ମହାନଦୀକୁ ଗାଧୋଇବାକୁ ଯାଇଥିଲେ ୩ ଯୁବକ, ହଠାତ୍ ଗଲେ ଭାସି: ଆଉ ତା’ପରେ…
ବାଙ୍କୀ,୧୪।୯(ଶୁଭେନ୍ଦୁ ମହାପାତ୍ର): ବାଙ୍କୀ ଥାନା ଅନ୍ତର୍ଗତ ସୁବର୍ଣ୍ଣପୁର ପଞ୍ଚାୟତସ୍ଥିତ ଘୋଡାବର ଗ୍ରାମ ନିକଟସ୍ଥ ମହାନଦୀରେ ଗାଧୋଇବାକୁ ଯାଇ ୩ ଜଣ ଯୁବକ ଭାସି ଯାଇଥିବା ବେଳେ ଦୁଇଜଣ ଉଦ୍ଧାର ହୋଇଥିବାବେଳେ ଜଣେ ନିଖୋଜ ଅଛନ୍ତି।
ସୂଚନା ଥାଉ କି ,କଟକ ଚାଉଳିଆଗଞ୍ଜ ଅଞ୍ଚଳର ୩ ଜଣ ଯୁବକ ରବିବାର ଦିନ ଅପରାହ୍ନ ୪ ଟା ସମୟରେ ମହାନଦୀକୁ ଗାଧୋଇ ମଜା ନେଉଥିବାବେଳେ ଭାସି ଯାଇଥିଲେ। ତାଙ୍କ ମଧ୍ୟରୁ ସିନ୍ଧୁଜ୍ୟୋତି ପାତ୍ର ଓ ଲକ୍ଷ୍ମୀଧର ସାହୁ ଉଦ୍ଧାର ହୋଇଥିବା ବେଳେ ତାଙ୍କ ସାଙ୍ଗ ଅମିତ ବିକ୍ରମ ସାହୁ ନିଖୋଜ ହୋଇଯାଇଥିଲେ। ଖବର ପାଇ ସୁବର୍ଣ୍ଣପୁର ବିଟ ହାଉସ ଅଧିକାରୀ ସମ୍ବିତ କୁମାର ସ୍ବାଇଁ ସଦଳବଳେ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରି ଅଗ୍ନିଶମ ବିଭାଗକୁ ଖବର ଦେବାପରେ ଅଗ୍ନିଶ୍ରମ ବାହିନୀ ପହଂଚି ଖୋଜାଖୋଜି ଜାରି ରଖିଥିଲେ ମଧ୍ୟ ଆଜି ସକାଳୁ ଅଗ୍ନିଶମ ବିଭାଗ ଟିମ ନିଖୋଜ ଯୁବକ ଅମିତଙ୍କ ସନ୍ଧାନ ମିଳିପାରିନାହିଁ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
