ଗ୍ରାମରେ ପଶିଗଲା ଗୋଠଛଡ଼ା ଦନ୍ତା: ଘର ଭାଙ୍ଗି ଚାଉଳ ଖାଇଲା, ଜଙ୍ଗଲରେ ୩ ହାତୀଙ୍କୁ ନେଇ ଆତଙ୍କ!
ବଣାଇଁ,୧୭।୯(ପ୍ରଦୀପ ତ୍ରିପାଠୀ): ବୁଧବାର ସନ୍ଧ୍ୟାରେ ବଣାଇଁ ବନାଞ୍ଚଳ ଅନ୍ତର୍ଗତ ବଡ଼ପୋଷ ଗ୍ରାମରେ ଏକ ଗୋଠଛଡା ଦନ୍ତା ହଠାତ୍ ଘରେ ପଶି ଯାଇଥିଲା । ଖାଦ୍ୟ ଅନ୍ୱେଷଣରେ ଘୂରିବୁଲୁଥିବା ହାତୀକୁ ଦେଖି ଲୋକେ ହାତ ଯୋଡି ଚାଲିଯା କହି ଚିତ୍କାର କରିଥିଲେ । ପରେ ଦନ୍ତା ବଡପୋଷ ଗ୍ରାମର କ୍ଷେତ୍ର କିଷାନଙ୍କ ଘର ଭାଙ୍ଗି ଚାଉଳ ଖାଇବା ପରେ ନିକଟସ୍ଥ ଗୋଗୁଆ ଜଙ୍ଗଲ ପଟକୁ ଯାଇଥିଲା ।
ସେଠାରେ ରାତି ମଧ୍ୟରେ ଆଉ ଦୁଇଟି ହାତୀ ପହଞ୍ଚିଥିବା ନେଇ ବନ ବିଭାଗ ଟ୍ରାକିଂରୁ ଜଣାପଡିଛି । ଏବେ ସମ୍ପୃକ୍ତ ଜଙ୍ଗଲ ରେ ତିନୋଟି ହାତୀ ରହିଥିବା ବେଳେ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ବନବିଭାଗ ପକ୍ଷରୁ ଲୋକେସନ ଓ ଟ୍ରାକିଂ ଜାରି ରହିଥିବା ସୂଚନା ଦିଆଯାଇଛି । ଖୁବ ଶୀଘ୍ର ଅନ୍ୟତ୍ର ଘଉଡାଇବା ବ୍ୟବସ୍ଥା କରାଯାଉଛି ବୋଲି ବଣାଇଁ ବନାଞ୍ଚଳ ଅଧିକାରୀ ଦେବାଶିଷ ନାଏକ କହିଛନ୍ତି ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
