Israel Election: ଇସ୍ରାଏଲ୍‌ରେ ସରକାର ଗଠନରେ ନିର୍ଣ୍ଣାୟକ ହୋଇପାରନ୍ତି ଆରବ ଦଳ

ଜେରୁଜେଲମ୍‌: ଇସ୍ରାଏଲ୍‌ରେ ସାଧାରଣ ନିର୍ବାଚନ ପରେ କୌଣସି ମେଣ୍ଟ ସ୍ପଷ୍ଟ ସଂଖ୍ୟାଗରିଷ୍ଠତା ହାସଲ କରିବାର ସଙ୍କେତ ନ ମିଳିବାରୁ ସରକାର ଗଠନକୁ ନେଇ ଅନିଶ୍ଚିତତା ଦେଖାଦେଇଛି।

ଏହି ସମୟରେ ଆରବ ଦଳଗୁଡ଼ିକ ସହ ମେଣ୍ଟ କରିବାର ସମ୍ଭାବନାକୁ ସ୍ପଷ୍ଟ ଭାବେ ଖାରଜ କରିଛନ୍ତି ପ୍ରଧାନମନ୍ତ୍ରୀ ବେଞ୍ଜାମିନ୍‌ ନେତାନ୍ୟାହୁ।

ନିର୍ବାଚନ ପରବର୍ତ୍ତୀ ଏକ୍‌ଜିଟ୍‌ ପୋଲ୍‌ରେ ଆରବ ଦଳଗୁଡ଼ିକ ଅଧିକ ଆସନ ପାଇବାର ସମ୍ଭାବନା ଦେଖାଯିବା ପରେ ସେମାନେ ସରକାର ଗଠନରେ ନିର୍ଣ୍ଣାୟକ ଭୂମିକା ନେଇପାରନ୍ତି ବୋଲି କୁହାଯାଉଛି।

Advertisment ନେତାନ୍ୟାହୁଙ୍କ ଲିକୁଡ୍‌ ଦଳ ଇସ୍ରାଏଲ୍‌ ସଂସଦରେ ସବୁଠାରୁ ବଡ଼ ଦଳ ଭାବେ ଉଭା ହେବାର ସମ୍ଭାବନା ଥିଲେ ମଧ୍ୟ ତାଙ୍କ ନେତୃତ୍ୱାଧୀନ ମେଣ୍ଟକୁ ସଂଖ୍ୟାଗରିଷ୍ଠତା ମିଳିବା ନେଇ ସନ୍ଦେହ ରହିଛି।

ଅନ୍ୟପକ୍ଷରେ ତାଙ୍କର ମୁଖ୍ୟ ପ୍ରତିଦ୍ୱନ୍ଦ୍ୱୀ ଗାଦି ଆଇଜେନକୋଟ୍‌ଙ୍କ ନେତୃତ୍ୱାଧୀନ ବିରୋଧୀ ମେଣ୍ଟ ମଧ୍ୟ ସରକାର ଗଠନ ପାଇଁ ଆବଶ୍ୟକ ସଂଖ୍ୟାରେ ପହଞ୍ଚି ନ ପାରନ୍ତି।

ଇସ୍ରାଏଲ୍‌ ସଂସଦ 'କ୍ନେସେଟ୍‌'ରେ ମୋଟ ୧୨୦ଟି ଆସନ ଥିବାବେଳେ ସରକାର ଗଠନ ପାଇଁ ୬୧ଟି ଆସନ ଆବଶ୍ୟକ।

ନିର୍ବାଚନ ପରବର୍ତ୍ତୀ ଏକ୍‌ଜିଟ୍‌ ପୋଲ୍‌ ଅନୁସାରେ, ନେତାନ୍ୟାହୁଙ୍କ ମେଣ୍ଟ ଏବଂ ବିରୋଧୀ ମେଣ୍ଟ ପ୍ରାୟ ୫୧ଟି ଲେଖାଏଁ ଆସନ ପାଇପାରନ୍ତି।

ଅନ୍ୟପକ୍ଷରେ ଆରବ ସମର୍ଥିତ ରାମ୍‌ ଓ ଜଏଣ୍ଟ୍‌ ଲିଷ୍ଟ୍‌ ଦଳର ମିଳିତ ଆସନ ସଂଖ୍ୟା ୧୮ରୁ ୧୯ ମଧ୍ୟରେ ରହିପାରେ।

ଏହି ଆକଳନ ସତ ହେଲେ ସରକାର ଗଠନ ପାଇଁ ଏହି ଦଳଗୁଡ଼ିକର ସମର୍ଥନ ଗୁରୁତ୍ୱପୂର୍ଣ୍ଣ ହୋଇପାରେ।

ନେତାନ୍ୟାହୁ ନିଜ ଦଳର କାର୍ଯ୍ୟାଳୟରେ ଉଦ୍‌ବୋଧନ ଦେଇ କହିଛନ୍ତି ଯେ, ଇସ୍ରାଏଲ୍‌ର ଅସ୍ତିତ୍ୱକୁ ବିରୋଧ କରୁଥିବା ଆରବ ଦଳଗୁଡ଼ିକର ସମର୍ଥନ ଉପରେ ନିର୍ଭର କରି ସରକାର ଗଠନ କରିବା ଦେଶର ସୁରକ୍ଷା ପ୍ରତି ବିପଦ।

ତାଙ୍କ ମତରେ, ଏପରି ଦଳଗୁଡ଼ିକ ସହ ମେଣ୍ଟ କରିବା ଗ୍ରହଣୀୟ ନୁହେଁ।

ସେ ଏକ ଶକ୍ତିଶାଳୀ ଦକ୍ଷିଣପନ୍ଥୀ ଜାତୀୟ ସରକାର ଗଠନ ପାଇଁ ଆହ୍ୱାନ ଦେଇଛନ୍ତି।

Legislative Council Election Results: ବିଧାନ ପରିଷଦ ନିର୍ବାଚନ ଫଳାଫଳ: ୪ ରାଜ୍ୟରେ କଂଗ୍ରେସକୁ ବଡ଼ ଝଟ୍‌କା ୨୦୨୩ ଅକ୍ଟୋବର ୭ରେ ହମାସ୍ ‌ର ଆକ୍ରମଣ ପରେ ଇସ୍ରାଏଲ୍‌ରେ ଏହା ପ୍ରଥମ ସାଧାରଣ ନିର୍ବାଚନ।

ଦୀର୍ଘଦିନ ଧରି ଶାସନ କରୁଥିବା ନେତାନ୍ୟାହୁଙ୍କ ରାଜନୈତିକ ଭବିଷ୍ୟତ ଏହି ନିର୍ବାଚନ ଉପରେ ନିର୍ଭର କରୁଛି।

ବିରୋଧୀ ନେତା ଆଇଜେନକୋଟ୍‌ ଆରବ ଦଳଗୁଡ଼ିକ ସହ ସହଯୋଗର ସମ୍ଭାବନାକୁ ସମ୍ପୂର୍ଣ୍ଣ ବନ୍ଦ କରିନାହାନ୍ତି।

ତେବେ ଇସ୍ରାଏଲ୍‌କୁ ଏକ ଇହୁଦୀ ଓ ଗଣତାନ୍ତ୍ରିକ ରାଷ୍ଟ୍ର ଭାବେ ସ୍ୱୀକାର କରିବା, ହମାସ୍‌କୁ ଆତଙ୍କବାଦୀ ସଂଗଠନ ଭାବେ ନିନ୍ଦା କରିବା ଆଦି ସର୍ତ୍ତ ରଖିଛନ୍ତି।

ଏଭଳି ସ୍ଥିତିରେ ସରକାର ଗଠନ ପାଇଁ ଦଳଗୁଡ଼ିକ ମଧ୍ୟରେ ଦୀର୍ଘ ଆଲୋଚନା ହେବାର ସମ୍ଭାବନା ରହିଛି।

ଯଦି କୌଣସି ପକ୍ଷ ସଂଖ୍ୟାଗରିଷ୍ଠତା ହାସଲ କରିବାରେ ବିଫଳ ହୁଏ, ତେବେ ଦେଶରେ ପୁଣି ନିର୍ବାଚନ ହେବାର ପରିସ୍ଥିତି ମଧ୍ୟ ସୃଷ୍ଟି ହୋଇପାରେ।