୩୦ ତାରିଖରେ ନୁହେଁ ଆଜି ଆସିବ ସାଲାରୀ ଟଙ୍କା, ସରକାରୀ କର୍ମଚାରୀଙ୍କ ପାଇଁ ବଡ଼ ଘୋଷଣା କଲେ ସରକାର
ନୂଆଦିଲ୍ଲୀ,୨୫।୯: ସରକାରୀ କର୍ମଚାରୀଙ୍କ ପାଇଁ ସେପ୍ଟେମ୍ୱର ମାସ ଦୁଇଗୁଣ ଖୁସି ନେଇ ଆସିଛି। ସାଧାରଣତଃ ମାସର ଶେଷ ତାରିଖ ଅର୍ଥାତ ୩୦ କିମ୍ୱା ୩୧ ତାରିଖରେ ମିଳୁଥିବା ଦରମା ଏଥର ୫ ଦିନ ପୂର୍ୱରୁ, ଅର୍ଥାତ ୨୫ ସେପ୍ଟେମ୍ୱରରେ ହିଁ କର୍ମଚାରୀଙ୍କ ବ୍ୟାଙ୍କ ଖାତାରେ ଜମା (କ୍ରେଡିଟ) ହେବାକୁ ଯାଉଛି।
ଏବେ ଆପଣ ଭାବୁଥିବେ ଯେ ସରକାର ହଠାତ ଏତେ ଦୟାଳୁ କିପରି ହୋଇଗଲେ? କୌଣସି ପର୍ୱପର୍ୱାଣି ଅଛି ନା ଅନ୍ୟ କିଛି କାରଣ ରହିଛି? ଆସନ୍ତୁ ଜାଣିବା, ଏହି ଆଗୁଆ ଦରମା ପଛର ପ୍ରକୃତ କାରଣ କ’ଣ।
ଦରମା ଶୀଘ୍ର ଆସିବା ପଛରେ ସରକାରଙ୍କ ଶୁଭେଚ୍ଛା ତ ନିଶ୍ଚୟ ରହିଛି, କିନ୍ତୁ ଏହାର ସବୁଠାରୁ ବଡ଼ କାରଣ ହେଉଛି ବ୍ୟାଙ୍କ ବନ୍ଦ ରହିବା। ବାସ୍ତବରେ, ସେପ୍ଟେମ୍ୱରର ଶେଷ ସପ୍ତାହରେ ବ୍ୟାଙ୍କ ସେବା ବହୁ ମାତ୍ରାରେ ପ୍ରଭାବିତ ହେବାକୁ ଯାଉଛି। ୨୬ ସେପ୍ଟେମ୍ୱର ମାସର ଚତୁର୍ଥ ଶନିବାର ହୋଇଥିବାରୁ ବ୍ୟାଙ୍କଗୁଡ଼ିକ ସରକାରୀ ଭାବେ ଛୁଟି ରହିବ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
