ସଂଗଠନରେ ବଡ଼ ଅଦଳବଦଳ: ୭ ମୋର୍ଚ୍ଚା ପାଇଁ ପ୍ରଭାରୀ ଘୋଷଣା କଲା ଭାଜପା: ଓଡ଼ିଶାର ଏହି ନେତାଙ୍କୁ ମିଳିଲା…
ନୂଆଦିଲ୍ଲୀ,୧୦।୯: ଭାରତୀୟ ଜନତା ପାର୍ଟି (ଭାଜପା) ସଂଗଠନକୁ ଆହୁରି ସୁଦୃଢ଼ କରିବା ପାଇଁ ୭ଟି ମୋର୍ଚ୍ଚାର ପ୍ରଭାରୀଙ୍କ ନାମ ଘୋଷଣା କରିଛି। ଏଥିରେ ଓଡ଼ିଶାର ବରିଷ୍ଠ ନେତା ତଥା ଭାଜପାର ଜାତୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କୁ OBC ମୋର୍ଚ୍ଚାର ପ୍ରଭାରୀ ଦାୟିତ୍ୱ ମିଳିଛି। ଭାଜପାର ଏହି ନିଯୁକ୍ତିକୁ ସଂଗଠନକୁ ମଜବୁତ କରିବାର ଏକ ବଡ଼ ପଦକ୍ଷେପ ଭାବେ ଦେଖାଯାଉଛି।
କାହାକୁ ମିଳିଲା କେଉଁ ମୋର୍ଚ୍ଚାର ଦାୟିତ୍ୱ?
ଯୁବ ମୋର୍ଚ୍ଚା: ହରିଶ ଦ୍ୱିବେଦୀ
ମହିଳା ମୋର୍ଚ୍ଚା: ଡି. ପୁରନ୍ଦେଶ୍ୱରୀ
SC ମୋର୍ଚ୍ଚା: ସଞ୍ଜୟ ଭାଟିଆ
OBC ମୋର୍ଚ୍ଚା: ବୈଜୟନ୍ତ ପଣ୍ଡା
କୃଷକ ମୋର୍ଚ୍ଚା: ଲାଲ ସିଂହ ଆର୍ଯ୍ୟ
ST ମୋର୍ଚ୍ଚା: ସତୀଶ ପୁନିଆ
ଓଡ଼ିଶାର ବରିଷ୍ଠ ଭାଜପା ନେତା ବୈଜୟନ୍ତ ପଣ୍ଡାଙ୍କୁ OBC ମୋର୍ଚ୍ଚାର ପ୍ରଭାରୀ କରାଯାଇଛି। ସେ ବର୍ତ୍ତମାନ ଭାଜପାର ଜାତୀୟ ଉପାଧ୍ୟକ୍ଷ ଅଛନ୍ତି। ନୂଆ ଜାତୀୟ ଟିମରେ ମଧ୍ୟ ତାଙ୍କୁ ଉପାଧ୍ୟକ୍ଷ ଭାବେ ସ୍ଥାନ ମିଳିଥିଲା। ବୈଜୟନ୍ତ ପଣ୍ଡା କେନ୍ଦ୍ରାପଡ଼ାରୁ ଲୋକ ସଭା ସାଂସଦ ଭାବେ ନିର୍ବାଚିତ ହୋଇଥିଲେ। ଓଡ଼ିଶାରେ ଭାଜପାର ସଂଗଠନ ବିସ୍ତାର ଏବଂ ଦଳର ନିର୍ବାଚନୀ ସଫଳତାରେ ତାଙ୍କ ଭୂମିକା ରହିଛି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
