Donkey Turns Into A Motorcycle: ଗଧରେ ଲାଗିଲା ବାଇକର ଫିଚର୍ସ; ପେଟ୍ରୋଲ ନାହିଁ କି ଚାର୍ଜିଂ, ଘାସରେ ଚାଲୁଛି ଏହି ଅଜବ ବାଇକ୍

ଦେଶୀ ଜୁଗାଡ଼ର ଏମିତି ଏକ ଅଜବ ନମୁନା ଏବେ ସୋସିଆଲ ମିଡିଆରେ ଭାଇରାଲ ହେଉଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହେବା ସହ ହସି ହସି ବେଦମ ହେଉଛନ୍ତି। ଆର୍ପିଜି ଗ୍ରୁପର ଚେୟାରମ୍ୟାନ୍ ହର୍ଷ ଗୋୟେଙ୍କା ନିଜ ସୋସିଆଲ ମିଡିଆ ପ୍ଲାଟଫର୍ମ ‘X’ରେ ଏହି ମଜାଦାର ଭିଡିଓଟି ଶେୟାର କରିଛନ୍ତି।

ମାତ୍ର ୮ ସେକେଣ୍ଡର ଏହି ଭିଡିଓରେ ଗୋଟେ ଗଧକୁ ଏପରି ଭାବେ ସଜାଯାଇଛି ଯେ ତାହା ଏକ ମୋଟରସାଇକେଲ ଭଳି ଦେଖାଯାଉଛି। ଗଧର ପିଠିରେ ବାଇକ୍ର ସିଟ୍ ଲଗାଯାଇଥିବା ବେଳେ ମୁଣ୍ଡରେ ଇଣ୍ଡିକେଟର୍ ଓ ହେଡଲାଇଟ୍ ମଧ୍ୟ ଲଗାଯାଇଛି। ଏହି ଅଜବ ‘ବାଇକ୍’କୁ ଦେଖି ହର୍ଷ ଗୋୟେଙ୍କା ମଧ୍ୟ ମଜାଦାର ଢଙ୍ଗରେ ଏହାର ‘ଫିଚର୍ସ’ ବର୍ଣ୍ଣନା କରିଛନ୍ତି।

‘ଏହାକୁ ନିଶ୍ଚୟ କିଣନ୍ତୁ!’

ଭିଡିଓଟି ଶେୟାର କରି ହର୍ଷ ଗୋୟେଙ୍କା ଲେଖିଛନ୍ତି, ‘ଏହାକୁ ନିଶ୍ଚୟ କିଣନ୍ତୁ। ଏହା ଘାସରେ ଚାଲେ, ଏହାକୁ ଚାର୍ଜ କରିବାର ଆବଶ୍ୟକତା ନାହିଁ ଏବଂ ଏଥିରେ ଅଟୋମେଟିକ୍ ହେଡଲାଇଟ୍ ରହିଛି।’ ତାଙ୍କର ଏହି ମଜାଦାର କ୍ୟାପସନ୍ ପରେ ଭିଡିଓଟି ଆହୁରି ଚର୍ଚ୍ଚାକୁ ଆସିଛି। ଭିଡିଓଟି ପାକିସ୍ତାନର ବୋଲି କୁହାଯାଉଛି।

ଗଧକୁ ମିଳିଛି ବାଇକର ଫିଚର୍ସ!

ଭିଡିଓରେ ଗଧର ପିଠିରେ ଏକ ଆରାମଦାୟକ ବାଇକ୍ ସିଟ୍ ବେଲ୍ଟ ମାଧ୍ୟମରେ ବାନ୍ଧି ଦିଆଯାଇଛି। ଏହା ସହ ଗଧର ମୁଣ୍ଡ ଓ କାନ ନିକଟରେ ଇଣ୍ଡିକେଟର୍ ଏବଂ ଅନ୍ଧାରରେ ଆଲୋକ ଦେବା ପାଇଁ ହେଡ୍ଲାଇଟ୍ ଲଗାଯାଇଛି। ପେଟ୍ରୋଲ୍ କିମ୍ବା ବିଦ୍ୟୁତର ଆବଶ୍ୟକତା ନଥିବାରୁ ହର୍ଷ ଗୋୟେଙ୍କା ଏହାକୁ ମଜାଳିଆ ଢଙ୍ଗରେ ‘ପରିବେଶ ଅନୁକୂଳ’ ଯାନ ବୋଲି କହିଛନ୍ତି। 

ଭାଇରାଲ ଭିଡିଓରେ ନେଟିଜେନଙ୍କ ମଜାଦାର କମେଣ୍ଟ

ହର୍ଷ ଗୋୟେଙ୍କାଙ୍କ ଏହି ପୋଷ୍ଟ ଶେୟାର ହେବା ପରେ ଅନେକ ଲୋକ ଏଥିରେ ମଜାଦାର କମେଣ୍ଟ କରିଛନ୍ତି। କେହି ଏହାକୁ ‘ଭବିଷ୍ୟତର ସବୁଠାରୁ ଶସ୍ତା ଯାତାୟାତ ମାଧ୍ୟମ’ ବୋଲି କହିଥିବା ବେଳେ ଆଉ କେହି ଏହାକୁ ‘ବେଷ୍ଟ ଏଭର ଜୁଗାଡ଼’ ବୋଲି କହିଛନ୍ତି। ଜଣେ ୟୁଜର ମଜାକରେ ଲେଖିଛନ୍ତି ଯେ ଏହା ଘାସରେ ଚାଲୁଛି ଏବଂ ଏଥିରେ ଟାୟାରର ମଧ୍ୟ ଆବଶ୍ୟକତା ନାହିଁ। ଆଉ ଜଣେ ଏହାକୁ ପରିବେଶ ଅନୁକୂଳ ଯାନ ବୋଲି କହି ମଜାଳିଆ ଢଙ୍ଗରେ ଏହାର ‘ବାୟୋମାସ୍’ ଫିଚର୍ସ ବିଷୟରେ ଲେଖିଛନ୍ତି।

Please buy. This one runs on grass, has zero charging time, and comes with automatic headlights. 😄 pic.twitter.com/Ctl0Gqhmcq

— Harsh Goenka (@hvgoenka) August 26, 2026

ଆଉ ଜଣେ ୟୁଜର ଗଧଟିକୁ ଦେଖି ଲେଖିଛନ୍ତି, ଏହି ଛୋଟ ଜୀବଟି ତା’ ସହ କ’ଣ ହେଉଛି ବୋଲି ପୂରା କନ୍ଫ୍ୟୁଜ୍ ଲାଗୁଛି। ତାଙ୍କ କମେଣ୍ଟରେ ମଜା ସହ ଗଧଟି ପ୍ରତି ସହାନୁଭୂତି ମଧ୍ୟ ଦେଖିବାକୁ ମିଳିଛି। ହର୍ଷ ଗୋୟେଙ୍କାଙ୍କ ଏହି ମଜାଦାର ପୋଷ୍ଟ ଏବେ ସୋସିଆଲ ମିଡିଆରେ ଲୋକଙ୍କ ଧ୍ୟାନ ଆକର୍ଷଣ କରୁଛି। ଅଜବ ‘ଜୁଗାଡ଼’ ଓ ମଜାଦାର କ୍ୟାପସନ୍ ଯୋଗୁଁ ଭିଡିଓଟିକୁ ନେଇ ନେଟିଜେନ୍ମାନଙ୍କ ମଧ୍ୟରେ ହସର ମାହୋଲ ସୃଷ୍ଟି ହୋଇଛି।