ମହିଳା ସୁରକ୍ଷା ଅଭିଯାନରେ ଲଭ୍ଲୀନା
ନୂଆଦିଲ୍ଲୀ: ଦିଲ୍ଲୀ ପୁଲିସର ମହିଳା ସୁରକ୍ଷା ଅଭିଯାନରେ ଏସୀୟ କ୍ରୀଡ଼ା ସ୍ୱର୍ଣ୍ଣ ବିଜୟିନୀ ଭାରତୀୟ ମୁଷ୍ଟିଯୋଦ୍ଧା ଲଭ୍ଲୀନା ବଡ଼ଗୋହାଇଁ ସାମିଲ ହୋଇଛନ୍ତି। ସୋମବାର ରାଜୌରୀ ଗାର୍ଡେନ ମାର୍କେଟ ଅଞ୍ଚଳରେ ସେ ମହିଳା ପୁଲିସ କର୍ମଚାରୀଙ୍କ ସହ ପାଟ୍ରୋଲିଂ କରିଛନ୍ତି। ଏହି ଅବସରରେ ଲଭ୍ଲୀନା କହିଛନ୍ତି, ‘‘ମହିଳାଙ୍କ ସୁରକ୍ଷା ପାଇଁ ଦିଲ୍ଲୀ ପୁଲିସର ଏହି ପଦକ୍ଷେପ ପ୍ରଶଂସନୀୟ। ଏଭଳି ଅଭିଯାନ ମହିଳାଙ୍କ ଆତ୍ମବିଶ୍ୱାସ ବଢ଼ାଇବ।
ସେମାନେ ଭୟ ନକରି ସ୍ୱାଧୀନ ଭାବେ ଚଳାଚଳ କରିପାରିବେ। ମହିଳା ସୁରକ୍ଷାକୁ ସବୁ ଦିଗରୁ ଗୁରୁତ୍ୱ ଦିଆଗଲେ ଏହାର ସକାରାତ୍ମକ ପ୍ରଭାବ ପଡ଼ିବ’’। ମହିଳା ସଶକ୍ତୀକରଣରେ ମହିଳା କ୍ରୀଡ଼ାବିତ୍ଙ୍କ ମଧ୍ୟ ଭୂମିକା ରହିଛି ବୋଲି ଲଭ୍ଲୀନା କହିଥିଲେ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DINALIPI ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DINALIPI ଦେଖନ୍ତୁ।
