MrBeast’s Ramayana Event Fee: ‘ରାମାୟଣ’ ଇଭେଣ୍ଟରେ ବିଶ୍ୱର ନମ୍ବର-୧ ୟୁଟ୍ୟୁବର୍ MrBeast, ନେଇଗଲେ କୋଟି କୋଟି ଟଙ୍କା

ନମିତ ମଲହୋତ୍ରାଙ୍କ ମେଗା ବଜେଟ୍ ଫିଲ୍ମ ‘ରାମାୟଣ’କୁ ନେଇ ଦର୍ଶକଙ୍କ ମଧ୍ୟରେ ଏବେଠାରୁ ଜବରଦସ୍ତ କ୍ରେଜ୍ ଦେଖିବାକୁ ମିଳୁଛି। ନିକଟରେ ମୁମ୍ବାଇରେ ଆୟୋଜିତ ଫିଲ୍ମର ଏକ ବିଶେଷ କାର୍ଯ୍ୟକ୍ରମରେ ରଣବୀର କପୁର, ସାଇ ପଲ୍ଲବୀ ଓ ନମିତ ମଲହୋତ୍ରାଙ୍କ ସହ ବିଶ୍ୱପ୍ରସିଦ୍ଧ ୟୁଟ୍ୟୁବର୍ MrBeast ମଧ୍ୟ ନଜର ଆସିଥିଲେ।

ଏବେ ଚର୍ଚ୍ଚା ହେଉଛି, ଏଭଳି ଏକ ଇଭେଣ୍ଟରେ ଯୋଗ ଦେବା ପାଇଁ MrBeast କେତେ ଫିସ୍ ନିଅନ୍ତି।

MrBeastଙ୍କ ଫିସ୍ କେତେ?

ଏକ ରିପୋର୍ଟ ଅନୁସାରେ, କୌଣସି ଇଭେଣ୍ଟରେ MrBeastଙ୍କୁ ଯୋଗଦେବା ପାଇଁ ଡାକିବାର ଆରମ୍ଭିକ ଫିସ୍ ପ୍ରାୟ ୨ ଲକ୍ଷ ଡଲାର୍ ବୋଲି କୁହାଯାଉଛି। ଭାରତୀୟ ଟଙ୍କାରେ ଏହା ପ୍ରାୟ ୧.୬୭ କୋଟି ଟଙ୍କା ସହ ସମାନ। ଏହି ରାଶି କେବଳ ତାଙ୍କର ବ୍ୟକ୍ତିଗତ ଉପସ୍ଥିତି କିମ୍ବା ଲାଇଭ୍ ଆପିୟରେନ୍ସ ପାଇଁ ପ୍ରାରମ୍ଭିକ ଫିସ୍ ବୋଲି ରିପୋର୍ଟରେ ଦାବି କରାଯାଇଛି। ଇଭେଣ୍ଟର ସମୟ, କାର୍ଯ୍ୟକଳାପ ଏବଂ ଚୁକ୍ତିର ସର୍ତ୍ତ ଅନୁସାରେ ଏହି ରାଶି ଆହୁରି ବଢ଼ିପାରେ।

YouTube ଦୁନିଆର ବାଦଶାହ MrBeast

MrBeastଙ୍କ ପ୍ରକୃତ ନାମ ଜିମି ଡୋନାଲ୍ଡସନ୍। ୟୁଟ୍ୟୁବ୍ ଦୁନିଆରେ ତାଙ୍କର ଲୋକପ୍ରିୟତା ଆକାଶଛୁଆଁ। ତାଙ୍କ ମୁଖ୍ୟ YouTube ଚ୍ୟାନେଲ୍‌ରେ କୋଟି କୋଟି ସବସ୍କ୍ରାଇବର୍ ଥିବା ବେଳେ ତାଙ୍କ ଭିଡିଓଗୁଡ଼ିକ ଶହ ଶହ କୋଟି ଭ୍ୟୁ ହାସଲ କରିଛି। Instagramରେ ମଧ୍ୟ ତାଙ୍କର ବିଶାଳ ଫ୍ୟାନ୍ ଫଲୋଇଂ ରହିଛି। ଏହି ବିଶାଳ ଗ୍ଲୋବାଲ୍ ଅଡିଏନ୍ସକୁ ଦୃଷ୍ଟିରେ ରଖି ‘ରାମାୟଣ’ର ନିର୍ମାତା ତାଙ୍କୁ ମୁମ୍ବାଇ ଇଭେଣ୍ଟକୁ ଆମନ୍ତ୍ରଣ କରିଥିବା ଚର୍ଚ୍ଚା ହେଉଛି।

ରଣବୀରଙ୍କ ସହ ଲଗାଇଲେ ‘ଜୟ ଶ୍ରୀରାମ’ ନାରା

ମୁମ୍ବାଇ ଇଭେଣ୍ଟରେ MrBeastଙ୍କୁ ରଣବୀର କପୁର, ସାଇ ପଲ୍ଲବୀ ଓ ନମିତ ମଲହୋତ୍ରାଙ୍କ ସହ ଦେଖିବାକୁ ମିଳିଥିଲା। ପାପାରାଜିଙ୍କ ଅନୁରୋଧ ପରେ MrBeast, ରଣବୀର କପୁରଙ୍କ ସହ ‘ଜୟ ଶ୍ରୀରାମ’ ନାରା ମଧ୍ୟ ଲଗାଇଥିଲେ।

କେବେ ଆସିବ ‘ରାମାୟଣ’?

ନୀତେଶ ତିୱାରୀଙ୍କ ନିର୍ଦ୍ଦେଶନାରେ ‘ରାମାୟଣ’କୁ ଦୁଇଟି ପାର୍ଟରେ ତିଆରି କରାଯାଉଛି। ପ୍ରଥମ ପାର୍ଟ ଚଳିତ ବର୍ଷ ଦୀପାବଳିରେ ରିଲିଜ୍ ହେବାକୁ ଯାଉଛି। ଫିଲ୍ମରେ ରଣବୀର କପୁର ପ୍ରଭୁ ରାମ, ସାଇ ପଲ୍ଲବୀ ସୀତା, ରବି ଦୁବେ ଲକ୍ଷ୍ମଣ, ୟଶ ରାବଣ ଏବଂ ସନ୍ନି ଦେଓଲ ହନୁମାନଙ୍କ ଭୂମିକାରେ ନଜର ଆସିବେ।

ଫିଲ୍ମର ଭବ୍ୟତା ସହ MrBeastଙ୍କ ଭଳି ଗ୍ଲୋବାଲ୍ ଷ୍ଟାରଙ୍କ ଉପସ୍ଥିତି ‘ରାମାୟଣ’କୁ ନେଇ ଚର୍ଚ୍ଚାକୁ ଆହୁରି ବଢ଼ାଇଦେଇଛି।