BRICS Summit 2026: ଜିନ୍‌ପିଙ୍ଗ, ପୁଟିନ ଓ ପେଜେସ୍କିଆନଙ୍କ ସହିତ ବୈଠକ ଉପରେ ନଜର

"ନୂଆଦିଲ୍ଲୀ: ବ୍ରିକ୍ସ ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାରଠାରୁ ରବିବାର ପର୍ଯ୍ୟନ୍ତ ତିନି ଦିନ ଧରି ଗୋଟିଏ ପରେ ଗୋଟିଏ ଦ୍ବିପାକ୍ଷିକ ବୈଠକ କରିବାକୁ ଯାଉଛନ୍ତି।

ରୁଷ୍‌ ରାଷ୍ଟ୍ରପତି ଭ୍ଳାଦିମିର୍‌ ପୁଟିନ୍‌, ଚୀନ୍‌ ରାଷ୍ଟ୍ରପତି ସି ଜିନ୍‌ପିଙ୍ଗ୍‌ ଓ ଇରାନ ରାଷ୍ଟ୍ରପତି ମସୁଦ୍‌ ପେଜେସ୍କିଆନ୍‌ଙ୍କ ସହିତ ଭାରତର ଦ୍ବିପାକ୍ଷିକ ଆଲୋଚନା ରହିଛି।

ପ୍ରଥମେ ଶୁକ୍ରବାର ଅପରାହ୍ଣରେ ରୁଷ୍‌ ରାଷ୍ଟ୍ରପତିଙ୍କ ସହିତ ଦ୍ବିପାକ୍ଷିକ ବୈଠକ ରହିଛି।

ଶୁକ୍ରବାର ସନ୍ଧ୍ୟାରେ ପେଜେସ୍କିଆନ୍‌ ଓ ଜାତିସଂଘ ମହାସଚିବ ଆଣ୍ଟୋନିଓ ଗୁଟେରେସ୍‌ଙ୍କ ସହିତ ପ୍ରଧାନମନ୍ତ୍ରୀଙ୍କର ବୈଠକ କାର୍ଯ୍ୟକ୍ରମ ରହିଛି।Advertisment ଶନିବାର ପ୍ରଧାନମନ୍ତ୍ରୀଙ୍କର ଅଧିକ ବ୍ୟସ୍ତ କାର୍ଯ୍ୟକ୍ରମ ରହିଛି।

ସକାଳ ୧୦ଟାରେ ଇଥିଓପିଆ ପ୍ରଧାନମନ୍ତ୍ରୀ ଆବି ଅହମଦ ଅଲି ଏବଂ ସକାଳ ୧୦ଟା ୩୦ରେ ମାଲେସିଆ ପ୍ରଧାନମନ୍ତ୍ରୀ ଅନୱର ଇବ୍ରାହିମଙ୍କ ସହିତ ସାକ୍ଷାତ ଆରମ୍ଭ ହେବ, ପୂର୍ବାହ୍ନ ୧୧ଟାରେ ଆବୁ ଦାବି କ୍ରାଉନ ପ୍ରିନ୍ସ ଓ ପୂର୍ବାହ୍ନ ୧୧ଟା ୩୦ରେ ଭିଏତନାମ ପ୍ରଧାନମନ୍ତ୍ରୀ ଲେ ମିନ୍ ହଙ୍ଗଙ୍କ ସହିତ ସାକ୍ଷାତ ହେବ।

ସେହି ସମୟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୂର୍ବାହ୍ନ ୧୧ଟା ୩୦ରେ ପେଜେସ୍କିଆନ୍‌ଙ୍କୁ ଭେଟିବାର କାର୍ଯ୍ୟକ୍ରମ ରହିଛି।

Shehzad Poonawalla : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଫଳ : ଶେହଜାଦ ପୁନାୱାଲା ପ୍ରକୃତ ସ୍ବେଚ୍ଛାଚାରୀ ହୋଇପାରିଲେନି ଶନିବାର ଅପରାହ୍ଣ ୫ଟା ୪୫ରେ ସବୁଠୁ ଗୁରୁତ୍ବପୂର୍ଣ୍ଣ କାର୍ଯ୍ୟକ୍ରମ ରହିଛି।

ପ୍ରଧାନମନ୍ତ୍ରୀ ମୋଦୀ ଚୀନ୍ ରାଷ୍ଟ୍ରପତି ଜିନପିଙ୍ଗଙ୍କୁ ଭେଟିବେ।

ସାତ ବର୍ଷ ପରେ ଜିନ୍‌ପିଙ୍ଗଙ୍କ ପ୍ରଥମ ଦ୍ୱିପାକ୍ଷିକ ଭାରତ ଗସ୍ତ।

ରବିବାର ଆଉ ଏକ ଆଲୋଚନା ହେବ, ଯେଉଁଥିରେ ମୋଦୀ ଅପରାହ୍ଣ ୨ଟା ୩୦ ରୁ ୫ଟା ୪୦ ମିନିଟ୍‌ ମଧ୍ୟରେ କାଜାଖସ୍ତାନ, ଫିଲିପାଇନ୍ସ, ଇଜିପ୍ଟ, ଦକ୍ଷିଣ ଆଫ୍ରିକା, ବୁରୁଣ୍ଡି, ନାଇଜେରିଆ ଓ ଉଗାଣ୍ଡାର ନେତାମାନଙ୍କୁ ଭେଟିବାର କାର୍ଯ୍ୟକ୍ରମ ରହିଛି।

କାର୍ଯ୍ୟସୂଚୀର ଏହି ତୀବ୍ର ଗତି ନୂଆଦିଲ୍ଲୀ ପାଇଁ ବ୍ରିକ୍ସ ସାଇଡ୍‌ଲାଇନ୍‌ର କୂଟନୈତିକ ଗୁରୁତ୍ୱକୁ ସ୍ପଷ୍ଟ କରୁଛି।

ତିନି ଦିନ ଧରି ପ୍ରଧାନମନ୍ତ୍ରୀ ମୋଦୀ ବିଶ୍ବର ପ୍ରମୁଖ ଶକ୍ତି, ଉଦୀୟମାନ ଅର୍ଥନୀତି ଓ ପ୍ରମୁଖ ଆଞ୍ଚଳିକ ଅଂଶୀଦାରଙ୍କ ନେତାମାନଙ୍କ ସହିତ ରଣନୈତିକ ସମ୍ପର୍କ, ବାଣିଜ୍ୟ, ନିବେଶ, ଆଞ୍ଚଳିକ ସଂଘର୍ଷ ଓ ବିଶ୍ୱ ଶାସନ ବ୍ୟବସ୍ଥା ସମ୍ପର୍କରେ ଆଲୋଚନା କରିବାକୁ ଯାଉଛନ୍ତି।

"