Congress: ମୁଖ୍ୟ ନିର୍ବାଚନ ଆୟୁକ୍ତଙ୍କ ବାସଭବନ କାନ୍ଥରେ କାଳି ବୋଳିବା ଘଟଣା: ୬ କଂଗ୍ରେସ କର୍ମୀ ଗିରଫ

"ନୂଆଦିଲ୍ଲୀ: ମୁଖ୍ୟ ନିର୍ବାଚନ ଆୟୁକ୍ତ ଜ୍ଞାନେଶ କୁମାରଙ୍କ ବାସଭବନ ଆଗରେ ବିକ୍ଷୋଭ ଏବଂ କାନ୍ଥରେ କାଳି ବୋଳିବା ଅଭିଯୋଗରେ ପ୍ରାୟ ୨୦ ଜଣ କଂଗ୍ରେସ କର୍ମୀଙ୍କ ବିରୋଧରେ ହତ୍ୟା ଉଦ୍ୟମ, ସରକାରୀ କର୍ମଚାରୀଙ୍କୁ ଆକ୍ରମଣ, ସଂଘବଦ୍ଧ ହିଂସା ଏବଂ ବେଆଇନ ଅନୁପ୍ରବେଶ ଭଳି ଗୁରୁତର ଧାରାରେ ମାମଲା ରୁଜୁ କରାଯାଇଛି।

Advertisment ସୋମବାର ଦିନ ବିଜୟ ନଗର ଅଞ୍ଚଳରେ ଥିବା ନିର୍ବାଚନ ଆୟୁକ୍ତଙ୍କ ବାସଭବନ ଆଗରେ କଂଗ୍ରେସ କର୍ମୀମାନେ ପ୍ରତିବାଦ କରିବା ସହ ଘରର ମୁଖ୍ୟ ଫାଟକ ଏବଂ କାନ୍ଥରେ କଳା ରଙ୍ଗରେ ସ୍ଲୋଗାନ ଲେଖିଥିଲେ।

ଏହି ଘଟଣାରେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ୬ ଜଣ କଂଗ୍ରେସ ନେତା ଅନିଲ ଯାଦବ, ମୁକେଶ ଧଙ୍ଗର, ମନୋଜ ଗୌର, ରାଜେଶ କୁମାର, ରାଜା ଗୌତମ ଓ ପଙ୍କଜ ଚୌଧୁରୀଙ୍କୁ ଗିରଫ କରି ବୁଧବାର ଜେଲକୁ ପଠାଇଦେଇଛି।

ହତ୍ୟା ଉଦ୍ୟମ ମାମଲା ରୁଜୁ ସବ୍-ଇନ୍ସପେକ୍ଟର ଗୌରବ ଗୁପ୍ତାଙ୍କ ଲିଖିତ ଅଭିଯୋଗ ଆଧାରରେ ହରିପର୍ବତ ଥାନାରେ ୮ ଜଣ ନାମିତ ଏବଂ ୧୫ ରୁ ୨୦ ଜଣ ଅଜ୍ଞାତ କଂଗ୍ରେସ କର୍ମୀଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (ବିଏନଏସ)ର ବିଭିନ୍ନ ଗୁରୁତର ଧାରା ଅଧୀନରେ ମାମଲା ରୁଜୁ ହୋଇଛି।

କଂଗ୍ରେସର ରାଜ୍ୟବ୍ୟାପୀ ଆନ୍ଦୋଳନର ଅଂଶବିଶେଷ ଭାବେ ଏହି ଘଟଣା ଘଟିଥିବା ବେଳେ ପୁଲିସର ଏହି ନିଷ୍ପତ୍ତିକୁ ନେଇ କଂଗ୍ରେସ ଶିବିରରେ ତୀବ୍ର ଅସନ୍ତୋଷ ପ୍ରକାଶ ପାଇଛି।

କଂଗ୍ରେସ ନଗର ସଭାପତି ଅମିତ ସିଂହ ଅଭିଯୋଗ କରିଛନ୍ତି ଯେ, କେବଳ ସାଧାରଣ ପ୍ରତିବାଦ ସମ୍ପର୍କିତ ଧାରା ଲଗାଯିବା ପରିବର୍ତ୍ତେ ପୁଲିସ କର୍ମୀମାନଙ୍କ ଉପରେ ସମ୍ପୂର୍ଣ୍ଣ ମିଥ୍ୟା ଓ ଗୁରୁତର ଆଇନଗତ ଧାରା ଲଦି ଦେଇଛି।

ଏହି ମିଥ୍ୟା ମାମଲାଗୁଡ଼ିକୁ ପ୍ରତ୍ୟାହାର କରିବା ଦାବିରେ ଆଜି କଂଗ୍ରେସର ଏକ ପ୍ରତିନିଧି ମଣ୍ଡଳୀ ପୁଲିସ କମିଶନରଙ୍କୁ ଭେଟି ଆଲୋଚନା କରିବେ ବୋଲି ସେ ସୂଚନା ଦେଇଛନ୍ତି।

ଜରୁରୀକାଳୀନ ଅବତରଣ କଲା "ଫ୍ଲାଇଦୁବାଇ" ବିମାନ "