Brother Kills Sister: ପ୍ରେମ ବିବାହ ହେଲା କାଳ! ହିନ୍ଦୁ ଯୁବକଙ୍କୁ ବାହା ହେବାରୁ ଭଉଣୀର ଜୀବନ ନେଲା ଭାଇ

ଭଲପାଇ ବାହାହେଲା ବୋଲି ଭଉଣୀକୁ ମାରିଦେଲା ଭାଇ ।

ପ୍ଲାନ୍ କରି ଘରକୁ ଡାକି ଭଉଣୀକୁ କଲା ହତ୍ୟା ।

ମୁସଲମାନ ଭଉଣୀ ହିନ୍ଦୁ ପୁଅକୁ ହୋଇଥିଲା ବାହା ।

ଧର୍ମ ପରିବର୍ତ୍ତନକୁ ନେଇ ନିଆଁ ଭଳି ତାତିଥିଲେ ଝିଅଘର ଲୋକେ ।

ପ୍ରେମ, ପରିବାର ଏବଂ ନିଷ୍ଠୁରତାର ଏ କାହାଣୀ ।

ନିଜ ଭାଇ ହାତରେ ଜୀବନ ହାରିଲେ ନାଜିଆ ।

ଉତ୍ତରପ୍ରଦେଶର ମଥୁରାରୁ ସାମ୍ନାକୁ ଆସିଥିବା ଏକ ହୃଦୟବିଦାରକ ଘଟଣା ସମାଜର ମାନସିକତା ଉପରେ ଅନେକ ପ୍ରଶ୍ନ ଉଠାଇଛି ।

Advertisment ନିଜ ଜୀବନସାଥୀ ବାଛିବା ଓ ନିଜ ଇଚ୍ଛାରେ ଜୀବନ ବଞ୍ଚିବାର ନିଷ୍ପତ୍ତି ଜଣେ ଯୁବତୀଙ୍କ ପାଇଁ ମୃତ୍ୟୁର କାରଣ ପାଲଟିଛି ।

୨୪ ବର୍ଷୀୟା ନାଜିଆ ଓରଫ୍ ଜନ୍ନତ ଦିଲ୍ଲୀରେ ଏକ କାରଖାନାରେ କାମ କରୁଥିବା ସମୟରେ ରବୀନ୍ଦ୍ର କୁମାରଙ୍କ ସହ ପରିଚିତ ହୋଇଥିଲେ ।

ଧୀରେ ଧୀରେ ସେହି ପରିଚୟ ପ୍ରେମରେ ବଦଳି ଯାଇଥିଲା ।

ପରିବାରର ଅସମ୍ମତି ସତ୍ତ୍ୱେ ନାଜିଆ ଧର୍ମ ପରିବର୍ତ୍ତନ କରି ରବୀନ୍ଦ୍ରଙ୍କୁ ବିବାହ କରିଥିଲେ ।

ଉଭୟ ଦିଲ୍ଲୀରେ ଏକାଠି ରହୁଥିଲେ ଏବଂ ନୂଆ ଜୀବନର ସ୍ୱପ୍ନ ଦେଖୁଥିଲେ।

ପ୍ରାୟ ଦଶ ଦିନ ପୂର୍ବରୁ ପରିବାର ତାଙ୍କ ବିବାହକୁ ଗ୍ରହଣ କରିବ ବୋଲି ଆଶ୍ୱାସନା ଦେବା ପରେ ନାଜିଆ ମଥୁରାସ୍ଥିତ ନିଜ ଘରକୁ ଫେରିଥିଲେ ।

କିନ୍ତୁ ତାଙ୍କର ଏହି ଫେରିବା ଆଉ ଏକ ଦୁଃଖଦ ଅଧ୍ୟାୟର ଆରମ୍ଭ ହେଲା ।

ପରିବାରରେ ପହଞ୍ଚିବା ପରେ ନାଜିଆଙ୍କ ସହ କ'ଣ ହୋଇଥିଲା ତା' କାହାକୁ ଜଣାନାହିଁ ।

ହେଲେ କିଛି ଦିନ ପରେ ନାଜିଆ ନିଖୋଜ ହୋଇଯାଥିବା ଅଭିଯୋଗ ହୋଥିଲା ।

ତାଙ୍କ ଫୋନ୍ ମଧ୍ୟ ବନ୍ଦ ଥିଲା ।

ତେଣୁ ପତ୍ନୀଙ୍କ ସହ ଯୋଗାଯୋଗ କରି ନପାରି ରବୀନ୍ଦ୍ର ପୁଲିସର ଦ୍ୱାରସ୍ଥ ହୋଇଥିଲେ ।

Advertisment ତଦନ୍ତ ପରେ ପୁଲିସ ଘଟଣା ଉପରୁ ପରଦା ହଟାଇଛି ।

ନାଜିଆଙ୍କୁ ହତ୍ୟା କରାଯାଇଥିବା ପୋଲିସ ସ୍ପଷ୍ଟ କରିଛି ।

ତା' ସହ ନାଜିଆଙ୍କ ମୃତଦେହ ଉଦ୍ଧାର କରି ତାଙ୍କ ୩୨ ବର୍ଷୀୟ ଭାଇ ଆକ୍ରମଙ୍କୁ ହତ୍ୟା ଅଭିଯୋଗରେ ଗିରଫ କରିଛି ।

ଘଟଣାରେ ଅନ୍ୟ କାହାର ସମ୍ପୃକ୍ତି ଅଛି କି ନାହିଁ, ତାହାର ତଦନ୍ତ ଚାଲିଛି ।

ତଦନ୍ତ ପରେ ହତ୍ୟାର ପ୍ରକୃତ କାରଣ ସ୍ପଷ୍ଟ ହେବ ।