ଦୁଇ ବର୍ଷର ବ୍ୟବଧାନ ପରେ ଭାରତ ଓ ବାଂଲାଦେଶ ମଧ୍ୟରେ ପ୍ରତିଷ୍ଠା ହେବାକୁ ଯାଉଛି
ନନ୍ଦିଘୋଷ ବ୍ୟୁରୋ : ଦୁଇ ବର୍ଷର ବ୍ୟବଧାନ ପରେ ଭାରତ ଓ ବାଂଲାଦେଶ ମଧ୍ୟରେ ପ୍ରତିଷ୍ଠା ହେବାକୁ ଯାଉଛି ସୁସମ୍ପର୍କ। ଆଜିଠାରୁ ବାଂଲାଦେଶୀଙ୍କ ଲାଗି ଟୁରିଷ୍ଟ ଭିସା ବ୍ୟବସ୍ଥା କରିବ ଭାରତ। ୫ଟି ଭିସା କେନ୍ଦ୍ର ଜରିଆରେ ପ୍ରଦାନ କରାଯିବ ଭିସା। ୨୦୨୪ରେ ବାଂଲାଦେଶରେ ଭାରତୀୟ କୂଟନିତିଜ୍ଞଙ୍କ ଉପରେ ଆକ୍ରମଣ ପରଠାରୁ ଭିସା ସେବା ବନ୍ଦ କରିଥିଲା ଭାରତ। ଭାରତର ଏହି ନିଷ୍ପତ୍ତି ଯୋଗୁ ଦୁଇ ଦେଶର ଲୋକଙ୍କ ମଧ୍ୟରେ ସମ୍ପର୍କ ଘନିଷ୍ଠ ହେବ। ଭିସା ସମ୍ପର୍କରେ ଭାରତର ନିଷ୍ପତ୍ତି ନେଇ ଘୋଷଣା କରିଥିଲେ ବାଂଲାଦେଶସ୍ଥିତ ଭାରତୀୟ ଉଚ୍ଚାୟୁକ୍ତ ଦିନେଶ ତ୍ରିବେଦୀ। ଏହା ସହ ମାନବିକତା ଦୃଷ୍ଟିକୋଣରୁ ବାଂଲାଦେଶୀଙ୍କ ଲାଗି ମେଡିକାଲ ଭିସା ଓ ଅନ୍ୟାନ୍ୟ ଜରୁରୀ ଭିସା ପ୍ରଦାନ କରାଯିବ ବୋଲି ସେ କହିଥିଲେ। ଢାକା, ରାଜସାହି, ଚିଟ୍ଟାଗଙ୍ଗ, ସିଥେଟ ଓ ଖୁଲନାରେ ଏହି ଭିସା କେନ୍ଦ୍ର ଖୋଲିବ। ପରବର୍ତ୍ତୀ ସମୟରେ ଏହି ଭିସା କେନ୍ଦ୍ର ଅଧିକ ସ୍ଥାନରେ ଖୋଲିବ। ଗତ ୨୦୨୪ ଅଗଷ୍ଟ ୫ରେ ଢାକାସ୍ଥିତ ଇନ୍ଦିରା ଗାନ୍ଧି କଲଚରାଲ ସେଣ୍ଟର ଉପରେ ଆକ୍ରମଣ ହେବା ସହ ତାହାକୁ ଜାଳି ଦିଆଯାଇଥିଲା। ଏହା ସହ ବାଂଲାଦେଶରେ ମୋଟ ୫ଟି କେନ୍ଦ୍ର ଉପରେ ଆକ୍ରମଣ ହେବା ପରେ ଭିସା ସେବା ବନ୍ଦ ହୋଇଥିଲା
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
