Human Waste Organic Fertilizers: ଠିକ ଉପାୟରେ ବ୍ୟବହାର କଲେ ଫସଲ ପାଇଁ ଉପଯୋଗୀ ହୋଇପାରେ ମଣିଷର ମଳ

"ଭୁବନେଶ୍ବର: ଆମେ ସାଧାରଣତଃ ଯେଉଁ ଜିନିଷକୁ ଅପରିଷ୍କାର ଓ ଅଦରକାରୀ ଭାବି ତୁରନ୍ତ ବର୍ଜନ କରିଦେଇଥାଉ ତାହା ଅନେକ ସମୟରେ ଚାଷ କାମ ପାଇଁ ଉପଯୋଗୀ ହୋଇଥାଏ।

କଥା ହେଉଛି ମଣିଷର ମଳ ଓ ମୂତ୍ର ବିଷୟରେ।

ବୈଜ୍ଞାନିକଙ୍କ ମତରେ, ମଣିଷର ମଳ-ମୂତ୍ରରେ ନାଇଟ୍ରୋଜେନ୍‌, ଫସ୍‌ଫରସ୍‌ ଓ ପୋଟାସିୟମ୍‌ ଭଳି ପୋଷକତତ୍ତ୍ୱ ରହିଛି, ଯାହା ଗଛର ବୃଦ୍ଧି ପାଇଁ ସହାୟକ ହୋଇଥାଏ।

ବର୍ତ୍ତମାନ ସାରା ବିଶ୍ୱରେ ଏହାକୁ ସୁରକ୍ଷିତ ଭାବେ ପ୍ରକ୍ରିୟାକରଣ କରି ଖତ ଓ ମାଟିର ଗୁଣବତ୍ତା ବୃଦ୍ଧିକାରୀ ଉତ୍ପାଦ ଭାବେ ବ୍ୟବହାର କରିବା ପାଇଁ ଗବେଷଣା ଚାଲିଛି।Advertisment ମଣିଷ ଶରୀରରୁ ବାହାରୁଥିବା ମଳ-ମୂତ୍ରଅପରିଷ୍କାର ଲାଗିପାରେ, କିନ୍ତୁ ଚାଷ ଜମି ପାଇଁ ଏଥିରେ ଅନେକ ଉପଯୋଗୀ ଉପାଦାନ ଲୁଚି ରହିଛି।

ବିଶେଷକରି ମୂତ୍ରରେ ନାଇଟ୍ରୋଜେନ୍‌, ଫସ୍‌ଫରସ୍‌ ଓ ପୋଟାସିୟମ୍‌ ଭଳି ପୋଷକତତ୍ତ୍ୱ ପର୍ଯ୍ୟାପ୍ତ ପରିମାଣରେ ମିଳିଥାଏ।

ଫସଲର ବୃଦ୍ଧି ପାଇଁ ଏହି ପୋଷକତତ୍ତ୍ୱର ଆବଶ୍ୟକତା ରହିଛି।

ଗବେଷଣା ଅନୁସାରେ, ସ୍ୱେରେଜ୍‌କୁ ପହଞ୍ଚୁଥିବା ନାଇଟ୍ରୋଜେନ୍‌ ଓ ଫସ୍‌ଫରସ୍‌ର ଏକ ବଡ଼ ଅଂଶ ମୂତ୍ର ମାଧ୍ୟମରେ ଆସିଥାଏ।

ଏହା ଚାଷୀଙ୍କୁ ନାଇଟ୍ରୋଜେନ୍‌ ଭଳି ପୋଷକତତ୍ତ୍ୱର ଏକ ବିକଳ୍ପ ଉତ୍ସ ଯୋଗାଇପାରେ ଏବଂ ଖତ ପାଇଁ ହେଉଥିବା ଖର୍ଚ୍ଚକୁ କିଛି ମାତ୍ରାରେ କମାଇପାରେ।

ଅର୍ଥାତ୍‌, ଯେଉଁ ପୋଷକତତ୍ତ୍ୱ ପାଇଁ ଚାଷୀ ବାହାରୁ ଖତ କିଣୁଛନ୍ତି, ତାହାର କିଛି ଅଂଶ ଆମ ଘରୁ ବାହାରୁଥିବା ଏହି ବର୍ଜ୍ୟରେ ହିଁ ରହିଛି।

ମଣିଷ ମଳ ଚାଷ ପାଇଁ ଖୁବ ଉପଯୋଗୀ ତେବେ ଏଠାରେ ଏକ କଥା ବୁଝିବା ଅତ୍ୟନ୍ତ ଜରୁରୀ।

ମଣିଷର ମଳ-ମୂତ୍ରକୁ ସିଧାସଳଖ ଜମିରେ ପକାଯାଇପାରିବ ନାହିଁ।

ଏପରି କଲେ ଫସଲ ଓ ମଣିଷ ଉଭୟଙ୍କ ପାଇଁ ସମସ୍ୟା ସୃଷ୍ଟି ହୋଇପାରେ।

କଞ୍ଚା ମଳରେ ବିଭିନ୍ନ ପ୍ରକାରର ରୋଗଜୀବାଣୁ ଓ ପରଜୀବୀ ରହିପାରନ୍ତି।

ଏହା ସହିତ ଔଷଧର ଅବଶେଷ ଓ ଅନ୍ୟ କେତେକ କ୍ଷତିକାରକ ପଦାର୍ଥ ମଧ୍ୟ ଏଥିରେ ରହିପାରେ।ମଣିଷର ମଳ-ମୂତ୍ରକୁ ସିଧାସଳଖ ଜମିରେ ପକାଇବା ପରିବର୍ତ୍ତେ ପ୍ରଥମେ ଏହାକୁ ଉପଯୁକ୍ତ ଭାବେ ପ୍ରକ୍ରିୟାକରଣ କରି ଖତ କିମ୍ବା ଅନ୍ୟ ସୁରକ୍ଷିତ ଉତ୍ପାଦରେ ପରିଣତ କରାଯାଏ।

ଏହା ପରେ ହିଁ ଏହାକୁ ଜମିରେ ବ୍ୟବହାର କରିବା ଉଚିତ।

କେତେ ପରିମାଣରେ ଏବଂ କେଉଁ ଫସଲରେ ଏହା ବ୍ୟବହାର କରାଯିବ, ତାହା ଖତର ଗୁଣବତ୍ତା ଓ ପ୍ରକ୍ରିୟାକରଣ ପଦ୍ଧତି ଅନୁସାରେ ନିର୍ଦ୍ଧାରଣ କରାଯାଏ।

ତେଣୁ ବିନା ପ୍ରକ୍ରିୟାକରଣରେ ମଣିଷର ମଳକୁ ଜମିରେ ପକାଇବାରୁ ଦୂରେଇ ରହିବା ଉଚିତ।

ଓଡ଼ିଶାର ବିକାଶ ପଛରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅବଦାନ ଅତୁଳୀୟ: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ "