ଦୁର୍ଦ୍ଦିନରେ ବନ୍ୟା ବିପନ୍ନ
ନନ୍ଦିଘୋଷ ବ୍ୟୁରୋ : ଲଗାଣ ବର୍ଷା ଯୋଗୁଁ ବନ୍ୟା ପରିସ୍ଥିତି ଦୁର୍ଦ୍ଦଶାକୁ ଆହୁରି ବଢ଼ାଇ ଦେଇଛି। ବନ୍ୟା ପାଣି କମୁଥିଲେ ମଧ୍ୟ ଭଦ୍ରକ ଜିଲ୍ଲା ବାସୁଦେବପୁର ବ୍ଲକର ଶହ ଶହ ପରିବାର ଏବେ ବି ଜଳବନ୍ଦୀ ଅବସ୍ଥାରେ ରହିଛନ୍ତି। ଅତ୍ୟାବଶ୍ୟକ ସାମଗ୍ରୀ ଆଣିବା ପାଇଁ ଲୋକଙ୍କୁ ପ୍ରାୟ ଦୁଇ କିଲୋମିଟର ପାଣିରେ ପଶି ଯିବାକୁ ପଡ଼ୁଛି। ବାସୁଦେବପୁର ବ୍ଲକର ଜଗନ୍ନାଥପ୍ରସାଦ, ଲୁଙ୍ଗାର ମଉଜୁଡି, ସୁଦର୍ଶନପୁର, ବରଣ୍ଡୁଆ ଓ ଜଗନ୍ନାଥପୁର ପଞ୍ଚାୟତ ବନ୍ୟାରେ ଅଧିକ କ୍ଷତିଗ୍ରସ୍ତ ହୋଇଛି। ଜଗନ୍ନାଥପ୍ରସାଦ ପଞ୍ଚାୟତର ବନ୍ଧ ସାହି, ପାଳ, ସୁନାମୁହିଁ, ଡାଙ୍ଗମାଳ ଓ ଦାସଡିହ ଗାଁ ଏବେ ବି ପାଣି ଘେରରେ ରହିଛି।
ବନ୍ୟା ପାଣି ଭିତରେ ବିଷାକ୍ତ ସାପଙ୍କ ଭୟ ଥିବାବେଳେ ମନ୍ତେଇ ନଦୀରେ କୁମ୍ଭୀର ଆତଙ୍କ ମଧ୍ୟ ଲୋକଙ୍କ ଚିନ୍ତା ବଢ଼ାଇଛି। ଯାତାୟାତ ପାଇଁ ଅନ୍ୟ କୌଣସି ସୁବିଧା ନଥିବାରୁ ଲୋକେ ହାତ ତିଆରି ଭେଳାର ସାହାଯ୍ୟ ନେଉଛନ୍ତି। ଏଭଳି ସ୍ଥିତିରେ ସରକାରଙ୍କ ବିଭିନ୍ନ ଯୋଜନା ଓ ସହାୟତା ଯଥାର୍ଥ ଭାବେ ଲୋକଙ୍କ ନିକଟରେ ପହଞ୍ଚୁନଥିବା ଅଭିଯୋଗ ହୋଇଛି। ଜଳବନ୍ଦୀ ପରିବାରଙ୍କ ଦୁର୍ଦ୍ଦଶା ଦୂର କରିବା ସହ ତୁରନ୍ତ ରିଲିଫ୍ ଓ ଯାତାୟାତ ବ୍ୟବସ୍ଥା କରିବାକୁ ଦାବି ହେଉଛି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
