Japan 4-1: ଭାରତ ଷଷ୍ଠ ଥର ବିଜେତା: ଜାପାନକୁ ୪-୧ରେ ହରାଇଲା
/sambad/media/media_files/2026/11/06/fshfxbbvvb-2026-11-06-02-51-22.jpg)
ମୋହାଲି: ଭାରତ ପୁଣି ଥରେ ଏସୀୟ ଚାମ୍ପିଅନ୍ସ ଟ୍ରଫି ବିଜେତା ହୋଇଛି।
ନାଟକୀୟ ଫାଇନାଲ୍ରେ ଜାପାନକୁ ୪-୧ ଗୋଲ୍ରେ ପରାସ୍ତ କରି ଷଷ୍ଠ ଥର ପାଇଁ ଏହି ମୁକୁଟ ପିନ୍ଧିଛି।
ଗୁରୁବାର ଆୟୋଜକ ଭାରତ କିନ୍ତୁ ଜାପାନଠାରୁ କଡ଼ା ପ୍ରତିଦ୍ବନ୍ଦ୍ବିତାର ସମ୍ମୁଖୀନ ହୋଇଥିଲା।
ଦ୍ବିତୀୟ ମିନିଟ୍ରେ ମାତସୁମୋଟୋ କାଜୁମାସା ହଠାତ୍ ଏକ ଫିଲ୍ଡ ଗୋଲ୍ କରି ଜାପାନକୁ ୧-୦ରେ ଅଗ୍ରଣୀ କରିଥିଲେ।
Advertisment ତୃତୀୟ କ୍ବାର୍ଟର ପର୍ଯ୍ୟନ୍ତ ଜାପାନ ଏହି ଅଗ୍ରଣୀ ବଜାୟ ରଖିଥିଲା।
କିନ୍ତୁ ୪୧ତମ ମିନିଟ୍ରେ ଓଡ଼ିଆ ପୁଅ ଶିଳାନନ୍ଦ ଲାକ୍ରା ଏକ ପେନାଲ୍ଟି କର୍ଣ୍ଣରରୁ ଗୋଲ୍ ଅମଳ କରି ସ୍ଥିତି ୧-୧ କରି ନେଇଥିଲେ।
ଚତୁର୍ଥ କ୍ବାର୍ଟରରେ ଭାରତୀୟ ଦଳ ଘନ ଘନ ଆକ୍ରମଣ କରି ଜାପାନ ଉପରେ ଚାପ ସୃଷ୍ଟି କରିବା ସହ ଲଗାତାର ୩ ଗୋଲ୍ ଲଦି ଦେଇଥିଲା।
୪୭ତମ ମିନିଟ୍ରେ ଦିଲପ୍ରୀତ୍ ସିଂହ ଭାରତକୁ ୨-୧ରେ ଆଗୁଆ କରିଥିଲେ।
ଏହା ପରେ ଯୁଗରାଜ ସିଂହ (୫୨ତମ ମିନିଟ୍) ଓ ବିବେକ ସାଗର ପ୍ରସାଦ (୫୩ତମ ମିନିଟ୍)ଙ୍କ ଗୋଲ୍ରେ ଭାରତ ସ୍ମରଣୀୟ ବିଜୟ ପାଇଥିଲା।
ରୋଚକ କଥା ହେଉଛି ଲିଗ୍ ପର୍ଯ୍ୟାୟରେ ବି ଭାରତ ସେହି ୪-୧ ଗୋଲ୍ରେ ଜାପାନକୁ ହରାଇଥିଲା।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ SAMBAD - ସମ୍ବାଦ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି SAMBAD - ସମ୍ବାଦ ଦେଖନ୍ତୁ।
/sambad/media/media_files/2026/11/06/06bbs_4_06112026_112-2026-11-06-11-27-11.jpg)
/sambad/media/media_files/2026/11/06/whatsapp-image-2026-11-06-10-05-40.jpeg)
/sambad/media/media_files/2026/11/06/untitled-2026-11-06-10-24-49.png)
