Nirmala Sitaraman: ନିର୍ମଳାଙ୍କ ଭାଷଣବେଳେ ହୋହଲ୍ଲାକୁ ନେଇ ଏନ୍‌ଡିଏ - କଂଗ୍ରେସ ମୁହାଁମୁହିଁ

"ନୂଆଦିଲ୍ଲୀ: ଆନ୍ଧ୍ରପ୍ରଦେଶର ମଦନପାଲିରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଭାଷଣ ଦେଉଥିବା ସମୟରେ କିଛି ସମୟ ପାଇଁ ଲୋକ ହୋହଲ୍ଲା କରିବା ପରେ ଲୋକଙ୍କୁ ଶାନ୍ତ କରିବାକୁ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍‌ ଚନ୍ଦ୍ରବାବୁ ନାଇଡୁଙ୍କୁ ହସ୍ତକ୍ଷେପ କରିବାକୁ ପଡ଼ିଥିଲା।

ଏହି ଘଟଣାର ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହେବା ପରେ ଏହାକୁ ନେଇ ରାଜନୈତିକ ଝଡ଼ ସୃଷ୍ଟି ହୋଇଛି।Advertisment ଆହୁରି ପଢନ୍ତୁ: Indian: ଭାରତୀୟ ଧନୀ ବିଦେଶମୁହାଁ: ବିଦେଶରେ ରହୁଛନ୍ତି ୧୫୬ ଜଣ, ଆମେରିକାରେ ସର୍ବାଧିକ ୯୦ ଜଣ କଂଗ୍ରେସ ପାର୍ଟି ଦାବି କରିଛି ଯେ, ଚାକିରି ମିଳୁନଥିବାରୁ ଜନସାଧାରଣଙ୍କ ମଧ୍ୟରେ ଏପରି କ୍ରୋଧ ଦେଖିବାକୁ ମିଳିଛି।

ତେବେ ଖୋଦ୍‌ ନିର୍ମଳା ସୀତାରମଣ ଓ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ କଂ‌ଗ୍ରେସର ଦାବିଗୁଡ଼ିକୁ ଖାରଜ କରିଛନ୍ତି।

ନାଇଡୁ କହିଛନ୍ତି ଯେ, ଅର୍ଥମନ୍ତ୍ରୀଙ୍କୁ ନିକଟରୁ ପାଇ ରାୟଲସୀମାର ଲୋକ ଉତ୍ସାହିତ ଥିଲେ ଓ ଏହା ଲୋକଙ୍କ ମଧ୍ୟରେ ଉତ୍ସାହର ପ୍ରତିଫଳନ ଥିଲା।ସୂଚନାଯୋଗ୍ୟ, ଅକ୍ଟୋବର ୨ ତାରିଖରେ ମଦନପାଲିରେ ଅନୁଷ୍ଠିତ ଏକ କାର୍ଯ୍ୟକ୍ରମର ଭିଡିଓ କ୍ଲିପ୍ ପ୍ରସାରଣ ହୋଇଥିଲା ଯେଉଁଥିରେ ସୀତାରମଣ ଏକ କୃଷି ପ୍ରକଳ୍ପ ବିଷୟରେ କହୁଥିଲେ।

ଭିଡିଓ ଦେଖିବାକୁ ମିଳିଛି ଯେ, ସୀତାରମଣ ଭାଷଣ ଦେଉଥିବାବେଳେ ଲୋକଙ୍କ ହୋହଲ୍ଲା ଯୋଗୁ ତାଙ୍କ ଭାଷଣ ବାଧାପ୍ରାପ୍ତ ହୋଇଥିଲା।

ସେ ଲୋକଙ୍କୁ ଶାନ୍ତ କରିବାକୁ ଚେଷ୍ଟା କରୁଥିବା ଓ ଦୟାକରି ଗୋଟିଏ ମିନିଟ୍ ପାଇଁ ମୋର କଥା ଶୁଣନ୍ତୁ ବୋଲି ସଭାକୁ ବାରମ୍ବାର କହୁଥିବା ଶୁଣିବାକୁ ମିଳିଥିଲା।

ନାଇଡୁ ମଧ୍ୟ ହସ୍ତକ୍ଷେପ କରି ଲୋକଙ୍କୁ ଶାନ୍ତ ହେବାକୁ କହିଥିଲେ।

ନାଇଡୁଙ୍କ ହସ୍ତକ୍ଷେପ ପରେ ସୀତାରମଣ ତାଙ୍କ ଭାଷଣ ସମାପ୍ତ କରିଥିଲେ।

ଆହୁରି ପଢନ୍ତୁ: 70th State-Level Schoo ୭୦ତମ ରାଜ୍ୟସ୍ତରୀୟ ବିଦ୍ୟାଳୟସମୂହ ରଗବୀ ଓ ସାଇକ୍ଲିଂ ଚାମ୍ପିଅନସିପ୍ ଭିଡିଓଟି ସେୟାର କରିଥିବା କିଛି ଲୋକ ଦାବି କରିଛନ୍ତି ଯେ, ଦର୍ଶକଙ୍କ ମଧ୍ୟରୁ ଚାକିରି ଦାବି କରୁଥିବା ଲୋକଙ୍କ ଦ୍ୱାରା ଏହି ବିଭ୍ରାଟ ଘଟିଛି।

କଂଗ୍ରେସ ନେତା ତଥା ରାଜ୍ୟସଭା ସାଂସଦ ଜୟରାମ ରମେଶ କ୍ଲିପ୍ ସେୟାର କରି ଏହି ଦୃଶ୍ୟକୁ ଜନସାଧାରଣଙ୍କ କ୍ରୋଧର ପ୍ରତିଫଳନ ବୋଲି ବର୍ଣ୍ଣନା କରିଛନ୍ତି।

ରମେଶଙ୍କ କଥାକୁ ଚନ୍ଦ୍ରବାବୁ ନାଇଡୁ, ସୀତାରମଣ, ଟିଡିପି ନେତା ନାରା ଲୋକେଶ ଓ ବିଜେପି ନେତାମାନେ ପ୍ରତ୍ୟାଖ୍ୟାନ କରିଛନ୍ତି।

ଅର୍ଥମନ୍ତ୍ରୀ କହିଥିଲେ ଯେ, କଂଗ୍ରେସ ନେତା ରମେଶ ଏତେ ଶୀଘ୍ର ଏପରି ଏକ ନିଷ୍କର୍ଷରେ ପହଞ୍ଚିବା "ଅବିଶ୍ୱସନୀୟ"।

ଚନ୍ଦ୍ରବାବୁ ନାଇଡୁ ରମେଶଙ୍କ ଉପରେ ସମାବେଶର ମନୋଭାବକୁ ଭୁଲ ଭାବରେ ବୁଝିବାର ଅଭିଯୋଗ କରିଛନ୍ତି।

ଆନ୍ଧ୍ର ପ୍ରଦେଶ ବିଜେପି ସଭାପତି ପିଭିଏନ ମାଧବ କଂଗ୍ରେସକୁ ସମାଲୋଚନା କରି କହିଛନ୍ତି ଯେ, କାର୍ଯ୍ୟକ୍ରମରେ କ''''ଣ ଘଟିଥିଲା ​​ତାହା ଯାଞ୍ଚ ନକରି ଏକ ଭିଡିଓ କ୍ଲିପ୍‌ରୁ ରାଜନୈତିକ ନିଷ୍କର୍ଷ ବାହାର କରାଯାଉଛି।

"