ଦିଲ୍ଲୀ ଆନ୍ଦୋଳନ ସମୟରେ ଅଭିଜିତ ଦୀପ୍କେଙ୍କ ଘରୁ ଆସିଲା ଏହି ଦୁଃଖଦ ଖବର, ଭାଙ୍ଗିପଡ଼ିଛନ୍ତି ପୂରା ପରିବାର
ନୂଆଦିଲ୍ଲୀ,୧୦ା୧୦: ଦିଲ୍ଲୀର ଜନ୍ତରମନ୍ତରଠାରେ କକ୍ରୋଚ୍ ଜନତା ପାର୍ଟି (ସିଜେପି ) ପକ୍ଷରୁ ଚାଲିଥିବା ଆନ୍ଦୋଳନ ଏବଂ ଗିରଫଦାରୀ ମଧ୍ୟରେ ସିଜେପି ପ୍ରତିଷ୍ଠାତା ଅଭିଜିତ ଦୀପ୍କେଙ୍କ ପରିବାରରୁ ଏକ ଦୁଃଖଦ ଖବର ଆସିଛି। ଆନ୍ଦୋଳନର ନେତୃତ୍ୱ ନେଉଥିବା ବେଳେ ଅଭିଜିତଙ୍କ ଜେଜେମା’ ସାବିତ୍ରୀବାଇ ଶଙ୍କର ଦୀପ୍କେ (୮୫)ଙ୍କର ପରଲୋକ ହୋଇଛି। ମହାରାଷ୍ଟ୍ରର ହିଙ୍ଗୋଲି ଜିଲ୍ଲାସ୍ଥ ସନ୍ତୁକ ପିମ୍ପରି ଗ୍ରାମରେ ତାଙ୍କର ଦେହାନ୍ତ ହୋଇଥିବା ଜଣାପଡ଼ିଛି। ଗୋଟେପଟେ ଦିଲ୍ଲୀରେ ଆନ୍ଦୋଳନ ଓ ପୋଲିସ ହେପାଜତ ଏବଂ ଅନ୍ୟପଟେ ଏହି ଦୁଃଖଦ ଖବରରେ ସମଗ୍ର ପରିବାର ଭାଙ୍ଗିପଡ଼ିଛନ୍ତି।
ଅନ୍ୟପକ୍ଷରେ, ସମ୍ଭାବ୍ୟ ଗିରଫଦାରୀ ଓ ପରିସ୍ଥିତିକୁ ଦୃଷ୍ଟିରେ ରଖି ଅଭିଜିତ ଦୀପ୍କେ, ସୌରଭ ଦାସ ଏବଂ ଆଶୁତୋଷ ରାଙ୍କା ପୂର୍ବରୁ ହିଁ ଭିଡିଓ ଜରିଆରେ ବାର୍ତ୍ତା ରଖିଥିଲେ। ସେମାନେ ହେପାଜତରେ ରହିବା ସମୟରେ ଜନ୍ତରମନ୍ତର ପ୍ରତିବାଦର ମଙ୍ଗ ସିଜେପି ପ୍ରଭାରୀ ଅଜିଙ୍କ୍ୟ ସିନ୍ଦେ ଧରିବେ ବୋଲି ସଂଗଠନ ପକ୍ଷରୁ ସ୍ପଷ୍ଟ କରାଯାଇଛି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
