ନାନା ପାଟେକରଙ୍କ ପତ୍ନୀ କିଏ? ଛାଡ଼ପତ୍ର ନ ନେଇ ୩୫ ବର୍ଷ ଧରି ଅଲଗା ରହିବାର କାରଣ କହିଥିଲେ…

ମୁମ୍ବାଇ,୮।୧୦: ବଲିଉଡର ବରିଷ୍ଠ ଅଭିନେତା ନାନା ପାଟେକର ୭୫ ବର୍ଷ ବୟସରେ ପରଲୋକ ଗମନ କରିଛନ୍ତି। ୮ ଅକ୍ଟୋବର ୨୦୨୬ରେ ଗୋଆସ୍ଥିତ ତାଙ୍କ ବାସଭବନରେ ତାଙ୍କୁ ହୃଦଘାତ (କାର୍ଡିଆକ ଆରେଷ୍ଟ) ହୋଇଥିଲା; ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲେ ମଧ୍ୟ ଡାକ୍ତରମାନେ ତାଙ୍କୁ ବଞ୍ଚାଇବାରେ ସଫଳ ହୋଇପାରିନଥିଲେ। ତାଙ୍କ ବିୟୋଗ ଖବର ଚଳଚ୍ଚିତ୍ର ଜଗତରେ ଶୋକର ଛାୟା ଖେଳାଇ ଦେଇଛି।
ନାନା ପାଟେକର ତାଙ୍କର ଦମଦାର ଅଭିନୟ, ଦମଦାର ଡାଏଲଗ ଏବଂ ସ୍ପଷ୍ଟବାଦୀ ସ୍ବଭାବ ପାଇଁ ଜଣାଶୁଣା ଥିଲେ। ସେ ପରଦାରେ ଅନେକ ସ୍ମରଣୀୟ ଚରିତ୍ର ରୂପାୟନ କରିଥିବା ବେଳେ, ତାଙ୍କ ବ୍ୟକ୍ତିଗତ ଜୀବନ ମଧ୍ୟ ବାରମ୍ବାର ଚର୍ଚ୍ଚାର ବିଷୟ ପାଲଟିଥିଲା। ବିଶେଷକରି ତାଙ୍କ ପତ୍ନୀ ନୀଳକାନ୍ତି ପାଟେକରଙ୍କ ସହ ତାଙ୍କ ସମ୍ପର୍କ ସର୍ବଦା ଜନସାଧାରଣଙ୍କ ଆଗ୍ରହର ବିଷୟ ହୋଇ ରହିଥିଲା।
ନାନା ୧୯୭୮ ମସିହାରେ ନୀଳକାନ୍ତି ପାଟେକରଙ୍କୁ ବିବାହ କରିଥିଲେ; ତେବେ ପରବର୍ତ୍ତୀ ସମୟରେ ଉଭୟ ଅଲଗା ହୋଇଯାଇଥିଲେ କିନ୍ତୁ ସେମାନଙ୍କର ଆନୁଷ୍ଠାନିକ ଛାଡ଼ପତ୍ର (ଡିଭୋର୍ସ) ହୋଇନଥିଲା। ସେମାନଙ୍କ ସ୍ବଭାବ ଓ ଦୃଷ୍ଟିକୋଣ ମଧ୍ୟରେ ବହୁତ ପାର୍ଥକ୍ୟ ଥିବାରୁ ସେମାନେ ଅଲଗା ରହିବାକୁ ନିଷ୍ପତ୍ତି ନେଇଥିଲେଯାହା ବିଷୟରେ ଖୋଦ ଅଭିନେତା ନିଜେ ପ୍ରକାଶ କରିଥିଲେ।
ଉଲ୍ଲେଖନୀୟ ଯେ, ନୀଳକାନ୍ତି ୧୯୬୬ ମସିହାରେ ଜଣେ ଶିଶୁ କଳାକାର ଭାବରେ ନିଜର ଅଭିନୟ ଜୀବନ ଆରମ୍ଭ କରିଥିଲେ ଏବଂ ଏକ ଜାତୀୟ ପୁରସ୍କାର ମଧ୍ୟ ଜିତିଥିଲେ। ଜଣେ ମରାଠୀ ଅଭିନେତ୍ରୀ ଓ ଲେଖିକା ଭାବରେ ନିଜକୁ ପ୍ରତିଷ୍ଠିତ କରିବା ପୂର୍ବରୁ ସେ ପ୍ରାରମ୍ଭିକ ସମୟରେ ଜଣେ ବ୍ୟାଙ୍କ ଅଧିକାରୀ ଭାବରେ କାର୍ଯ୍ୟ କରୁଥିଲେ।