13 Missing in Odisha Landslide: କାନ୍ଦୁଛି ଗାଁ, ଖୋଜୁଛି ପରିବାର ! ଭୂସ୍ଖଳନରେ ମାଟି ତଳେ ୧୩ ଜୀବନ

ଆଠ ଆଠଟା ପରିବାରର ୧୩ ଜଣ ସଦସ୍ୟ ମାଟି ତଳେ ଚାପି ହୋଇଯାଇଛନ୍ତି ।

ହସ ଖୁସିର ସଂସାର ଉପରେ ମୃତ୍ୟୁର ପାହାଡ଼ ଅତଡ଼ା ଖସାଇଛି ।

କିଏ ଭାବିଥିଲା, ଏମିତି ମାଡ଼ି ଆସିବ ମୃତ୍ୟୁର ପାହାଡ଼ !

ଆଖି ପିଛୁଳାକେ ସବୁକିଛି ଛାରଖାର ହୋଇଯିବ ।

ମାଟି ତଳେ ଚାପି ହୋଇଯିବ ଘରଦ୍ୱାର, ସ୍ୱପ୍ନ ଓ ଜୀବନ ।

ଚାରିଆଡ଼େ ଆତଙ୍କ, ଆଉ ପରିବାର ଲୋକଙ୍କ ଆଖିରେ ଲୁହ ।

ଗଞ୍ଜାମ-କନ୍ଧମାଳ ସୀମାନ୍ତ ଗିଡ଼ିପାପଲ୍ଲୀ ଗାଁରୁ ଆସିଛି ଏଭଳି ଛାତିଥରା ଘଟଣା ।

ବାତ୍ୟା ଅର୍ଣ୍ଣବ ଚାଲିଯିବା ପରେ ଏଇଠି ତାଣ୍ଡବ ରଚିଛି ବନ୍ୟା ଆଉ ଭୂ ସ୍ଖଳନ ।

ଭଞ୍ଜନଗର ବ୍ଲକ ବାଇବାଲି ପଞ୍ଚାୟତର ଗିଡ଼ିପାପଲ୍ଲୀ ଗାଁରେ ପାହାଡ଼ ଧସି ପୋତି ହୋଇଯାଇଛନ୍ତି ୮ଟି ପରିବାରର ୧୩ ଜଣ ।

କେଉଁଠି ଘରର ଚିହ୍ନବର୍ଣ୍ଣ ନାହିଁ ତ ଆଉ କେଉଁଠି ମାଟି ତଳେ ଲୁଚି ରହିଛି ଜୀବନର ଶେଷ ଆଶା ।

ନିଜ ଲୋକଙ୍କୁ ଖୋଜି ଖୋଜି ପରିବାର ବର୍ଗଙ୍କ ଆଖିରୁ ଲୁହ ଶୁଖୁନି ।

ତେବେ ଏହି ଭୟଙ୍କର ବିପର୍ଯ୍ୟୟ ଭିତରେ ମିଳିଛି ଆଶ୍ୱସ୍ତିର ଖବର ।

ଗୋଟିଏ ପରିବାରର ୫ ଜଣଙ୍କୁ ଜୀବିତ ଉଦ୍ଧାର କରାଯାଇଛି ।

ସେମାନେ ଜୀବନ ବଞ୍ଚାଇ ଉଦୟଗିରି ବ୍ଲକରେ ଆଶ୍ରୟ ନେଇଛନ୍ତି ।

ଏବେ ବି ୧୩ ଜଣଙ୍କ ପତ୍ତା ମିଳୁନି ।

କେହି ନିଜ ବାପାଙ୍କୁ ଖୋଜୁଛି ତ କେହି ମାଆଙ୍କୁ, ଆଉ କାହାର ଅପେକ୍ଷା ନିଜ ପିଲାଙ୍କ ଫେରିବା ବାଟକୁ ।

ପ୍ରକୃତିର ଏହି କରାଳ ରୂପ ଗୋଟିଏ ଗାଁର ଚିତ୍ର ବଦଳାଇ ଦେଇଛି ।

Advertisment