Bihar: ବିହାରରେ ୮ ନଦୀରେ ଜଳସ୍ତର ବୃଦ୍ଧି; ୧୪ ଜିଲ୍ଲାରେ ୪୦.୨୧ ନିୟୁତ ଲୋକ ବନ୍ୟା ପ୍ରଭାବିତ

"ନୂଆଦିଲ୍ଲୀ: ବିହାରରେ ଗଙ୍ଗା ନଦୀ ସମେତ ୮ଟି ନଦୀରେ ବନ୍ୟା ଜଳ ପ୍ରବାହିତ ହେଉଛି।

ରାଜ୍ୟର ୧୪ଟି ଜିଲ୍ଲାରେ ବନ୍ୟା ପରିସ୍ଥିତି ଜାରି ରହିଛି।

ପ୍ରାୟ ୩୫.୮୯ ଲକ୍ଷ ଲୋକ ଏଥିରେ ପ୍ରଭାବିତ ହୋଇଛନ୍ତି।

ଗଙ୍ଗା, କୋଶୀ, ଗଣ୍ଡକ, ବୁଢୀ ଗଣ୍ଡକ, ପୁନ୍‌ପୁନ୍‌, ବାଗମତୀ ଓ ଘାଘରା ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି।

ସାରଣରେ ମାହି ନଦୀ ଉପରେ ନିର୍ମିତ ବନ୍ଧ ଭାଙ୍ଗିଯିବାରୁ ପରିସ୍ଥିତି ଗମ୍ଭୀର ହୋଇଛି।ଗତ ପାଞ୍ଚ ଦିନ ଧରି ବିହାରରେ ପ୍ରବଳ ବର୍ଷା ହେବା ପରେ ୧୪ଟି ଜିଲ୍ଲାରେ ୪୦.୨୧ ନିୟୁତ ଲୋକ ବନ୍ୟା ଦ୍ୱାରା ପ୍ରଭାବିତ ହୋଇଛନ୍ତି।

ଅନେକ ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି।Advertisment ବିପର୍ଯ୍ୟୟ ପରିଚାଳନା ବିଭାଗ ଅନୁଯାୟୀ, ବନ୍ୟା ୧୪ଟି ଜିଲ୍ଲାର ୮୪ଟି ବ୍ଲକର ୫୧୪ଟି ପଞ୍ଚାୟତକୁ ପ୍ରଭାବିତ କରିଛି।

ପ୍ରଭାବିତ ଜିଲ୍ଲାଗୁଡ଼ିକ ହେଉଛି ପାଟନା, ଭୋଜପୁର, ସରଣ, ବୈଶାଳୀ, ଭାଗଲପୁର, ବେଗୁସରାଇ, ବକ୍ସର, ସମସ୍ତିପୁର, ମୁଙ୍ଗେର୍‌, କାଟିହାର, ଲଖିସରାଇ, ଖଗରିଆ, ପୂର୍ଣ୍ଣିଆ ଓ ଅରୱାଲ।

ପାଣିପାଗ ସେବା କେନ୍ଦ୍ର ଅନୁଯାୟୀ, ସେପ୍ଟେମ୍ବରରେ ରାଜ୍ୟରେ ୭୯.୬ ମିଲିମିଟର ବର୍ଷା ରେକର୍ଡ ହୋଇଛି, ଯାହା ସ୍ୱାଭାବିକଠାରୁ ୩୧ ପ୍ରତିଶତ ଅଧିକ।

ଆହୁରି ପଢନ୍ତୁ: US Open Champion: ୟୁଏସ୍‌ ଓପନ୍‌: ବିଜେତା ଆଲ୍‌କାରାଜ ବିଦା...

ଉତ୍ତର ପ୍ରଦେଶରେ ବର୍ଷା ଯୋଗୁଁ ଲଖିମପୁର ଓ ବରେଲିରେ ୮ମ ଶ୍ରେଣୀ ପର୍ଯ୍ୟନ୍ତ ସମସ୍ତ ସ୍କୁଲ ବନ୍ଦ ରଖାଯାଇଛି।

ବାରାଣସୀରେ ପ୍ରି-ପ୍ରାଥମିକ ଠାରୁ ୫ମ ଶ୍ରେଣୀ ପର୍ଯ୍ୟନ୍ତ ସମସ୍ତ ସ୍କୁଲ ବନ୍ଦ ରହିବ, ଷଷ୍ଠରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ସକାଳ ୯ଟାରୁ ଅପରାହ୍ଣ ୩ଟା ପର୍ଯ୍ୟନ୍ତ ଚାଲିବ।

ବୁଧବାର ବାରାଣସୀ ଓ ପ୍ରୟାଗରାଜ ସମେତ ୨୩ ଜିଲ୍ଲାକୁ ବର୍ଷା ଆଲର୍ଟ ରହିଛି।

ଉତ୍ତରାଖଣ୍ଡରେ ପୌଡିରେ ଭୂସ୍ଖଳନ ଯୋଗୁଁ ଘର ଓ ଅନେକ ଦୋକାନରେ ଫାଟ ସୃଷ୍ଟି ହୋଇଛି।

ପାହାଡ଼ିଆ ଜିଲ୍ଲାରେ ପ୍ରବଳ ବର୍ଷାର ସମ୍ଭାବନାକୁ ଦୃଷ୍ଟିରେ ରଖି ୟେଲୋ ଆଲର୍ଟ ଜାରି କରାଯାଇଛି।

ଅନ୍ୟପକ୍ଷରେ ମଧ୍ୟପ୍ରଦେଶରେ ତିନି ଦିନ ପାଇଁ ବର୍ଷା ନାହିଁ।

ପଶ୍ଚିମବଙ୍ଗରେ ମାଲଦାରେ ଗଙ୍ଗା ନଦୀରେ ଜଳସ୍ତର ବୃଦ୍ଧି ପାଇବାରେ ଲାଗିଛି।

"