ସାବଧାନ! ଗୋରା ହେବା ଚକ୍କରରେ ନଷ୍ଟ ହୋଇପାରେ ସୌନ୍ଦର୍ଯ୍ୟ, ପାକିସ୍ତାନର ଏହି କ୍ରିମ୍କୁ ବ୍ୟାନ୍ କଲା ଭାରତ
ନୂଆଦିଲ୍ଲୀ,୧୬ା୯: କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂଗଠନ (CDSCO) ସମ୍ପ୍ରତି ପାକିସ୍ତାନରୁ ଉତ୍ପନ୍ନ ଅନଧିକୃତ କସ୍ମେଟିକ ଉତ୍ପାଦ ବିକ୍ରୟ ସମ୍ପର୍କରେ ଏକ ସତର୍କତା ଜାରି କରିଛି। ନୋଟିସ୍ରେ ଉଲ୍ଲେଖ କରାଯାଇଥିବା ଦୁଇଟି ଉତ୍ପାଦ ହେଉଛି ଗୋରା ହେବା ପାଇଁ କ୍ରିମ୍ ‘ଚାନ୍ଦନୀ ହ୍ବାଇଟିନିଙ୍ଗ୍ କ୍ରିମ୍’ ଏବଂ ‘ଗୋରୀ ବ୍ୟୁଟି କ୍ରିମ୍’। ଏହା ପାକିସ୍ତାନରେ ପ୍ରସ୍ତୁତ କରାଯାଉଛି ବୋଲି କୁହାଯାଉଛି।
‘ଚାନ୍ଦନୀ ହ୍ବାଇଟିନିଙ୍ଗ୍ କ୍ରିମ୍’ ଏବଂ ‘ଗୋରୀ ବ୍ୟୁଟି କ୍ରିମ୍’ ନାମକ ଏହି ଦୁଇଟି ଉତ୍ପାଦର ବିକ୍ରୟକୁ ନିଷିଦ୍ଧ କରି, ଔଷଧ ନିୟାମକ କହିଛି ଯେ, ଏହି କ୍ରିମ୍ଗୁଡ଼ିକରେ ‘ଅତ୍ୟଧିକ ପରିମାଣର ଭାରୀ ଧାତୁ’ ଅନୁମୋଦିତ ସୀମା ଅତିକ୍ରମ କରିପାରେ। CDSCO ଏହା ମଧ୍ୟ କହିଛି ଯେ ଏହି କ୍ରିମ୍ଗୁଡ଼ିକର ବ୍ୟବହାର ବିଷାକ୍ତ ପ୍ରଭାବ ପକାଇପାରେ ଏବଂ ଏକ ଗମ୍ଭୀର ସ୍ବାସ୍ଥ୍ୟ ବିପଦ ସୃଷ୍ଟି କରିପାରେ।
କସ୍ମେଟିକ୍ ଉତ୍ପାଦଗୁଡ଼ିକ ଜନସାଧାରଣଙ୍କ ପାଇଁ ନିରାପଦ ହେବା ଆବଶ୍ୟକ। ସେମାନଙ୍କର ଉତ୍ପାଦନ ଏବଂ ଆମଦାନୀ ଔଷଧ ଏବଂ କସ୍ମେଟିକ୍ ଆଇନ ୧୯୪୦ ଏବଂ କସମେଟିକ୍ ନିୟମ ୨୦୨୦ ଅନୁଯାୟୀ ନିୟନ୍ତ୍ରିତ। କସ୍ମେଟିକ୍ ଉତ୍ପାଦଗୁଡ଼ିକର ମାନକ ଭାରତୀୟ ମାନକ ବ୍ୟୁରୋ (BIS) ଦ୍ୱାରା ଜାରି କରାଯାଇଛି। ବିକ୍ରୟ ଏବଂ ବଣ୍ଟନ ପାଇଁ କସ୍ମେଟିକ୍ ଉତ୍ପାଦନ କରିବାକୁ ରାଜ୍ୟ ଲାଇସେନ୍ସିଂ ପ୍ରାଧିକରଣରୁ ଏକ ଲାଇସେନ୍ସ ଆବଶ୍ୟକ। କସ୍ମେଟିକ୍ ଆମଦାନୀ କରିବାକୁ, ଉତ୍ପାଦଗୁଡ଼ିକୁ ନିର୍ଦ୍ଧାରିତ ନିୟମ ଅନୁଯାୟୀ କେନ୍ଦ୍ରୀୟ ଲାଇସେନ୍ସିଂ ପ୍ରାଧିକରଣରେ ପଞ୍ଜୀକୃତ ହେବା ଆବଶ୍ୟକ।
ନୋଟିସରେ ଆହୁରି କୁହାଯାଇଛି, ‘ଗୋରୀ ବ୍ୟୁଟି କ୍ରିମ୍’ ଏବଂ ‘ଚାନ୍ଦନୀ ହ୍ବାଇଟିନିଙ୍ଗ୍ କ୍ରିମ୍’କୁ ଦୃଷ୍ଟିରେ ରଖି ଗ୍ରାହକମାନଙ୍କୁ ଏହି ଉତ୍ପାଦଗୁଡ଼ିକ ନ କିଣିବାକୁ ପରାମର୍ଶ ଦିଆଯାଇଛି। ଯଦି କିଣାଯାଏ, ତେବେ ସମାନ ନାମ ସହିତ କସ୍ମେଟିକ ଉତ୍ପାଦ ବ୍ୟବହାର କରିବା ଏଡନ୍ତୁ। ଏହା ସହିତ ଲୋକମାନଙ୍କୁ କେବଳ ସେହି କସ୍ମେଟିକ୍ ଉତ୍ପାଦଗୁଡ଼ିକ କିଣିବା ଏବଂ ବ୍ୟବହାର କରିବାକୁ ପରାମର୍ଶ ଦିଆଯାଇଛି ଯାହା ଉତ୍ପାଦନ ଲାଇସେନ୍ସ ନମ୍ବର, ନିର୍ମାତା ବିବରଣୀ, ବ୍ୟାଚ ନମ୍ବର, ଉତ୍ପାଦନ ଏବଂ ମିଆଦ ଶେଷ ତାରିଖ ଏବଂ ପଞ୍ଜୀକରଣ ନମ୍ବର (ଆମଦାନୀ ପ୍ରସାଧନ କ୍ଷେତ୍ରରେ) ପରି ବିବରଣୀ ରହିଥିବ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
