କମ୍ୟୁନିଟି ହଲ୍ ନାଁରେ ହରିଲୁଟ୍! ଉଦ୍ଘାଟନ ପୂର୍ବରୁ ଧସୁଛି ମାଙ୍କଡ଼ଝୋଲା ବହୁମୁଖୀ କେନ୍ଦ୍ର
ନନ୍ଦିଘୋଷ ବ୍ୟୁରୋ : ପୌରପରିଷଦ ପାଣ୍ଠିରୁ ପ୍ରାୟ ୧ କୋଟି ୪୦ ଲକ୍ଷ ଟଙ୍କା ବ୍ୟୟରେ ନିର୍ମାଣ ହୋଇଛି କମ୍ୟୁନିଟି ହଲ୍। ନିର୍ମାଣ କାମ ସରିଛି, ହେଲେ ଏଯାଏଁ ହୋଇପାରୁନି ଉଦ୍ଘାଟନ। କାରଣ, ନାଗାବଳୀ ନଦୀ କୂଳଠାରୁ ମାତ୍ର କିଛି ମିଟର ଦୂରରେ ନିର୍ମାଣ ହୋଇଛି କୋଠା। ଏବେ ଏହାର ତଳ ଭାଗରୁ ମାଟି ଧସିବା ଆରମ୍ଭ କରିଥିବାରୁ ବଢ଼ିଛି ଚିନ୍ତା। ଏପଟେ କୋଠାକୁ ସୁରକ୍ଷା ଦେବା ପାଇଁ ନାହିଁ ପ୍ରୋଟେକ୍ସନ ୱାଲ୍। ଫଳରେ ବନ୍ୟା ଆସିଲେ ପୂରା କୋଠା ଭୁଶୁଡ଼ି ପଡ଼ିବାର ଆଶଙ୍କା ରହିଛି। ନାଗାବଳୀ ନଦୀରେ ପ୍ରତିବର୍ଷ ମାଟି ଅତଡ଼ା ଖସି କୂଳ ଲଂଘୁଥିବା ବେଳେ ଏଭଳି ବିପଜ୍ଜନକ ସ୍ଥାନରେ କାହିଁକି କୋଠା ନିର୍ମାଣ କରାଗଲା, ତାକୁ ନେଇ ଉଠିଛି ପ୍ରଶ୍ନ। ଏଥିପାଇଁ ଦାୟୀ ଅଧିକାରୀଙ୍କ ବିରୋଧରେ କି ନିଆଯିବ କାର୍ଯ୍ୟାନୁଷ୍ଠାନ? ଏସବୁ ପ୍ରଶ୍ନ ମଧ୍ୟରେ କୋଠା ନିର୍ମାଣରେ ଅନିୟମିତତା ଅଭିଯୋଗ ଆଣି ଭିଜିଲାନ୍ସ ତଦନ୍ତ ଦାବି କରାଯାଇଛି। ସେପଟେ ଘଟଣାର ତଦନ୍ତ କରାଯିବା ସହ କମ୍ୟୁନିଟି ହଲ୍ର ସୁରକ୍ଷା ପାଇଁ ପ୍ରୋଟେକ୍ସନ ୱାଲ୍ ନିର୍ମାଣ କରାଯିବ ବୋଲି ସ୍ୱତନ୍ତ୍ର ଉନ୍ନୟନ ପରିଷଦ ଉପାଧ୍ୟକ୍ଷା କହିଛନ୍ତି।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
