ଅଭିଜିତ ଦୀପକେ, ସୌରଭ ଦାସଙ୍କ ସମେତ ୩ ଜଣଙ୍କୁ ହାଇକୋର୍ଟ ଦେଲେ ଅଲ୍ଟିମେଟମ୍: ୨୪ ଘଣ୍ଟା ମଧ୍ୟରେ…
ନୂଆଦିଲ୍ଲୀ,୨୬।୯: ଦିଲ୍ଲୀ ହାଇକୋର୍ଟ କକରୋଚ ଜନତା ପାର୍ଟିର ପ୍ରତିଷ୍ଠାତା ଅଭିଜିତ ଦୀପକେ ଏବଂ ଦଳର ଅନ୍ୟ ତିନି ନେତା ଆଶୁତୋଷ ରାଙ୍କା, ରତ୍ନା ସିଂହ ଓ ସୌରଭ ଦାସଙ୍କୁ ଏକ ମାମଲାରେ ନୋଟିସ ଜାରି କରିଛନ୍ତି।
ଜଣେ ମହିଳାଙ୍କ ଆବେଦନ ଉପରେ ଶୁଣାଣି କରି ଦିଲ୍ଲୀ ହାଇକୋର୍ଟ ମେଟା (Meta)କୁ ସୋସିଆଲ ମିଡିଆ ଏବଂ ୱେବସାଇଟ୍ରୁ ଆପତ୍ତିଜନକ ଫଟୋ ଓ ୱେବ୍ଲିଙ୍କଗୁଡ଼ିକୁ ୨୪ ଘଣ୍ଟା ମଧ୍ୟରେ ହଟାଇବାକୁ ନିର୍ଦ୍ଦେଶ ଦେଇଛନ୍ତି।
ଏହା ସହିତ ଅଭିଯୋଗକାରୀ ମହିଳାଙ୍କୁ ପୋଲିସ ସୁରକ୍ଷା ଦେବାକୁ ମଧ୍ୟ ଦିଲ୍ଲୀ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ମାମଲାରେ ଦିଲ୍ଲୀ ପୋଲିସକୁ ନୋଟିସ ଜାରି କରି ଦୁଇ ସପ୍ତାହ ମଧ୍ୟରେ ଷ୍ଟାଟସ ରିପୋର୍ଟ ଦାଖଲ କରିବାକୁ କୋର୍ଟ କହିଛନ୍ତି।
ଶୁଣାଣି ସମୟରେ କୋର୍ଟ କହିଥିବା ଅନୁଯାୟୀ, ଏହା ଏକ ଅସାଧାରଣ ପରିସ୍ଥିତି ଏବଂ ମାମଲାଟି କେବଳ ଜଣେ ମହିଳାଙ୍କ ସହ ଜଡ଼ିତ ନୁହେଁ, ଦେଶର ପ୍ରଧାନମନ୍ତ୍ରୀଙ୍କ ନାମ ସହ ମଧ୍ୟ ଜଡ଼ିତ। ତେଣୁ ଦିଲ୍ଲୀ ପୋଲିସ ମାମଲାରେ ସମ୍ବେଦନଶୀଳତାର ସହ କାର୍ଯ୍ୟ କରିବା ଉଚିତ ବୋଲି କୋର୍ଟ ଉଲ୍ଲେଖ କରିଥିବା ସୂଚନା ରହିଛି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
