୬୩ ବର୍ଷ ତଳେ ପେଟ୍ରୋଲ ଦର ଥିଲା ୭୨ ପଇସା, ରସିଦ୍ ପ୍ରଦାନ କରି ଅବସରପ୍ରାପ୍ତ ଏସ୍ବିଆଇ ଅଧିକାରୀ କହିଲେ…
କଟକ ସଦର,୨୪ା୮(ସୁଶାନ୍ତ କୁମାର ଜେନା): ବର୍ତ୍ତମାନ ପେଟ୍ରୋଲ ଦର ସ୍ଥାନ ବିଶେଷରେ ୧୧୦ ଟଙ୍କାରେ ପହଞ୍ଚିଲାଣି। ଦର ବଢ଼ିବା ସହିତ ଚାହିଦା ମଧ୍ୟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏନେଇ ବରିଷ୍ଠ ନାଗରିକ ତଥା ଭାରତୀୟ ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆର ଅବସରପ୍ରାପ୍ତ ଅଧିକାରୀ ଭବାନୀ ଶଙ୍କର ରାୟ ସୂଚନା ଦେଇଛନ୍ତି। ୧୯୬୩ରେ ପେଟ୍ରୋଲ ଦରକୁ ନେଇ ଏକ ପୁରୁଣା ରସିଦ ମଧ୍ୟ ପ୍ରଦାନ କରିଛନ୍ତି। ଏଥିରେ ୫ ଲିଟର ପେଟ୍ରୋଲ ଦର ୩ ଟଙ୍କା ୬୦ ପଇସା ଲେଖା ଅଛି। ଅର୍ଥାତ୍ ଲିଟର ୭୨ ପଇସା ଥିଲା। ତଥାପି ଲୋକମାନଙ୍କୁ କିଣିବା ପାଇଁ ବାଧୁଥିଲା। ଏବେ ପେଟ୍ରୋଲ ଦର ଯେତେ ବଢ଼ିଲେ ବି ସୁଦ୍ଧା କିଣିବା କମୁ ନାହିଁ।ବ୍ୟାଟେରି ଗାଡ଼ି ପାଇଁ ପ୍ରୋତ୍ସାହନ ମିଳୁଥିଲେ ସୁଦ୍ଧା ପେଟ୍ରୋଲ ଗାଡ଼ିର ଚାହିଦା ଦିନକୁ ଦିନ ଅନ୍ୟ ଗାଡ଼ି ତୁଳନାରେ ବୃଦ୍ଧି ପାଉଛି ବୋଲି କଟକ ସଦର ବ୍ଲକ ଅନ୍ତର୍ଗତ ରାମଚନ୍ଦ୍ରପୁର ଗ୍ରାମର ଭବାନୀ ଶଙ୍କର ରାୟ କହିଛନ୍ତି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି DHARITRI - ଧରିତ୍ରୀ ଦେଖନ୍ତୁ।
