DRDO tests hack-free quantum communicatio: DRDOର କ୍ୱାଣ୍ଟମ୍ ଟେକ୍ନୋଲୋଜି ପରୀକ୍ଷା ସଫଳ, ଏଣିକି ସେନାର ତଥ୍ୟ ଚୋରି ଅସମ୍ଭବ

ଦେଶର ସାମରିକ ତଥ୍ୟକୁ ସାଇବର ଆକ୍ରମଣ ଓ ଗୁପ୍ତଚରଙ୍କଠାରୁ ସୁରକ୍ଷିତ ରଖିବା ଦିଗରେ ଭାରତକୁ ମିଳିଛି ଏକ ନୂଆ ସଫଳତା। ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ ଡିଆରଡିଓ ଏକ କ୍ୱାଣ୍ଟମ୍ ଆଧାରିତ ସୁରକ୍ଷିତ ଯୋଗାଯୋଗ ବ୍ୟବସ୍ଥାର ସଫଳ ପରୀକ୍ଷଣ କରିଛି।

ଓଡ଼ିଶାର ଚାନ୍ଦିପୁରସ୍ଥିତ ପ୍ରୁଫ୍ ଆଣ୍ଡ ଏକ୍ସପେରିମେଣ୍ଟାଲ୍ ଏଷ୍ଟାବ୍ଲିସମେଣ୍ଟ ବା ପିଏକ୍ସଇରେ ଥିବା ଅସ୍ତ୍ର ପରୀକ୍ଷଣ ନେଟୱର୍କରେ ଏହି ପରୀକ୍ଷଣ କରାଯାଇଛି। ଏଥିରେ କ୍ୱାଣ୍ଟମ୍ କି ଡିଷ୍ଟ୍ରିବ୍ୟୁସନ୍ ବା କ୍ୟୁକ୍ୟୁଡି ପ୍ରଯୁକ୍ତି ବ୍ୟବହାର କରାଯାଇଛି।

ଏହି ପ୍ରଯୁକ୍ତି ମାଧ୍ୟମରେ ତୋପ ଓ ସାମରିକ ଯାନ ପରୀକ୍ଷଣ ସମୟରେ ସଂଗ୍ରହ ହେଉଥିବା ଗୁରୁତ୍ୱପୂର୍ଣ୍ଣ ତଥ୍ୟକୁ ସୁରକ୍ଷିତ ଭାବେ ପଠାଇବାରେ ସହାୟତା ମିଳିବ। ବିଶେଷ କଥା ହେଉଛି, ତଥ୍ୟ ଆଦାନପ୍ରଦାନ ସମୟରେ କେହି ଗୁପ୍ତରେ ତଥ୍ୟ ଜାଣିବାକୁ ଚେଷ୍ଟା କଲେ, ତାହାକୁ ଚିହ୍ନଟ କରିବାର ବ୍ୟବସ୍ଥା ଏଥିରେ ରହିଛି।

ସାଧାରଣ ଏନ୍‌କ୍ରିପ୍ସନ୍ ବ୍ୟବସ୍ଥା ଗାଣିତିକ ପଦ୍ଧତି ଉପରେ ନିର୍ଭର କରୁଥିବା ବେଳେ, କ୍ୱାଣ୍ଟମ୍ କି ଡିଷ୍ଟ୍ରିବ୍ୟୁସନ୍ କ୍ୱାଣ୍ଟମ୍ ପଦାର୍ଥ ବିଜ୍ଞାନର ନିୟମକୁ ବ୍ୟବହାର କରେ। ଏହା ଯୋଗାଯୋଗ ପାଇଁ ଆବଶ୍ୟକ ସୁରକ୍ଷିତ ଗୁପ୍ତ କି’ ପ୍ରସ୍ତୁତ ଓ ଆଦାନପ୍ରଦାନ କରିବାରେ ସହାୟକ ହୁଏ।

ଡିଆରଡିଓ ଏହି ପ୍ରଯୁକ୍ତିକୁ ନିଜର ମାଇକ୍ରୋଇଲେକ୍ଟ୍ରୋନିକ୍ ଡିଭାଇସେସ୍, କମ୍ପ୍ୟୁଟେସନାଲ୍ ସିଷ୍ଟମ୍ସ ଆଣ୍ଡ ସାଇବର ସିକ୍ୟୁରିଟି କ୍ଲଷ୍ଟର ଅଧୀନରେ ବିକଶିତ କରିଛି। ଏଥିରେ ଏହାର ଉତ୍ପାଦନ ସହଯୋଗୀ ଟ୍ୟାକ୍‌ବିଟ୍ ଲ୍ୟାବ୍ସ ସହଯୋଗ କରିଛି।

ଚାନ୍ଦିପୁରରେ ହୋଇଥିବା ଏହି ସଫଳ ପରୀକ୍ଷଣ ପ୍ରତିରକ୍ଷା କ୍ଷେତ୍ରରେ କ୍ୱାଣ୍ଟମ୍ ସୁରକ୍ଷିତ ଯୋଗାଯୋଗର ବ୍ୟବହାର ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ତେବେ ସମ୍ପୂର୍ଣ୍ଣ ଯୋଗାଯୋଗ ବ୍ୟବସ୍ଥାର ସୁରକ୍ଷା ଏହାର କାର୍ଯ୍ୟକାରିତା ଓ ସଂଯୁକ୍ତ ଉପକରଣଗୁଡ଼ିକର ସୁରକ୍ଷା ଉପରେ ମଧ୍ୟ ନିର୍ଭର କରିବ।