Dussehra Security: ଦିଲ୍ଲୀ ଉତ୍ସବ ମଇଦାନରେ ରାବଣ ପୋଡ଼ି: ପ୍ରଧାନମନ୍ତ୍ରୀ ମୋଦୀଙ୍କ ଗସ୍ତ ପାଇଁ ତ୍ରିସ୍ତରୀୟ ସୁରକ୍ଷା ବଳୟ

"ନୂଆଦିଲ୍ଲୀ: ପୂର୍ବ ଦିଲ୍ଲୀର ଆଇପି ଏକ୍ସଟେନ୍ସନସ୍ଥିତ ଉତ୍ସବ ମଇଦାନରେ ମଙ୍ଗଳବାର ସନ୍ଧ୍ୟାରେ ଅନୁଷ୍ଠିତ ହେବାକୁ ଥିବା ଦଶହରା ଉତ୍ସବ ଓ ରାବଣ ପୋଡ଼ି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗଦେବାର କାର୍ଯ୍ୟକ୍ରମ ରହିଛି।

ପ୍ରଧାନମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି କାର୍ଯ୍ୟକ୍ରମ ସ୍ଥଳରେ ଏକ କଡ଼ା ତ୍ରିସ୍ତରୀୟ ସୁରକ୍ଷା ବଳୟ ପ୍ରସ୍ତୁତ କରାଯାଇଛି।Advertisment ଏହି ହାଇ-ପ୍ରୋଫାଇଲ୍ କାର୍ଯ୍ୟକ୍ରମ ପାଇଁ ସ୍ପେଶାଲ ପ୍ରୋଟେକ୍ସନ୍ ଗ୍ରୁପ୍ (ଏସପିଜି), କେନ୍ଦ୍ରୀୟ ଅର୍ଦ୍ଧସାମରିକ ବାହିନୀ, ଦିଲ୍ଲୀ ପୁଲିସ ଏବଂ ''ସ୍ୱାଟ୍'' କମାଣ୍ଡୋଙ୍କ ସମେତ ପାଖାପାଖି ୨,୫୦୦ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି।

ସୁରକ୍ଷା ବ୍ୟବସ୍ଥାର ସବୁଠାରୁ ଭିତର ସ୍ତର ଏସପିଜି ନିଜ ନିୟନ୍ତ୍ରଣରେ ରଖିଥିବା ବେଳେ ମଝି ସ୍ତରରେ ଦିଲ୍ଲୀ ପୁଲିସର ପିଏମ୍ ସୁରକ୍ଷା ୱିଙ୍ଗ୍ ଏବଂ ବାହାର ସ୍ତରରେ ସ୍ଥାନୀୟ ପୁଲିସ ମୁତୟନ ରହିବେ।

ସାଧାରଣ ନାଗରିକ ଓ ଶ୍ରଦ୍ଧାଳୁଙ୍କ ସୁରକ୍ଷା ପାଇଁ କାର୍ଯ୍ୟକ୍ରମ ସ୍ଥଳକୁ ଆକାଶମାର୍ଗରୁ ଡ୍ରୋନ୍ ଜରିଆରେ ନଜର ରଖାଯାଉଛି।

ଛାତ ଉପରେ ସ୍ନାଇପର ମୁତୟନ ପ୍ରାୟ ୧୦,୦୦୦ ଦର୍ଶକଙ୍କ ସମାଗମକୁ ଆଖିଆଗରେ ରଖି କେବଳ ବୈଧ ପ୍ରବେଶ ପାସ୍ ଥିବା ବ୍ୟକ୍ତିମାନଙ୍କୁ ସନ୍ଧ୍ୟା ୬ଟା ୩୦ରେ ପ୍ରଧାନମନ୍ତ୍ରୀ ପହଞ୍ଚିବା ପୂର୍ବରୁ କଡ଼ା ଯାଞ୍ଚ ପରେ ଭିତରକୁ ଛଡ଼ାଯିବ।

ବୋମ୍ ସ୍କ୍ୱାଡ୍, ସ୍ନିଫର୍ ଡଗ୍, ମେଟାଲ୍ ଡିଟେକ୍ଟର ଏବଂ ଛାତ ଉପରେ ସ୍ନାଇପର ମୁତୟନ କରାଯାଇଛି।

ଅପରପକ୍ଷରେ, ଦିଲ୍ଲୀ ଟ୍ରାଫିକ୍ ପୁଲିସ ପକ୍ଷରୁ ସନ୍ଧ୍ୟା ୫ଟାରୁ ରାତି ୮ଟା ପର୍ଯ୍ୟନ୍ତ ଜାତୀୟ ରାଜପଥ-୨୪, ବିକାଶ ମାର୍ଗ, ପଟପଡ଼ଗଞ୍ଜ ଏବଂ ଗାଜିପୁର ଅଞ୍ଚଳରେ ବ୍ୟାପକ ଟ୍ରାଫିକ୍ କଟକଣା ଓ ରୁଟ୍ ପରିବର୍ତ୍ତନ ଲାଗୁ କରାଯାଇଛି।

୩୦୦ ରୁ ଅଧିକ ଟ୍ରାଫିକ୍ ପୁଲିସ କର୍ମଚାରୀ ଏବଂ ବରିଷ୍ଠ ଅଧିକାରୀମାନେ ଯାତାୟାତ ସୁଗମ କରିବା ପାଇଁ ନିୟୋଜିତ ଅଛନ୍ତି।

Gold Mine Collapse: ଧସିଲା ବିନା ଅନୁମତିରେ ଚାଲୁଥିବା ଖୋଲା ସୁନା ଖଣି: ମାଟିତଳେ ଚାପି ହୋଇ ୧୪ ମୃତ, ୭ ଆହତ"