ଶତକ ହାତଛଡ଼ା ;କିନ୍ତୁ ରୋହିତଙ୍କ ନାମରେ ଐତିହାସିକ ରେକର୍ଡ

ନ୍ୟୁ ଚଣ୍ଡିଗଡ଼: ଭାରତୀୟ କ୍ରିକେଟର ରୋହିତ ଶର୍ମା ଶନିବାର ୱେଷ୍ଟଇଣ୍ଡିଜ୍ ବିପକ୍ଷ ତୃତୀୟ ତଥା ଅନ୍ତିମ ଦିନିକିଆରେ ଆଉ ଏକ ଐତିହାସିକ ମାଇଲଖୁଣ୍ଟ ଛୁଇଁଛନ୍ତି। ଶତକରୁ ମାତ୍ର ୮ ରନ୍ ଦୂରରେ ରହି ୮୫ ବଲ୍‌ରୁ ୯୨ ରନ୍‌ର ଆକର୍ଷଣୀୟ ଇନିଂସ ଖେଳିଥିବା ରୋହିତ ଓପନର ଭାବେ ୧୦,୦୦୦ ଦିନିକିଆ ରନ୍ ପୂରଣ କରିଛନ୍ତି।୧୦,୦୦୦ ରନ୍‌ର ମାଇଲଖୁଣ୍ଟ ପାଇଁ ରୋହିତଙ୍କୁ ଆଉ ମାତ୍ର ଦୁଇ ରନ୍ ଆବଶ୍ୟକ ଥିଲା। ଏହି ସଫଳତା ଆହୁରି ଉଲ୍ଲେଖନୀୟ ହୋଇଛି, କାରଣ ରୋହିତ ମାତ୍ର ୨୦୨ ଇନିଂସରେ ଓପନର ଭାବେ ୧୦,୦୦୦ ଦିନିକିଆ ରନ୍ ପୂରଣ କରିଛନ୍ତି। ଏହା ସହ ସେ ସଚିନ ତେନ୍ଦୁଲକରଙ୍କ ୨୧୪ ଇନିଂସର ଦୀର୍ଘଦିନର ରେକର୍ଡକୁ ପଛରେ ପକାଇଛନ୍ତି।ସଚିନ ୨୦୦୪ରେ ବ୍ରିସବେନ୍‌ରେ ଅଷ୍ଟ୍ରେଲିଆ ବିପକ୍ଷରେ ଓପନର ଭାବେ ନିଜର ୧୦,୦୦୦ତମ ଦିନିକିଆ ରନ୍ ପୂରଣ କରିଥିଲେ। ରୋହିତଙ୍କ ଏହି ସଫଳତା ତାଙ୍କୁ ପୁରୁଷ ଦିନିକିଆ କ୍ରିକେଟରେ ଓପନର ଭାବେ ୧୦,୦୦୦ ରନ୍ କରିଥିବା ମାତ୍ର ଚତୁର୍ଥ ବ୍ୟାଟର କରିଛି।

So easy on the eye

Glimpses of that crucial 1⃣3⃣7⃣-run partnership between @ImRo45 and @Ruutu1331

Updates https://t.co/PhSJSbvW7C#TeamIndia | #INDvWI | @mflone_ pic.twitter.com/AcdeSWZvY8

— BCCI (@BCCI) October 3, 2026

ଏହି ଏଲିଟ୍ ତାଲିକାରେ ରୋହିତଙ୍କ ସହ ସଚିନ ତେନ୍ଦୁଲକର, ୱେଷ୍ଟଇଣ୍ଡିଜ୍‌ର କ୍ରିସ୍ ଗେଲ୍ ଏବଂ ଶ୍ରୀଲଙ୍କାର ସନଥ ଜୟସୁରିଆ ରହିଛନ୍ତି।ମାଇଲଖୁଣ୍ଟ ହାସଲ କରିବା ପରେ ମଧ୍ୟ ରୋହିତ ଆକ୍ରମଣାତ୍ମକ ବ୍ୟାଟିଂ ଜାରି ରଖିଥିଲେ। ତାଙ୍କ ୯୨ ରନ୍‌ର ଇନିଂସରେ ୧୦ଟି ଚୌକା ଓ ୩ଟି ଛକା ସାମିଲ ଥିଲା। ତେବେ ଶତକ ପୂରଣ କରିବା ପୂର୍ବରୁ ସେ ଆଉଟ୍ ହୋଇଥିଲେ।ରୋହିତଙ୍କ ଏହି ରେକର୍ଡ ତାଙ୍କ ଦୀର୍ଘ ଦିନିକିଆ କ୍ୟାରିୟରରେ ଆଉ ଏକ ସ୍ମରଣୀୟ ଅଧ୍ୟାୟ ଯୋଡ଼ିଛି।