ପ୍ରସ୍ତୁତ ପଶ୍ଚିମ ଓଡ଼ିଶା । ପାଖେଇ ଆସିଲାଣି ଗଣପର୍ବ
ନନ୍ଦିଘୋଷ ବ୍ୟୁରୋ :ପ୍ରସ୍ତୁତ ପଶ୍ଚିମ ଓଡ଼ିଶା । ପାଖେଇ ଆସିଲାଣି ଗଣପର୍ବ ନୂଆଁଖାଇ । ପଶ୍ଚିମ ଓଡ଼ିଶାର ମାଟି, ପରମ୍ପରା ଓ ଭାବାବେଗ ସହ ଜଡ଼ିତ ଏହି କୃଷିଭିତ୍ତିକ ପର୍ବ ପାଇଁ ସବୁଠି ଉତ୍ସାହ । ନୂଆ ଧାନରେ ନୂଆଁଖାଇ ପରମ୍ପରା ପାଳିବେ ଲୋକେ । ଇଷ୍ଟଦେବୀଙ୍କୁ ନବାନ୍ନ ଅର୍ପଣ ପରେ ଜମିବ ଉତ୍ସବର ମାହୋଲ । ଏଥିପାଇଁ ମାଆ ସମଲେଶ୍ବରୀଙ୍କୁ ନୂଆ ସରିଆ ଧାନ ଯୋଗାଇ ଦେଇଛନ୍ତି ବଲବସପୁରର ଚାଷୀ ସୁବାସ ବେହେରା । ମୁଖ୍ୟ ପୂଜକ ଏହାକୁ ଗ୍ରହଣ କରିଛନ୍ତି । ଏହି ନୂଆ ଧାନରୁ ପ୍ରସ୍ତୁତ ହେବ ନବାନ୍ନ । ମାଆ ସମଲେଶ୍ୱରୀଙ୍କ ନିକଟରେ ନବାନ୍ନ ଲାଗି ହେବା ପରେ ନୂଆ ଖାଇବେ ସମ୍ବଲପୁରବାସୀ ।
ଆସନ୍ତା ୧୫ ତାରିଖରେ ପାଳନ ହେବ ଗଣପର୍ବ ନୂଆଁଖାଇ । ଏଥିପାଇଁ ବାହାରେ ରହୁଥିବା ଲୋକେ ଏବେ ପରିବାର ସହ ଘରମୁହାଁ ହୋଇଛନ୍ତି । ନୂଆଁଖାଇ କେବଳ ନୂଆ ଧାନ ଖାଇବାର ପର୍ବ ନୁହେଁ, ଏହା ହେଉଛି ପରିବାର, ପରମ୍ପରା ଓ ଭାଇଚାରାର ମହାପର୍ବ । ନିଜ ଜନ୍ମମାଟିରେ ଓ ପରିବାର ସହ ଏକାକାର ହୋଇ ନୂଆଁଖାଇ ପାଳନ କରିବେ ସଭିଏଁ । ମାଆ ସମଲେଶ୍ୱରୀଙ୍କ ନିକଟରେ ୯ଟା ୪୦ ମିନିଟରୁ ୯ଟା ୫୪ ମିନିଟ୍ ମଧ୍ୟରେ ଲାଗିହେବ ନବାନ୍ନ । ଏଥିପାଇଁ ସଜେଇ ହୋଇଛି ମାଆଙ୍କ ମନ୍ଦିର ।
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ NANDIGHOSHA TV - ନନ୍ଦିଘୋଷ ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି NANDIGHOSHA TV - ନନ୍ଦିଘୋଷ ଟିଭି ଦେଖନ୍ତୁ।
