ରୋଚକ ଘଟଣା: ଟିମ ଇଣ୍ଡିଆଠାରୁ ଛଡ଼ାଇ ନିଆଗଲା ଡ୍ରେସିଂ ରୁମ! ଆଫଗାନିସ୍ତାନ ସିରିଜରେ ବଡ଼ ପରିବର୍ତ୍ତନ
ନୂଆଦିଲ୍ଲୀ,୧୧।୯: ଭାରତ ଓ ଆଫଗାନିସ୍ତାନ ମଧ୍ୟରେ ୩ ମ୍ୟାଚର T20 ସିରିଜ ଆସନ୍ତା ସେପ୍ଟେମ୍ବର ୧୩ରୁ ଆରମ୍ଭ ହେବ। ସିରିଜର ସମସ୍ତ ମ୍ୟାଚ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ। ତେବେ ସିରିଜ ଆରମ୍ଭ ପୂର୍ବରୁ ସାମ୍ନାକୁ ଆସିଛି ଏକ ରୋଚକ ଅପଡେଟ୍। ଭାରତୀୟ ଦଳକୁ ନିଜ ଘରୋଇ ଡ୍ରେସିଂ ରୁମ ଛାଡ଼ି ଅନ୍ୟ ଡ୍ରେସିଂ ରୁମ ବ୍ୟବହାର କରିବାକୁ ପଡ଼ିବ।
ଏହାର କାରଣ ହେଉଛି, ମ୍ୟାଚ ଭାରତରେ ଖେଳାଯାଉଥିଲେ ମଧ୍ୟ ଏହି T20 ସିରିଜର ଆୟୋଜକ ଦଳ ହେଉଛି ଆଫଗାନିସ୍ତାନ। ତେଣୁ ହୋମ-ଆୱେ ପ୍ରୋଟୋକଲ ଅନୁସାରେ ଆଫଗାନିସ୍ତାନକୁ ଘରୋଇ ଦଳର ଡ୍ରେସିଂ ରୁମ ମିଳିବ ଏବଂ ଟିମ ଇଣ୍ଡିଆ ଅତିଥି ଦଳର ଡ୍ରେସିଂ ରୁମ ବ୍ୟବହାର କରିବ।
ରିପୋର୍ଟ ଅନୁସାରେ, ଆଫଗାନିସ୍ତାନ ଦଳ ପୂର୍ବତନ ଭାରତୀୟ କ୍ରିକେଟର୍ ରମନ ଲାମ୍ବାଙ୍କ ନାମରେ ନାମିତ ଘରୋଇ ଦଳର ଡ୍ରେସିଂ ରୁମ ବ୍ୟବହାର କରିବ। ଅନ୍ୟପଟେ ଟିମ ଇଣ୍ଡିଆ ପୂର୍ବତନ ଭାରତୀୟ କ୍ରିକେଟର୍ ପ୍ରକାଶ ଭଣ୍ଡାରୀଙ୍କ ନାମରେ ନାମିତ ଅତିଥି ଦଳର ଡ୍ରେସିଂ ରୁମରେ ରହିବ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
