IND vs NZ 2nd T20I: ରୋମାଞ୍ଚକର ମ୍ୟାଚ୍‌ରେ ନ୍ୟୁଜିଲାଣ୍ଡକୁ ଧରାଶାୟୀ କଲା ଭାରତ, ଦମ୍ଭ ଦେଖାଇଲେ ତିଲକ-ନୀତିଶ

କ୍ରାଏଷ୍ଟଚର୍ଚ୍ଚ: ନ୍ୟୁଜିଲାଣ୍ଡ ମାଟିରେ ଭାରତୀୟ କ୍ରିକେଟ୍‌ ଟିମ୍‌ ଦମଦାର ପ୍ରଦର୍ଶନ କରିଛି।

ଆଗଧାଡ଼ିର ଖେଳାଳିମାନେ ବିପର୍ଯ୍ୟୟର ଶିକାର ହୋଇଥିଲେ ମଧ୍ୟ ନିମ୍ନକ୍ରମରେ ଥିବା ଯୁବ ବ୍ୟାଟରମାନେ ଭାରତ ପାଇଁ ବିଜୟ ଆଣି ଦେଇଛନ୍ତି।

ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜର ଦ୍ୱିତୀୟ ମ୍ୟାଚ୍‌ରେ ଭାରତ ୪ୱିକେଟରେ ନ୍ୟୁଜିଲାଣ୍ଡକୁ ପରାସ୍ତ କରିଛି।

କ୍ରାଏଷ୍ଟଚର୍ଚ୍ଚର ହାଗଲି ଓଭାଲରେ ୧୮୧ ରନ୍‌ର ବିଜୟ ଲକ୍ଷ୍ୟକୁ ଭାରତୀୟ ଟିମ୍‌ ୧୯.୫ ଓଭରରେ ୬ଟି ୱିକେଟ ହରାଇ ପୂରଣ କରିଛି।

ଏଥି ସହିତ ଭାରତୀୟ ଦଳ ବର୍ତ୍ତମାନ ୨-୦ରେ ଆଗୁଆ ଅଛି।

Advertisment ଆଜିର ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍‌ରେ ଭାରତୀୟ ଅଧିନାୟକ ଶ୍ରେୟସ ଆୟର ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ।

ଏହି ମୁକାବିଲାରେ ବୈଭବ ସୂର୍ଯ୍ୟବଂଶୀଙ୍କୁ ସ୍ଥାନ ଦିଆଯାଇଥିଲା।

ଦଳର ଆଗଧାଡ଼ିର ଖେଳାଳିମାନେ ବିପର୍ଯ୍ୟୟର ସାମ୍ନା କରିଥିଲେ।

ତେବେ ନ୍ୟୁଜିଲାଣ୍ଡ ଠାରୁ ତିଲକ ବର୍ମା ଏବଂ ନୀତିଶ କୁମାର ରେଡ୍ଡୀ ମ୍ୟାଚ୍‌ ଛଡ଼ାଇ ଆଣିଥିଲେ।

ଭାରତୀୟ ଟିମ୍‌ର ବିଜୟରେ ତିଲକ ବର୍ମାଙ୍କ ଭୂମିକା ଗୁରୁତ୍ବପୂର୍ଣ୍ଣ ଥିଲା।

ନୀତିଶ କୁମାର ରେଡ୍ଡୀଙ୍କ ସହିତ ‌ତିଲକ ମ୍ୟାଚ୍‌ର ଧାରାକୁ ବଦଳାଇ ଦେଇଥିଲେ।

ଉଭୟ ସପ୍ତମ ୱିକେଟ୍‌ ପାଇଁ ୬୯ ରନ୍‌ର ଭାଗିଦାରୀ କରିଥିଲେ।

ତିଲକ ୬ଟି ଚୌକା ଏବଂ ଗୋଟିଏ ଛକା ବଳରେ ଅପରାଜିତ ୫୧ ରନ୍‌ କରିଥିଲେ।

ସେହିପରି ନୀତିଶ ୨୦୦ ଷ୍ଟ୍ରାଇକ୍‌ରେ ଅପରାଜିତ ରହି ୨୬ ରନ୍‌ ସଂଗ୍ରହ କରିଥିଲେ।