ଭୁଲରେ ବି ଏହି ଲୋକ ରଖନ୍ତୁନି ଜନ୍ମାଷ୍ଟମୀ ବ୍ରତ? ଉପବାସ ପୂର୍ବରୁ ଜାଣନ୍ତୁ ଜରୁରୀ କଥା…
ବୈଦିକ ପଞ୍ଜିକା ଅନୁଯାୟୀ, ସେପ୍ଟେମ୍ୱର ୪ ତାରିଖରେ ଦେଶବ୍ୟାପୀ ଉତ୍ସାହର ସହ ଜନ୍ମାଷ୍ଟମୀ (Janmashtami 2026) ପର୍ୱ ପାଳିତ ହେବ। ଏହି ଦିନ ଭଗବାନ ଶ୍ରୀକୃଷ୍ଣଙ୍କ ପୂଜା-ଆରାଧନା ପାଇଁ ଅତ୍ୟନ୍ତ ଶୁଭ ବୋଲି ମନେ କରାଯାଏ। ଏହି ଅବସରରେ ସାରା ଦେଶର ମନ୍ଦିରଗୁଡ଼ିକରେ ଏକ ସୱତନ୍ତ୍ର ରୌନକ ଦେଖିବାକୁ ମିଳିଥାଏ।
ଧାର୍ମିକ ବିଶ୍ୱାସ ଅନୁସାରେ, ଏହି ବ୍ରତକୁ ବିଧିପୂର୍ୱକ ପାଳନ କଲେ ଭଗବାନ ଶ୍ରୀକୃଷ୍ଣଙ୍କ କୃପାରୁ ଜୀବନରେ ସୁଖ-ଶାନ୍ତି ବଜାୟ ରହେ ଏବଂ ଶୁଭ ଫଳ ପ୍ରାପ୍ତ ହୋଇଥାଏ। ବ୍ରତର ସମ୍ପୂର୍ଣ୍ଣ ଫଳ ସେତେବେଳେ ମିଳିଥାଏ, ଯେତେବେଳେ ଏହାକୁ ସଠିକ ନିୟମାନୁସାରେ ପାଳନ କରାଯାଏ। ଶାସ୍ତ୍ରରେ ଏହି ବ୍ରତ ପାଳନର ନିୟମାବଳୀ ସମ୍ପର୍କରେ ଉଲ୍ଲେଖ ରହିଛି। ବିଶ୍ୱାସ ରହିଛି ଯେ କିଛି ର୍ନିଦ୍ଦିଷ୍ଟ ଲୋକଙ୍କୁ ଜନ୍ମାଷ୍ଟମୀ ବ୍ରତ ରଖିବା ଉଚିତ ନୁହେଁ। ତେବେ ଆସନ୍ତୁ ଜାଣିବା, କେଉଁମାନେ ଭୁଲରେ ମଧ୍ୟ ଜନ୍ମାଷ୍ଟମୀ ବ୍ରତ ପାଳନ କରିବା ଅନୁଚିତ।
କେଉଁ ଲୋକମାନେ ଜନ୍ମାଷ୍ଟମୀ ବ୍ରତ ପାଳନ କରିବା ଉଚିତ ନୁହେଁ?
ବୟସ୍କ ବ୍ୟକ୍ତି: ବୟସାଧିକ ତଥା ବୃଦ୍ଧ ଲୋକମାନେ ଜନ୍ମାଷ୍ଟମୀ ବ୍ରତ ପାଳନ କରିବା ଅନୁଚିତ, କାରଣ ସେମାନଙ୍କର ଶାରୀରିକ ସ୍ଥିତି ଦୁର୍ୱଳ ଥାଇପାରେ। ଏପରି ସ୍ଥିତିରେ ଉପବାସ ରହିଲେ ସୱାସ୍ଥ୍ୟ ଉପରେ ଖରାପ ପ୍ରଭାବ ପଡ଼ିପାରେ।
ଗର୍ଭବତୀ ମହିଳା: ଏହା ବ୍ୟତୀତ ଗର୍ଭବତୀ ମହିଳାମାନଙ୍କୁ ମଧ୍ୟ ଜନ୍ମାଷ୍ଟମୀ ବ୍ରତ ନ ରଖିବାକୁ ପରାମର୍ଶ ଦିଆଯାଏ। ଯଦି କୌଣସି ଗର୍ଭବତୀ ମହିଳା ଏହି ବ୍ରତ ପାଳନ୍ତି, ତେବେ ଏହା ତାଙ୍କ ସୱାସ୍ଥ୍ୟ ଏବଂ ଗର୍ଭସ୍ଥ ଶିଶୁ ପାଇଁ କ୍ଷତିକାରକ ହୋଇପାରେ। ଏପରି ପରିସ୍ଥିତିରେ ଆପଣ ବ୍ରତ ନ ରଖି କେବଳ ଭଗବାନ ଶ୍ରୀକୃଷ୍ଣଙ୍କ ପୂଜାର୍ଚ୍ଚନା କରିପାରିବେ।
ଗମ୍ଭୀର ରୋଗରେ ପୀଡ଼ିତ ବ୍ୟକ୍ତି: ଯେଉଁମାନେ କୌଣସି ଗମ୍ଭୀର ରୋଗର ଶିକାର ହୋଇଛନ୍ତି, ସେମାନେ ମଧ୍ୟ ଜନ୍ମାଷ୍ଟମୀ ବ୍ରତ ରଖିବା ଅନୁଚିତ୍। ଏହି ଅବସ୍ଥାରେ ଉପବାସ କଲେ ସୱାସ୍ଥ୍ୟ ଅବସ୍ଥା ବିଗିଡ଼ିପାରେ ଏବଂ ଆପଣ ବଡ଼ ସମସ୍ୟାର ସମ୍ମୁଖୀନ ହୋଇପାରନ୍ତି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
