ଏଇ ଭାରତରେ
ଏବେ ଦେଶରେ ବର୍ଜ୍ୟ ପରିଚାଳନା ପାଇଁ ଅନେକ ବ୍ୟକ୍ତି ଓ ସଂସ୍ଥା ଚେଷ୍ଟା କରୁଛନ୍ତି। ଏହି କ୍ରମରେ ହରିୟାଣା ବୁଦ୍ଧ କଲେଜ ଫ୍ୟାଶନ ଛାତ୍ରୀଛାତ୍ରଙ୍କ ଉଦ୍ୟମ ପ୍ରଶଂସନୀୟ। ସେମାନେ ଅଦରକାରୀ କନାରୁ ଆକର୍ଷଣୀୟ ବେଡ୍ଶିଟ ତିଆରି କରୁଛନ୍ତି । ପ୍ରାରମ୍ଭିକ ପର୍ଯ୍ୟାୟରେ ବର୍ଜ୍ୟ କନା ବା ପୋଷାକରୁ ପ୍ୟାଚ୍ଓ୍ବାର୍କ ଡିଜାଇନ ସୃଷ୍ଟି କରିବା ଲାଗି ସେମାନଙ୍କୁ କଲେଜ ତରଫରୁ ଦାୟିତ୍ୱ ଦିଆଯାଇଥିଲା ଏବଂ ପ୍ରତ୍ୟେକ ସ୍ତରରେ ସେମାନଙ୍କୁ ଉତ୍ସାହିତ କରାଯାଇଥିଲା। ଫଳରେ ଛାତ୍ରୀଛାତ୍ର ଏହା ଉପରେ ଗବେଷଣା ଆରମ୍ଭ କରି ସଫଳ ହୋଇଥିଲେ। ପରେ ସେମାନେ ଅଦରକାରୀ କନା ସଂଗ୍ରହ କରି ସେଥିରେ ନିଜସ୍ବ ହସ୍ତକଳାକୁ ସ୍ଥାନ ଦେଇଛନ୍ତି। ସମସ୍ତେ ପ୍ରସ୍ତୁତ କରୁଥିବା ରଙ୍ଗିନ ତଥା ହସ୍ତକଳା ସମ୍ବଳିତ କନାକୁ ଏକାଠି ସିଲାଇ କରି ବେଡ୍ଶିଟ କରାଯାଉଛି। ଏହା ହେଉଛି ଛାତ୍ରୀଛାତ୍ରଙ୍କ ସୃଜନଶୀଳତା, ଦଳଗତ କାର୍ଯ୍ୟ ଏବଂ ଡିଜାଇନ ସମ୍ପର୍କିତ ଉତ୍କର୍ଷତାର ପରିଚୟ । ଏହି କାର୍ଯ୍ୟ ଦ୍ୱାରା କଲେଜ ପିଲାମାନେ ସେମାନଙ୍କ ହସ୍ତକଳାର ବିଶେଷତା ପ୍ରତିପାଦନ କରିବା ସହ ସେମାନେ ଟେକ୍ସଟାଇଲ ବର୍ଜ୍ୟ ହ୍ରାସ କରିବାର ପଥ ଦେଖାଇଛନ୍ତି। ଗୋଟିଏ ପୂର୍ଣ୍ଣାଙ୍ଗ ବେଡଶିିଟ୍ କରିବା ଲାଗି ସେମାନଙ୍କୁ ୪୮ ଘଣ୍ଟା ସମୟ ଲାଗୁଛି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
