ଷ୍ଟିଫେନ୍ଙ୍କୁ ଚିଫ୍ ଅଫ୍ ଷ୍ଟାଫ୍ ଦାୟିତ୍ୱ ଦେଲେ ଟ୍ରମ୍ପ୍
ଓ୍ବାଶିଂଟନ, ୮ା୧୧: ମଧ୍ୟବର୍ତ୍ତୀ ନିର୍ବାଚନରେ ବଡ଼ ପରାଜୟ ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ନିଜର ଆଭିମୁଖ୍ୟକୁ ଅଧିକ ଆକ୍ରମଣାତ୍ମକ କରି ହ୍ବାଇଟ ହାଉସର ନୂଆ ‘ଚିଫ୍ ଅଫ୍ ଷ୍ଟାଫ୍’ ଭାବେ କଠୋରପନ୍ଥୀ ଷ୍ଟିଫେନ୍ ମିଲରଙ୍କ ନାମ ଘୋଷଣା କରିଛନ୍ତି। ‘ଆମେରିକା ଫାଷ୍ଟ’ ନୀତିର ମୁଖ୍ୟ ସୂତ୍ରଧର ମିଲରଙ୍କ ଏହି ପଦୋନ୍ନତି ସ୍ପଷ୍ଟ ସଙ୍କେତ ଦେଉଛି ଯେ ଟ୍ରମ୍ପ୍ ପ୍ରଶାସନ ଆଗାମୀ ୨ ବର୍ଷରେ ଡେମୋକ୍ରାଟ-ନିୟନ୍ତ୍ରିତ କଂଗ୍ରେସ ସହ କୌଣସି ଆପୋସ ବୁଝାମଣା ନ କରି କାର୍ଯ୍ୟପାଳିକା ନିଷ୍ପତ୍ତି ମାଧ୍ୟମରେ ଅନୁପ୍ରବେଶ ଓ ଇମିଗ୍ରେସନ ନିୟମକୁ ଅତି କଠୋର କରିବାକୁ ଯାଉଛି।
ନିଯୁକ୍ତି ଆମେରିକାରେ ଚାକିରି କରୁଥିବା ଅନେକ ହଜାର ଭାରତୀୟ ପେସାଦାର ଏବଂ ଆଇଟି କମ୍ପାନୀଗୁଡ଼ିକର ନିଦ ହଜାଇ ଦେଇଛି। କାରଣ ଆମେରିକାର ସମୁଦାୟ ଏଚ୍-୧ବି ଭିଜାଧାରୀଙ୍କ ମଧ୍ୟରେ ପ୍ରାୟ ୭୦% ଭାରତୀୟ। ପୂର୍ବରୁ ଏଚ୍-୧ବି ଭିଜା ଉପରେ କଟକଣା ଲାଗିଥିବା ବେଳେ ଆମେରିକୀୟ ଶ୍ରମିକଙ୍କୁ ପ୍ରାଥମିକତା ଦେଉଥିବା ମିଲରଙ୍କ ଆଗମନ ଯୋଗୁ ଆଗକୁ ଭିଜା ପ୍ରକ୍ରିୟା ଏବଂ ନିଯୁକ୍ତି କ୍ଷେତ୍ରରେ ଆହୁରି ବଡ଼ ପ୍ରତିବନ୍ଧକ ସୃଷ୍ଟି ହେବାର ଆଶଙ୍କା ଜୋର୍ ଧରିଛି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
