକଳ୍ପ ନୁହେଁ। କୌଣସି ନୂତନ ଖାଦ୍ୟ ଅଭ୍ୟାସ ଆରମ୍ଭ କରିବା ପୂର୍ବରୁ ନିଜ ଡାକ୍ତର କିମ୍ବା ସମ୍ପର୍କିତ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ।