JIO: ଜିଓର ୧୦ ବର୍ଷ ପୂର୍ତ୍ତି ଅବସରରେ କର୍ମଚାରୀମାନଙ୍କୁ ଚିଠି ଲେଖିଲେ ଆକାଶ ଅମ୍ବାନୀ

"ମୁମ୍ବାଇ: ଆଗାମୀ ଏକ ଦଶନ୍ଧିରେ, ଏଆଇ, କନେକ୍ଟିଭିଟି ଏବଂ ପ୍ରଯୁକ୍ତିବିଦ୍ୟା ଉପରେ ଜିଓର ବିଶେଷ ଧ୍ୟାନ ରହିବ।

କମ୍ପାନି ଭାରତରେ ବିକଶିତ ହେଉଥିବା ଜ୍ଞାନକୌଶଳକୁ ବିଶ୍ୱ ବଜାରକୁ ନେବା ପାଇଁ ମଧ୍ୟ ପ୍ରସ୍ତୁତ ହେଉଛି।

ଜିଓର ଦଶ ବର୍ଷ ପୂର୍ତ୍ତି ଅବସରରେ କର୍ମଚାରୀମାନଙ୍କୁ ଲେଖିଥିବା ଏକ ଚିଠିରେ ଅଧ୍ୟକ୍ଷ ଆକାଶ ଅମ୍ବାନୀ କମ୍ପାନିର ଆଗାମୀ ଦଶନ୍ଧିର ଏହି ରୂପରେଖ ରଖିଛନ୍ତି।Advertisment ଆକାଶ ଅମ୍ବାନୀ କହିଛନ୍ତି ଯେ ଜିଓ ଏବେ କେବଳ ଏକ ଟେଲିକମ୍ କମ୍ପାନି ଠାରୁ ବେଶ୍‌ ଆଗକୁ ବଢିଛି।

କନେକ୍ଟିଭିଟି ବା ସଂଯୋଗ ସହିତ, କମ୍ପାନି ଡିଜିଟାଲ୍ ଉତ୍ପାଦ, ଏଣ୍ଟରପ୍ରାଇଜ୍ ସମାଧାନ ଏବଂ ଏଆଇ କ୍ଷେତ୍ରରେ ନିଜସ୍ୱ ପ୍ରଯୁକ୍ତି ବିକାଶ କରୁଛି।

ପରବର୍ତ୍ତୀ ଲକ୍ଷ୍ୟ ହେଉଛି ଏହି ପ୍ରଯୁକ୍ତିଗୁଡ଼ିକୁ ଭାରତୀୟମାନଙ୍କ ନିକଟରେ ବ୍ୟାପକ ଭାବରେ ପହଞ୍ଚାଇବା ସହିତ ଅନ୍ତର୍ଜାତୀୟ ବଜାରରେ ମଧ୍ୟ ଏହାର ବିସ୍ତାର କରିବା।ଏଆଇକୁ ସେ ଆଗାମୀ ଦିନର ଏକ ପ୍ରମୁଖ ଶକ୍ତି ଭାବରେ ଉଲ୍ଲେଖ କରିଛନ୍ତି।

ସେ କହିଛନ୍ତି, ଏଆଇ ଲୋକମାନଙ୍କ ଏବଂ ବ୍ୟବସାୟଗୁଡିକର କାର୍ଯ୍ୟ କରିବା ପ୍ରକ୍ରିୟା, ନବସୃଜନ ଓ ନୂଆ ସାମଗ୍ରୀ ପ୍ରସ୍ତୁତ କରିବା ଏବଂ ସମସ୍ୟାଗୁଡିକର ସମାଧାନ କରିବାର ପ୍ରକ୍ରିୟା ବଦଳାଇଦେବ।

ଜିଓ ଏହି ପରିବର୍ତ୍ତନ ପାଇଁ ଏହାର ନିଜସ୍ୱ ପ୍ରଯୁକ୍ତି ଏବଂ ଡିଜିଟାଲ୍ ପ୍ଲାଟଫର୍ମ ପ୍ରସ୍ତୁତ କରୁଛି।

ଆହୁରି ପଢନ୍ତୁ: Gurdwara: ଲଣ୍ଡନର ପ୍ରସିଦ୍ଧ ଗୁରୁଦ୍ବାରରେ ପ୍ରାର୍ଥନା କଲେ ମୋହନ ଭାଗବତ, ଏନ୍‌ଆରଆଇ ଶିଖ୍‌ମାନଙ୍କ ସହ ସମ୍ପର୍କ ବଢ଼ାଇବାକୁ ପ୍ରୟାସ ଏହି ଚିଠିରେ ଆକାଶ ଜିଓର ଦଶ ବର୍ଷର ଯାତ୍ରା ପାଇଁ କର୍ମଚାରୀମାନଙ୍କୁ ଶ୍ରେୟ ଦେଇଛନ୍ତି।

ସେ କହିଛନ୍ତି ଯେ ଜିଓର କାହାଣୀ କେବଳ ସଂଖ୍ୟା ବିଷୟରେ ନୁହେଁ, ବରଂ ସେହି ଲୋକମାନଙ୍କ ବିଷୟରେ ଯେଉଁମାନେ ଆହ୍ୱାନଗୁଡିକୁ ଗ୍ରହଣ କରିଛନ୍ତି ଏବଂ ପ୍ରତ୍ୟେକ କ୍ଷେତ୍ରରେ ଗ୍ରାହକମାନଙ୍କୁ କେନ୍ଦ୍ରରେ ରଖି କାମ କରିଛନ୍ତି।

ଆକାଶ ଅମ୍ବାନୀ ତାଙ୍କ ପିତା ତଥା ରିଲାଏନ୍ସ ଇଣ୍ଡଷ୍ଟ୍ରିଜ୍ ଅଧ୍ୟକ୍ଷ ମୁକେଶ ଅମ୍ବାନୀଙ୍କୁ ମଧ୍ୟ ବିଶେଷ ଧନ୍ୟବାଦ ଜଣାଇଛନ୍ତି।

ସେ ଜିଓର ଯାତ୍ରାକୁ ସମ୍ଭବ କରିଥିବା ଦୂରଦୃଷ୍ଟି ଏବଂ ମାର୍ଗଦର୍ଶନ ପାଇଁ ମୁକେଶ ଅମ୍ବାନୀଙ୍କୁ କୃତଜ୍ଞତା ଜଣାଇଛନ୍ତି।

ଆକାଶ ଉଲ୍ଲେଖ କରିଛନ୍ତି ଯେ ପ୍ରଥମ ଦଶକ ବିଷୟରେ ଗର୍ବ କରିବା ପାଇଁ ବହୁତ କିଛି ରହିଛି, ତେବେ ହାସଲ କରିବାକୁ ମଧ୍ୟ ବହୁତ କିଛି ବାକି ଅଛି।

"