Lungi Dance thief‘: ଲୁଙ୍ଗି ଡ୍ୟାନ୍ସ’ ଚୋର! ଶୋ’ରୁମ୍ରେ କଫି, ଗାଧୁଆ ଓ ଡ୍ୟାନ୍ସ ପରେ ୫ ଲକ୍ଷର ବାଇକ୍ ଚୋରି
ଚୋରି କରିବା ଉଦ୍ଦେଶ୍ୟରେ ଶୋ’ରୁମ୍ରେ ପଶିଥିବା ଜଣେ ଯୁବକ ପ୍ରାୟ ସାଢ଼େ ୪ ଘଣ୍ଟା ସେଠାରେ ରହିଥିଲା। ହେଲେ ଏହି ସମୟରେ ସେ ଚୋର ଭଳି ନୁହେଁ, ବରଂ ନିଜ ଘରେ ଥିବା ଭଳି ଆରାମ କରୁଥିଲା। ଘଟଣାଟି ବାରାଣସୀର ମଣ୍ଡୁଆଡିହ ଥାନା ଅଞ୍ଚଳର ଏକ ବାଇକ୍ ଶୋ’ରୁମ୍ରେ ଘଟିଛି।
CCTV ଦୃଶ୍ୟରେ ଦେଖାଯାଛି ଯୁବକ ଜଣକ ଶୋ’ରୁମ୍ ଭିତରେ କଫି ତିଆରି କରି ପିଇଥିଲା। ଏତିକିରେ ତା’ର ମନ ମାନିନଥିଲା, ଶୋ’ରୁମ୍ ଭିତରେ ଗାଧୋଇବା ସହ ଭିଜା କପଡ଼ା ଶୁଖାଇଥିଲା। ଏପରିକି ବଲିଉଡ୍ର ଗୀତରେ ନାଚୁଥିବାର ଦୃଶ୍ୟ ମଧ୍ୟ CCTVରେ ରେକର୍ଡ ହୋଇଛି।
ପ୍ରାୟ ସାଢ଼େ ୪ ଘଣ୍ଟା ଏଭଳି ହରକତ କରିବା ପରେ ଯୁବକ ଜଣକ ଶୋ’ରୁମ୍ ମ୍ୟାନେଜରଙ୍କ ପ୍ରାୟ ୫ ଲକ୍ଷ ଟଙ୍କା ମୂଲ୍ୟର ବାଇକ୍ ନେଇ ଫେରାର ହୋଇଯାଇଥିଲା।
ଘଟଣା ପରେ ଭାଇରାଲ CCTV ଫୁଟେଜ୍କୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି। ଏବେ ପୋଲିସ ପାଇଁ ବଡ଼ ଚ୍ୟାଲେଞ୍ଜ ଏତେ ଆରାମରେ ଚୋରି କରିଥିବା ଏହି ‘ଲୁଙ୍ଗି ଡ୍ୟାନ୍ସ’ ଚୋର କିଏ?
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ ODISHA TV - ଓଡିଶା ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ODISHA TV - ଓଡିଶା ଟିଭି ଦେଖନ୍ତୁ।
